█ الحوار المفتوح █ مابعد مباراة ● القادسية×الهلال ● (تحليلكم و آرائكم) - صفحة رقم 8 - نادي الهلال السعودي - شبكة الزعيم

ملك الحــــــب · #1 18/10/2007, 10:38 PM

اول شي مبرووووك الفوز
بعدين الهلال والله مايصلحله الا 4-4-2 وشفنا يوم دخل الصويلح كيف لعبو
.... وياسر صراحه مايلعب في الهجوم بلحاله لازم معه واحد يساند
وفوز الهلال جا من اجتهادات لاعبين هذي نظرتي وياليت اداره الهلال تهتم وتجيب لاعب اجنبي بسرعه

وتستفيد من دوري الدرجه الاولى وتجيب لاعبين اظهره خااااصه اظهره لان لاعبين الاظهره مره تعبانين
واليوم ياسر الياس ماقصر ولا المفرج

وشكراااا

هامور البورصه · #2 18/10/2007, 10:40 PM

انتم يالمشرفين فتحتو الموضوع

وياليت تخلون لنا حرية النقد

اليوم الهلال فااز ولله الحمد لكن لو خسر لا قدر الله

من بنحط اللوم عليه اول وااحد المفرج !!

مع ان المفرج اليوم لاعب صح بعكس تفااريس الي يتحمل الهدف الاول

وبعدين الاظهره يعني فريق مثل الهلال ماعنده اظهره

يعني الي اعرفه ان الاظهره هي مفتااح العب في الفريق في الهلال

الاظهره تعطل العب يعني الخثران كل مامسك كوره لازم ينقشها طيب نااول ارضي

اتمنى من الادارة تلاقي حل للأظهره

وكل الشكر لكم

والف الف الف مبرووك للهلال

algohmani · #3 18/10/2007, 11:02 PM

إقتباس

الرسالة الأصلية كتبت بواسطة هامور البورصه


	انتم يالمشرفين فتحتو الموضوع وياليت تخلون لنا حرية النقد اليوم الهلال فااز ولله الحمد لكن لو خسر لا قدر الله من بنحط اللوم عليه اول وااحد المفرج !! مع ان المفرج اليوم لاعب صح بعكس تفااريس الي يتحمل الهدف الاول وبعدين الاظهره يعني فريق مثل الهلال ماعنده اظهره يعني الي اعرفه ان الاظهره هي مفتااح العب في الفريق في الهلال الاظهره تعطل العب يعني الخثران كل مامسك كوره لازم ينقشها طيب نااول ارضي اتمنى من الادارة تلاقي حل للأظهره وكل الشكر لكم والف الف الف مبرووك للهلال

المفرج ممتاز وتفاريس جيد بس الاظهره يبيلها حل مستعجل اوافقك بكثير مما قلت

$كاكا$ · #4 18/10/2007, 10:40 PM

بسم الله الرحمن الرحيم

نعم نقاش

أنا لم أتوقع جمهور الهلال بهذه الصوره

لايهتموون بمستوى اللعب

بل يحبون شكل الاعب

الياس لم يلعب بشكل جيد

يقولون بعض الأعضاء

ياس الياس مبدع

وييين

المفرج ليس له جمهور

يقول بعض الأعضاء

المفرج مكانه الأحتياط

هو المبدع

تفاريس نكبت المبارات

الهدفين من عنده

مكانه الاحتياط

شباب والله عيب عليكم تحبون شكل الاعب

لاتظلم اللعب أو الشخص

ونت غلطان ترى دعاء المظلوم مستجاب

لاتعليق

algohmani · #5 18/10/2007, 11:17 PM

إقتباس

الرسالة الأصلية كتبت بواسطة $كاكا$


	بسم الله الرحمن الرحيم يقولون بعض الأعضاء ياس الياس مبدع وييين المفرج ليس له جمهور يقول بعض الأعضاء المفرج مكانه الأحتياط هو المبدع تفاريس نكبت المبارات الهدفين من عنده مكانه الاحتياط

فعلا اخوي اوافقك تماما كل ماذكرت حاصل بس ترا عند شريحه قليله من الجمهور

الموج الهـــلالي · #6 18/10/2007, 10:40 PM

والله انا من رايي الخطه زينه

لكن لاوانه من البدايه دخل الصويلح والشلهوب كان تشوف
الإبداع صدق بس الخطه حلوه قويه

ياهلال حبك حبنا · #7 18/10/2007, 10:40 PM

مبروك الفوز
قوة الهلال تكمن في الوسط لانه سيطر على مجريات المباراة بفضل التايب وبعد نزول الشلهوب زادة قوة الوسط أتمنى أن يكون التمياط إحتياطيا لشلهوب

تفاريس اليوم ليس تفاريس الذي نعرفه ,ياسر الياس كان نقطة ضعف في الدفاع الهلالي ومعظم الهجمات القدساوية كانت من جهته

عوده حميدة للمهاجم الدولي ياسر القحطاني لما عاد ياسر عادة قوة الهلال ومن هنا أركز على جلب مهاجم اجنبي ويكون في مستوي الطموحات ليساند ياسر في الهجوم .

الناقد الصريح · #8 18/10/2007, 10:44 PM

الهلال لعب الشوط الاول ب5 لاعبين اتمنى ان يتم تحويلهم للاحتياط او اعارتهم او بيع عقودهم او عرضهم على قائمه الانتقال

1- سلطان البرقان بصراحه ليس على مستوى الهلال والله حرام تنسيق احمد عباس على حسابه

2- مشعل المورى ليس مكانه الهلال حيث طريقه لعبه اخذ الكره والانطلاق الى الزاويه ومن ثم محاوله رفع الكره ويذكرنى بالاعب اسماعيل حكمى

3- نواف التمياط يجب مراجعه نفسه واتركونا من عشق النجوم على حساب الهلال فليس هو التمياط المعروف

4- فهد المفرج خلاص لابد من احضار لاعب ممتاز فى خانته اخطاء قاتله مع انديه صغيره فكيف غدا مع انديه كبيره

5- ياسر الياس ارتباك واستعجال وخوف وتصريف كره بسرعه عمره 29 سنه ولن يفيد الهلال

وجميع هولاء الاعبين لن يفيدوا الهلال ابدا واتحدى ولابد من النظر فى امرهم وابدالهم بلاعبين شباب او لاعبين من خارج النادى

هلالية من زمن آخر · #9 18/10/2007, 10:53 PM

إقتباس

الرسالة الأصلية كتبت بواسطة الناقد الصريح


	الهلال لعب الشوط الاول ب5 لاعبين اتمنى ان يتم تحويلهم للاحتياط او اعارتهم او بيع عقودهم او عرضهم على قائمه الانتقال 1- سلطان البرقان بصراحه ليس على مستوى الهلال والله حرام تنسيق احمد عباس على حسابه 2- مشعل المورى ليس مكانه الهلال حيث طريقه لعبه اخذ الكره والانطلاق الى الزاويه ومن ثم محاوله رفع الكره ويذكرنى بالاعب اسماعيل حكمى 3- نواف التمياط يجب مراجعه نفسه واتركونا من عشق النجوم على حساب الهلال فليس هو التمياط المعروف 4- فهد المفرج خلاص لابد من احضار لاعب ممتاز فى خانته اخطاء قاتله مع انديه صغيره فكيف غدا مع انديه كبيره 5- ياسر الياس ارتباك واستعجال وخوف وتصريف كره بسرعه عمره 29 سنه ولن يفيد الهلال وجميع هولاء الاعبين لن يفيدوا الهلال ابدا واتحدى ولابد من النظر فى امرهم وابدالهم بلاعبين شباب او لاعبين من خارج النادى

فعلاااا التمياط - الموري - المفرج - الياس وداعاا بدون رجعه للزعيم ارجوكم

alnofe3y · #10 18/10/2007, 10:56 PM

إقتباس

الرسالة الأصلية كتبت بواسطة هلالية من زمن آخر


	فعلاااا التمياط - الموري - المفرج - الياس وداعاا بدون رجعه للزعيم ارجوكم

ياخي انت تعجبني كذا جمهور الهلال الذكي والفاهم

مويجيني واحد غبي اذا سبينا بعض اللاعبين عشان انه داج ولا يفهم في الكورة
تدري وش يرد الغبي يقووووووول اللاعب مخلص للهلال ........

