المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إغلاق الموضوع
   
 
LinkBack أدوات الموضوع طريقة عرض الموضوع
  #1  
قديم 18/10/2007, 10:58 PM
الصورة الرمزية الخاصة بـ هلالي 292
زعيــم مميــز
تاريخ التسجيل: 10/07/2006
مشاركات: 1,962
Arrow الكبير كبير ياهلالّـ والكل يشهدلكـ بفنكـ (لاتغامرون بالفرح)،’ ياسر+ الصويلح+الياس +البرقان...الفريق يحتاج تعديل والدفاع والاظهرهـ مشكله؟؟

اهلين يـ اخوان..


الف الف الف الف الف الف ترليون مبروكـــ ع النتيجه والمستوى ..


ياناس هذ1 الهلال اللي نعرفه بمستواه وفنه اللي ابهرنـا كلنــا.. الله عليك ياهلال احلى عيديه قدمتها لنــا اليوم..بس العيديه الاكبر فوزنــا بالدوري وغير هذ1 ماراحـ نرضى


اليوم الفريق اعجبني بشكل عام.. بس عندي ملاحظات على بعض اللاعبينــ..


وهم..

ياسر القحطاني محبوبنــا .. بس مايعني انه جاب هاتريك افضل لاعب مع احترامي لأهدافــه ياسر وش سوى اليوـوم ؟؟؟؟؟؟ بصراحه كان نايم بالهجوم لاتحركـ لا استلام وتسليم صحـ.. استسلام للرقابه ..الحماس صفر ع الشمالــ انا كنت اتمنى اشوف ياسر يتحرك يمين ويسار واشو له تسديدات يعني خطورهـ ماشفت شي.. والله العظيم طول المباراه ماسمع اسم ياسر الا اذا قال قوووولـ؟؟؟

ياسر اشفيكــ .. اليوم التائب خدمك وصلحلك كور بس مو معناتها بتدوم ترى اللي قابلته فريق القادسيه..بس عند الاتحاد والاهلي لازم تشد لازم انت بنفسك تتحركـ مو تنتظر الكورهـ..

وانت تبقى نجمنا الاولـــ ومحبوبنا بس هذي عتب محبه لكـ واتمنى انك تستفيد ومشكور ع الاهداف الحلوهـ..ونبي المزيد بالمباريات الجايه وبالذات المباريات الحاسمه لأنك فيها طايح كرتكـ



احمد الصويلح.. والله حرام يظلمونك ويجيبون مهاجم وانت موجود .. اليوم جتك فرصه واثبت للجميع انك قدها وقدود ..والله ياناس احمد اليوم غير مبدع سو كل شي بهذل الدفاع ..بس لحد الحين وانا كم مره قلتها لأحمد الصويلحـ لاشفته اقوله يا احمد مشكلتكـ اللمسه الاخيره تستعجل تشووت وبس.. وهالشي صار اليوم هدفين محققين منك كله من الاستعجالـ احمد تكفى ركز بس يبيلة شوية تركيز بالشووت وتطلع فل الفل وكنترولك اليوم مضبوط ويبيلك تشد شوي بس.. وبتصير كوووول ياحلوووو وماقصرت ويعطيك الف عافيه شد حيلك بالمباريات الجايه ..



تفاريس... انت مبدع وفنان واملنا فيك بالدفاع .. بس اخر المباريات يالحبيب نشوفكـ تتقدم كثير وودك تصير مهاجم وبغيت تنكبنا اليوم تيفاا تفكى لاتخربهاااا وانا ادري انها استراحة محارب ..



المفرجـ.. انا انتقدتك كثير اليوم ابدعت بس لايعني انك فل الفل تراك قطعت كور سهله بالعربي اللي قابلناه اليوم فريق اقل من عادي.. نبي نشوفك تقطع كور من الحارثي ومالك معاذ والحسن كيتاا نبي نشوفكـ وش بتسوي وبعدها بنحكم مع اني عارف بتجيب العيد بس نصبر .. وشد حيلكـ انت بس.


