انا في المقهى ماتحملت المشجع والحمدلله ان الجمهور فصل بيننا .. - نادي الهلال السعودي - شبكة الزعيم

بحرالعيون · #1 19/10/2007, 02:36 AM

واقسم بالله هذا الجمهور الهلالي يحط في راسه لاعب انه مو كويس خلاص مايتغير مفهومهم

والعكس حاطين في روسهم ان تفاريس هو صخرة الدفاع وكتبت مواضيع كثيرة واتحدى احد يخالفني

كل الاهداف اللي تدخل علينا من جهه تفاريس

واليوم قهرني واحد وحنا جالسين في مقهى اول ماجاء الهدف الاول قام يلعن ويشتم في المفرج

حاولت امسك اعصابي وماتناقش معه لاني انا اللي فيني مكفيني انصدمت بالهدف

بعد ماجاء الهدف الثاني عصب وصوت يامفرج يا..... كل شئ قاله ماتحملت قلتله قسم بالله لو تروح تنام في بيتكم احسنلك

ماتفهم في الكورة قال ياخي المفرج ضيع علينا بطولات ومباريات قلتله ليش حطيت السبب المفرج

مع ان كل الهدفين من جهة تفاريس وكذلك الدعيع ماشوفك تلومه

قال لاتتكلم بتفاريس ؟؟؟ تفاريس يلعب على كيفه ؟؟ واصلا الدعيع وتفاريس مايلعبون صح عشان المفرج معاهم ؟؟

وبصراحه مو اول مرة اسمع هالكلام كلكم كذا الا ماندر

والله لو الدعيع وتفاريس يفتحون الباب على مصراعيه والمفرج يضحي ويصلح اخطائهم قلتوا المفرج هو السبب

وبعضها ينقذها المفرج بتضحيته شفنا اليوم كم مرتدة من خانه تفاريس والهدفين اكبر دليل

وغير تمريراته اللي كلها في المدرجات

الله يجيبك بس ياهوساوي وتحلنا مشكلة الاهداف اللي من جهة تفاريس

##هلالي سدير## · #2 19/10/2007, 02:44 AM

كلام سليم المفرج اليوم بطل الدفاع

زعيـ نصف الأرض ــم · #3 19/10/2007, 02:46 AM

صدقت والله

لا تستغرب أي هدف يدخل علينا يقولون من المفرج

حتى لو هو ما يلعب

m6 m6 · #4 19/10/2007, 02:49 AM

يعني تبي تقنعنا ان المفرج افضل من تفاريس

يخوي من ناحيه البطولات فهو صادق المشجع رغم ان اني ضد السب والشتم ..!!

وهذا المباراة الوحيدة اللي شبه تألق فيها المفرج

اما كلامك عن تفاريس اسمح لي بقولك ماعندك سالفه اذا كنت

تظن ان فيه احد بيغطي وبيلعب بروح وحب واخلاص تفاريس للهلال ..!!

تفااااااااااااااااااااااااااااااريس وبس لو يسجل عشرة اهداف بمرمانا

فداه

el rey · #5 19/10/2007, 02:51 AM

مشكوور اخووي وصادق في اللي قلته المفرج بطل وفدائي والله الاعب اللي اشوفه

اكثر اخلاص ومتحمس هو المفرج ،،

كبييير يالمفرج ولايهمك كلام المقهورين ،،

{<الســــ9ـــامي>} · #6 19/10/2007, 02:55 AM

المفرج معروف انه يبدع بالمباريات الغير مهمه

بس اذ جا النهائي ولا مباراة خروج مغلوب تعال شف النكبات وشلون تتطلع

اما تفاريس فاسمحلي انك غلطان لانك ماراح تشوف مدافع مقاتل مثله

قاهر الاصفر · #7 19/10/2007, 02:55 AM

هدف ياسر القحطاني سببه المفرج

هـــــــلالي · #8 19/10/2007, 02:57 AM

جمهور المفرج والمطبلين يقولون المفرج مبدع حتى وهو كاسر التسلل في ا لهدف الثاني

تيفا له ثلاث مواسم بمستوى ثابت طبيعي ان ينخفض مستواه وانا اعترف ان تيفا اليوم على غير العاده

لكن متأكد وواثق انه راح يرجع

اما المفرج حتى وهو يخطيء وينكب جمهوره يدافعون عنه ويضعون مبررات و و و

كل شيء واضح المفرج زفت وفاشل الله يفكنا منه

assas · #9 19/10/2007, 02:57 AM

إقتباس


	تفااااااااااااااااااااااااااااااريس وبس لو يسجل عشرة اهداف بمرمانا فداه

صدق أن فيه ناس ما تهتم بمصلحة الفريق عموماً , أهم شي عندها أنها تنتقد فلان ..!!
أجل يسجل 10 أهداف في مرمانا ويفداه ..!!

ღ MiLaN4eVeR ღ · #10 19/10/2007, 02:57 AM

هؤلاء لا يفهمون بالكرة شيء اخوي
تقوله المفرج قدم مباراة طيبة اليوم يقولك يعني تفاريس سيء
ولو كل واحد فكر بعقله كان ما قال ان تفاريس اليوم ممتاز
الله يحفظك يا مفرج صحيح ان اخطائك كثيرة لكنك لاعب مؤثر واثبت اليوم انك رائع
للعلم المفرج ابعد كرة محققة من الهدف
وتفاريس كاد يتسبب بهدف محقق
بعدين يجون يقولون ان المفرج سيء وتفاريس جيد وعادي يخطأ

عبدالله.ع · #11 19/10/2007, 02:58 AM

اليوم بعد الهدف القدساوي الاول تفاريس مرر تمريرة خاطئة وتسببت في انفرادة قدساوية الحمدلله انها ضاعت ..

والله لو انه المفرج !! مدري وش بيصير

انا لست مدافعا عن المفرج ولست مهاجما لتفاريس .. انا مع العقلانين الذين يفهمون كرة القدم

تحياتي لكاتب الموضوع ..

الذيـــــ9ـــــب · #12 19/10/2007, 02:59 AM

كلامك صحيحـ ..

الشمري 999 · #13 19/10/2007, 03:00 AM

تفاريس جاي يتعلم فنون الدفاع من المفرج

sir.blue · #14 19/10/2007, 03:01 AM

انت اكبر مطبل

شكلك ما تعرف من الكورة الى اسمها

انت تطبل للمفرج وتضرب بمصلحة الزعيم عرض الحائط

ياخي الكريم لا تستخف بعقول الجماهير ولا تجيب لنفسك الكلام

المفرج اكبر علة في تاريخ نادي الزعيم "هو طيب وخلوق ومنضبط" ما قلنا

شي بس تقول انه احسن من تفاريس هذا استخفاف بالعقل وقمة التطبيل ترى ارتفع ضغطي من ذا المواضيع يا خي اذا تعرفه قله يروح ترى كفاية ..

والله لو عندي فلوس لامشي له راتب وهو جالس في البيت لا يجي

واسوي له اكبر حفل اعتزال

وجيبك تطبل له انت واسامه

ALQannas Mesh3al · #15 19/10/2007, 03:04 AM

يعني حكمت على تفاريس من هالمباراة!!!