كبير يالزعيم · #11 18/10/2007, 10:58 PM

اليوم ماشاء الله الهلال ابدع ..

خلوني اتكلم عن الوسط ماشاء الله على التايب مافيه حيله مبدع كعادته

وكذالك نواف تحركاته جداً جميله واستغرب على بعض الاعضاء في كلامهم على نواف في مباراة اليوم

صحيح التايب ماكل الجو بالمهارات واعجاب الجمهور في حركاته بس من ناحية التكتيك

ماشاءا لله عليه نواف لا تحرك اليوم بشكل ايجابي وعن البرقان ادى اللي عليه وزياده وكذلك الغامدي

اما الهجوم اتمنى من كوزمين يعني يستقر على تشكيله مناسبه وخاصةً التشكيل من بعد اشراك الصويلح

لان الدوري قدامنا طوييييييييييييييل..

يعني لاحظنا الخطوط جميعها فعّاله وعن الويلح وادائه ماشاء الله عليه حرام يترك بالاحتياط لاعب يملك السرعه

والقتاليه والتسديد فاتمنى اشراكه كأساسي زي ماشفنا اول مادخل فك الزحمه اللي مسوينها دفاع القادسيه

على ياسر ..

نرجع للدفاع ياسر الياس ادى اللي عليه وزياده وماقصر لإن زي ماشفتو كل الهجمات كانت من جهة ياسر الياس

وإذا اخطأ خطأ واحد اتمنى اننا نشجعه ولانلومه لانه صراحه بذل اللي عليه وزياده ..

والشلهوب مجرد وقت ويرجع ريكلمي ..والخثران اكتشف لنا كوزمين انه مبدع بالمحور ..

وبالايجاز الزعيم ابدع اليوم مهارياً وتكتيكياً

وان شاء الله الافراح للزعيم دوم ان شاء الله ..

السادات · #12 18/10/2007, 10:44 PM

الحمد الله على النتيجه اليوم
ما قصروا الأعبين الله يقويهم

لكن فيه مشكله عندنا بقلــب الدفــــاع والظهيــــر الأيمن وأكبر دليل جميع الأهداف التى دخلت اليوم جميعها من الجهة اليمنى

وصـــراحة عزيز تارك فـــراغ باين يا ليت الإداره تلحـــق على الوضع

دمتم بخير

الهلالي الذكي · #13 18/10/2007, 10:45 PM

السلام عليكم ومبرووووك الفوز وعقبال الكاس
1- إذا تسمحلي الضغط كان واضح على الهلال من الجهه اليمنى لعدم خبرة الياس وكذالك إرتباكه في أكثر من مناسبه
2- عودة البطل أحمد الصويلح (رونالدو الجديد)
3- أتوقع أن فهد المفرج بدأ يصحح من أوضاعه
4- لو المدرب يلعب الصويلح من بداية المباراة أفضل ليفرض الزعيم أسلوبه على الخصوم

واللي صام رمضان لاينسى يصوم الست من شوال وله الأجر من الله

hboob60 · #14 18/10/2007, 10:47 PM

أبي أقول شىء واحد بس المفرج مع إحترامي له لايصلح إلا في هذه المباريات أما المباريات المهمه والتي لاتقبل أنصاف الحلول فيجب إبعاده عنها هذا رأيي وبس.
والف مبرووك وإلى الأمام بإذن الله

هلالية من زمن آخر · #15 18/10/2007, 10:50 PM

قهر قهر والله قهر

ماشفت كل المباراة انقطع الكهرب وانا بنص الشوط الثاني او ربعه تقريبا

بس الحمدلله اهم شي الـ 3 نقاط

وان شاالله المدرب عرف ان تشكيلتنا المضمونه هي 442 ..,,