البرقان... مستواك متذبذب واليوم حاط يدي ع قلبي كنت بتجيب العيد وبتاخذ كرت احمر .. والهدف الاول للقادسيه من غلطتكـ..شد حيلك وخلي احتكاك ع الكور..واترك عنك الاخطاء اللي مالها داعي ... انت مستواك حلو بس بصراحه فرق بينك وبين عزيز ..شد حيلك المباريات الكبيره يبيلها محور قووي


عزيييييييييييييييييييز 6 يالمحارب والله اشتقنالكـ


طارق التائب .. من اي كوكب جاي انت..ساحر وربي ساحر ماشالله عليك ربي يحفظكـ..كبير يالتايب بس مناولتك الحركه الهدف الثالث لياسر شي عجيب وغريب ااخ منك بس.. التايب نبيك تعتزل بالهلالـ تكفىىىىى ..




ياسر الياس.. لاتعليق مستواك عادي واقل من عادي


واطلب من المدرب يدخل مسفر القحطاني لانه هو لاعب هجوومي واوفرااات ماشالله قووويه وياسر محتاج لـ اوفررر ..



واتمنى للجمهور مايطبلون للاعبين اكثر من اللازم وتغامرون بالفرحـ.. ترى لسه 3 مباراه والدوري طويل والاتحاد متصدر وبفارق نقاطــ ع الهبل..


هالمباراهـ انتهت نفكر بالاتفاق واللي بعدو النصر ع مأعتقد ..

تكفوون لاتكثرون تمديح ... بغض النظر عن فوزنا اليوم ولا ترى فيه اخطاء كثيره وبالتحديد الدفاع لو لعبنا اليوم قدام فريق الاتحاد والله يبهذلوناا دفاعنا شوارع اليوم بس هجوم القادسيه ماحولك احد..



وراح نرجع نقولـ..ماقصرتوا ياللاعبين ويعطيكم الف عافيه ع الفوز ..

وننتظركم بالمباريات الجايه وبالتحديد قدام الاتفاق.. وماراح نرضى غير الفوز ..ونرجع هيبة الزعيم كما كانت ..



تحياتي لكم..
  #2  
قديم 18/10/2007, 11:18 PM
الصورة الرمزية الخاصة بـ هلالي 292
زعيــم مميــز
تاريخ التسجيل: 10/07/2006
مشاركات: 1,962
شدعوه مشاهدات بدون رد ياخوان مايصير ..؟؟؟؟؟؟؟؟؟


للرقع
  #3  
قديم 18/10/2007, 11:22 PM
زعيــم فعــال
تاريخ التسجيل: 30/07/2007
مشاركات: 223
الحين ياسر جايب ثلاث اهداف وتقول ماسوا شي !!

ترا ياسر مهاجم يعني وضيفته داخل الملعب تسجيل الاهداف وماقصرسوا اللي عليه

الظاهر تبون ياسر ياخذ الكوره من نص الملعب ويسحب لين يوصل القول ويسجل !!

ياسر ماقصر والصويلح اثبت ان مكانه اساسي بالهلال وكان افضل لاعب بالهلال اليوم

والتايب كلام ثاااني اتمنى ينهي مسيرته الكرويه بالهلال ...
  #4  
قديم 18/10/2007, 11:28 PM
موقوف
تاريخ التسجيل: 09/07/2005
المكان: في وسط الزعيم
مشاركات: 1,318
في كلامك احباط للاعبين
  #5  
قديم 18/10/2007, 11:29 PM
الصورة الرمزية الخاصة بـ هلالي توب
مشرف منتدى الجمهور الهلالي
تاريخ التسجيل: 03/05/2005
المكان: Cـنيـزَة ً
مشاركات: 14,626
السلام عليكم

اخي الكريم يوجد موضوع ((مُثبت))خاص للحوار والنقاش حول مباراة الهلال والقادسيه

اذا كنت ترغب المشاركة بالحوار والنقاش
اضغط هنا للدخول لـ موضوع الحوار المفتوح █ مابعد مباراة ● القادسية×الهلال ● (تحليلكم و آرائكم)


نتمنى من الجميع التعاون معنا بعدم فتح مواضيع مشابهة
ولكم منا جزيل الشكر
نعتذر على اغلاق الموضوع حتى لايكون تشتيت للأعضاء

أضغط هنا لمشاهدة :: ضوابط وشروط المشاركه في منتديات شبكة الزعيم ::






   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:11 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube