|
الف الف مبرووووووووك ياهلاليه كنت اتمنى الخامس لكن هذي المشيئه اتوقع ان في الدفاع خلل اللاعبين مرتبكين كانهم اول مرة يلعبون والدليل الهدف الاول ماقصروا اللاعبين الصويلح اثبت نفسه وبقوة ياسر الياس ماقصر مجهود وحماس رائع البرقان والله مادري وينه هو يلعب والا لا الله يهديك يابو عزيز :( بالتوفيق للزعيم في المباريات القادمه وباذن الله من فوز لفوز والشكر للجماهير اللي حضرت اللقاء العامري |
الصراحه اخوي انا مثلك اتسائل ليش الغي الهدف لانه مستحيل يكون تسلل بس اتوقع كان هناك دفع من قبل ياسر للمدافع القدساوي الله اعلم |
مساء الخير الف مبروك لكل انسان يحمل فى قلبة حب الزعيم انا ذكرت امس ان الهلال سوف يكون عشره على عشرة اليلة بس تبون الصراحه كان تسعه علــى عشرة لنجعل الواحد مقابل الهدفين وبعض الاخطاء طارق التائب نجم المباره من الطراز الاول يعطى دروس مجانية لجميع من يشاهد المبارة ياســــــر ابدع واستحق هاترك الصويلح قلب المباره وكان عشره على عشره اكرر واقول لكل الزعماء مبروك الفوز |
الف مبروك الفوز وبصراحه اهنيكم على الفكره الجميله وان دل على شي يدل على حرص شبكه الزعيم على اعضاءها والتواصل معهم دوما وطرح ماهو مفيد لخدمه الكيان الهلالي اولا الحمدلله على نتيجه المباراه والاداء المثالي والمميز من اسود الهلال وحقيقه لم اشهد اداء الفريق الهلالي بهذا الرتم من التكتيك والعب الجماعي من فتره طويله ونتمنى ان يستمر هذا الابداع والفن الى نهايه الموسم يجب على الهلال بعدم التفريط بالمدرب الروماني السيد كوزمين لانه يحمل فكر عالي من التكتيك وكذالك الجراءه بتصحيح الاخطاء بأي وقت وعدم مكابرته والتصحيح في بدايه الوقت وكل هذا يدل على الامانه والاخلاص لديه لخدمه الكيان الهلالي اللياقه اليوم كانت ممتازه واغلب المحللين اشادو بها وكل هذا العمل يشكر عليه المدرب الوطني السيد عبدالطيف الحسيني وكذالك اصرار وعزيمه وتعاون الاعبين مع الجهاز الفني التايب والقحطاني والشلهوب والصويلح عنوان الفن والامتاع وبالتوفيق لهم في المباريات القادمه ان شاءالله اداء الاعبين اليوم مطمئن ويشكرون عليه جميعنا لمسنا اليوم الروح والعزيمه والاصرار لدي نجومنا بالظفر بنتيجه المباراه والاداء المميز كذالك جمهور الشرقيه اثبت اليوم انه جمهور وفي وكان بالموعد وكذالك نهنيهم على التشجيع المثالي للهلال ونتمنى للجميع الاستفاده من اسلوب جمهور الشرقيه في التشجيع هذا مالدي والف مبروك الفوز وبالتوفيق للجميع ان شاءالله |
أولاً / نبارك للجميع هذا الفوز الثمين وعودة الروح الهلالية المعروفة ثانياً / بإعتقادي أن المدرب أخطاء بالتشكيل من البداية فوجود ياسر وحيداً في المقدمه يصعب عليه المهمة ويسهل لمدافعي الخصم مراقبته ونلاحظ عند نزول الصويلح بدأ ياسر بالتحرر وإستطاع تسجيل الهاتريك نشكر جميع نجوم الزعيم على حسن الآداء اليوم وشكر خاص للكابتن : فهد المفرج وأيضاً ومو غريبة هذا الإبداع من التائب والقناص والبقية كما نشكر الأخ / ابراهيم حقوي ومن معه وجميع جماهير الزعيم على مساندة الهلال المتواصله اليوم وبالتوفيق للهلال في المباريات القادمه |
اول شي مبرووووك الفوز بعدين الهلال والله مايصلحله الا 4-4-2 وشفنا يوم دخل الصويلح كيف لعبو .... وياسر صراحه مايلعب في الهجوم بلحاله لازم معه واحد يساند وفوز الهلال جا من اجتهادات لاعبين هذي نظرتي وياليت اداره الهلال تهتم وتجيب لاعب اجنبي بسرعه وتستفيد من دوري الدرجه الاولى وتجيب لاعبين اظهره خااااصه اظهره لان لاعبين الاظهره مره تعبانين واليوم ياسر الياس ماقصر ولا المفرج وشكراااا |
مبروك للهلآليين ومبروك لكم يآزعمآء ومن إنتصآر إلى إنتصآر إن شاء الله |
