اخواني الزعماء
الهدف من هذا الموضوع هو فقط مناقشة التكتيك الدفاعي للهلا وبدو اي تجريح للكابتن الخلوق فهد المفرج مع كامل الاحترام له؟
سؤال بس شوفوا كيف تبنى الهجمات من الدفاع الهلالي المفرج حتى ماعنده ثقة بنفسه يبدا هجمة اي كورة تجيه في عمق الدفاع يعطيها تفاريس عشان يبدا الهجمة.
ثانيا شوف الهدف الاول ترك السهلاوي وتقدم ياخذ الكورة من مهاجم القادسية اللي مرر الكورة مره ثانية للسلاوي الفاضي بعد ماتركه المفرج لوحده يعني لاهو اللي قطع الكورة ولا هو اللي بقى ماسك السهلاوي وجا الهدف الاول.
ثالثا الهدف الثاني المفرج كالعادة كسر التسلل وخطة كوزمين تعتمد على الضغط عن طريق كشف التسلل واذا ماعندك مدافع يضبط الشي هذا رح نكون في ورطة والله العالم في المباريات المصيرية قدام الفرق الكبيرة والاخطاء ذاك الوقت مافيها رحمة ولاتتوقع انه لما يسجل فيك رح تقدر تسجل اربعة مثل ماحصل مع القادسية لان الفرق والمناسبات تختلف.
احترم المفرج كثير لخلقه الفاضل ولكن لازم يوضع في الاحتياط او الاولمبي يعلم من جديد كيف يتعلم ضبط التسلل وكيف يبني الهجمة.
(عشان تقتنعون اكثر راقبو ولاحطو اي تسلل او هجمة مرتدة عللى الهلال وشوفو كيف يتصرف المفرج وان شاءالله تعرفون اللي اقصد لاني متابع للمدافعين اكثر من المهاجمين رح تشوفون امور لايمكن تحصل لما كان دفاعنا فيه الشريدة وخليل واللي هم احد اهم اسباب انتصارات الهلال مع المدربين الرومانيين بضبطهما كشف التسلل وسلامتكم).