انتم يالمشرفين فتحتو الموضوع وياليت تخلون لنا حرية النقد اليوم الهلال فااز ولله الحمد لكن لو خسر لا قدر الله من بنحط اللوم عليه اول وااحد المفرج !! مع ان المفرج اليوم لاعب صح بعكس تفااريس الي يتحمل الهدف الاول وبعدين الاظهره يعني فريق مثل الهلال ماعنده اظهره يعني الي اعرفه ان الاظهره هي مفتااح العب في الفريق في الهلال الاظهره تعطل العب يعني الخثران كل مامسك كوره لازم ينقشها طيب نااول ارضي اتمنى من الادارة تلاقي حل للأظهره وكل الشكر لكم :) والف الف الف مبرووك للهلال |
بسم الله الرحمن الرحيم نعم نقاش أنا لم أتوقع جمهور الهلال بهذه الصوره لايهتموون بمستوى اللعب بل يحبون شكل الاعب الياس لم يلعب بشكل جيد يقولون بعض الأعضاء ياس الياس مبدع وييين المفرج ليس له جمهور يقول بعض الأعضاء المفرج مكانه الأحتياط هو المبدع تفاريس نكبت المبارات الهدفين من عنده مكانه الاحتياط شباب والله عيب عليكم تحبون شكل الاعب لاتظلم اللعب أو الشخص ونت غلطان ترى دعاء المظلوم مستجاب لاتعليق |
والله انا من رايي الخطه زينه لكن لاوانه من البدايه دخل الصويلح والشلهوب كان تشوف الإبداع صدق بس الخطه حلوه قويه |
مبروك الفوز قوة الهلال تكمن في الوسط لانه سيطر على مجريات المباراة بفضل التايب وبعد نزول الشلهوب زادة قوة الوسط أتمنى أن يكون التمياط إحتياطيا لشلهوب تفاريس اليوم ليس تفاريس الذي نعرفه ,ياسر الياس كان نقطة ضعف في الدفاع الهلالي ومعظم الهجمات القدساوية كانت من جهته عوده حميدة للمهاجم الدولي ياسر القحطاني لما عاد ياسر عادة قوة الهلال ومن هنا أركز على جلب مهاجم اجنبي ويكون في مستوي الطموحات ليساند ياسر في الهجوم . |
الهلال لعب الشوط الاول ب5 لاعبين اتمنى ان يتم تحويلهم للاحتياط او اعارتهم او بيع عقودهم او عرضهم على قائمه الانتقال 1- سلطان البرقان بصراحه ليس على مستوى الهلال والله حرام تنسيق احمد عباس على حسابه 2- مشعل المورى ليس مكانه الهلال حيث طريقه لعبه اخذ الكره والانطلاق الى الزاويه ومن ثم محاوله رفع الكره ويذكرنى بالاعب اسماعيل حكمى 3- نواف التمياط يجب مراجعه نفسه واتركونا من عشق النجوم على حساب الهلال فليس هو التمياط المعروف 4- فهد المفرج خلاص لابد من احضار لاعب ممتاز فى خانته اخطاء قاتله مع انديه صغيره فكيف غدا مع انديه كبيره 5- ياسر الياس ارتباك واستعجال وخوف وتصريف كره بسرعه عمره 29 سنه ولن يفيد الهلال وجميع هولاء الاعبين لن يفيدوا الهلال ابدا واتحدى ولابد من النظر فى امرهم وابدالهم بلاعبين شباب او لاعبين من خارج النادى |
الحمد الله على النتيجه اليوم ما قصروا الأعبين الله يقويهم لكن فيه مشكله عندنا بقلــب الدفــــاع والظهيــــر الأيمن وأكبر دليل جميع الأهداف التى دخلت اليوم جميعها من الجهة اليمنى وصـــراحة عزيز تارك فـــراغ باين يا ليت الإداره تلحـــق على الوضع دمتم بخير |
السلام عليكم ومبرووووك الفوز وعقبال الكاس 1- إذا تسمحلي الضغط كان واضح على الهلال من الجهه اليمنى لعدم خبرة الياس وكذالك إرتباكه في أكثر من مناسبه 2- عودة البطل أحمد الصويلح (رونالدو الجديد) 3- أتوقع أن فهد المفرج بدأ يصحح من أوضاعه 4- لو المدرب يلعب الصويلح من بداية المباراة أفضل ليفرض الزعيم أسلوبه على الخصوم واللي صام رمضان لاينسى يصوم الست من شوال وله الأجر من الله |
أبي أقول شىء واحد بس المفرج مع إحترامي له لايصلح إلا في هذه المباريات أما المباريات المهمه والتي لاتقبل أنصاف الحلول فيجب إبعاده عنها هذا رأيي وبس. والف مبرووك وإلى الأمام بإذن الله |
| الوقت المعتمد في المنتدى بتوقيت جرينتش +3.
الوقت الان » 10:02 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd