نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   أحذري...أحذري.... ياموبايلي (الون الابيض هل هو بداية تغيير الخارطه الهلاليه ؟؟؟؟؟) (http://vb.alhilal.com/t474284.html)

محمد العمر 18/10/2007 05:46 PM

إقتباس:

الرسالة الأصلية كتبت بواسطة الهلال فوق الجميع (مشاركة 6581245)
يا شين اللي يسوون شيء من لا شيء .. موضوع سخيف .. وين اللي يبي يرتقي بالمواضيع يا ادارة المنتدى ..
يعني لو يتغير الطقم وين المشكلة .. هذي هي اندية اوروبا كل سنة طقم غير السنة اللي قبلها .. وين المشكلة .. و تتغير الالوان و يتغير كل شي .. وين المشكلة ..
لو بنفكر هالتفكير كان الهلال للحين يلعب بالطقم اللي عليه دعاية المتحد .. عاجبك يعني ؟

شكراَ علي الرد الطيف يا....
أولاَ عمرك شفت برشلونه مغير ولون طقمه الاساسي
او تشلسي أو مانشستر أو لفر بول
وثانياَ انا انكلم عن شروط موبايلي افهم وش اقصد
اليوم الابيض وبعدين السماوئ شعر موبايلي
المهم الاساس في النادي
مايتغير الون الازرق والشعر والاسم
والباقي تغيير الطقم وتجديد في البس هذا مهو مشكله

هلالي بكل بساطة 18/10/2007 05:55 PM

ياليت ما نضخم الأمور,,

يعني فيه أمور أهم من لون الفريق الأزرق والأبيض,,



وثاني شئ موبايلي عرضت على الهلال وادارة الهلال وافقت اللعب بهالمباراة باللون الأبيض لكن الرياضية ضخمت الموضوع وانتوا ما قصرتوا !!




ياليت لما نعرض نقطة نكون ملمّين بجميع جوانبها وياليت ما ننظر للأمور من جهة واحدة !!



تحياتي لكم,

bokhalid777 18/10/2007 05:56 PM

عادي نلعب بالأبيض

بس نبي اللون الاساسي يكون الازرق
مشكوووووور

ياقاهرهم يالهلال 18/10/2007 05:59 PM

إقتباس:

السلام عليكم ورحمة الله وبركاتة

اخي الكريم اتمنى ان لا تأخذ هذه الامور بحساسية اكثر من اللازم

وان لاتكون ضحية خبر كتبه كاتب في احد الصحف يحاول فيه اسثارة الجمهور ضد موبايلي

بلنسبة للون الابيض فهل الهلال لم يلبس في تاريخه (( لون ابيض كامل )) حتى تكون هذه الضجه؟؟

فسبق للهلال ان لعب مباريات عده في بطولات داخليه وخارجيه باللون الابيض

وايضا اذا كنت مع من يريد الفكر الاستثماري فأنظر لأندية اوربا كـ برشلونه والريال وغيرهم

فهم يسوقون للزي الرسمي من خلال تغيير اللون

فالأمر جدا عادي ولايستوجب هذي الحساسية

اخوك هلالي توب


هذا الكلام ياهلالي توب سبحان الله كانك داخل وقاري افكاري وترجمتها هنا :D

الاسطورة واحد 18/10/2007 06:03 PM

أخوي ليش مكبر الموضوع
عادي أبيض والا ازرق كله واحـــد وكم مره الهلال لبس أبيض ولاتنسى أن شعار الهلال الأساسي أزرق وأبيض
وهذي الأندية الأوربيه مثل ريال مدريد كل موسم يلبسون طقم إحتياطي جديد مره أزرق ومره اسود ومره كحلي ...
يعني الموضوع عادي
وشكراً لك على غيرتك

الهلال فوق الجميع 18/10/2007 06:07 PM

اخوي الله يهديك .. شعار الهلال توه متغير اذا انت تقصد الشعار الصغير اللي على الصدر شعار النادي يعني .. غيروه من كم سنة ولا احد نطق بحرف .. بالنسبة للأندية الاوروبية كثيييييييييير تغير طقمها ..
و احب اذكرك بشي واحد .. ان موبايلي لن تطلب من الهلال شيء و هو مو في مصلحة الهلال و مصلحتهم .. لأن مصالحهم مشتركة .. الشركة الراعية تحاول دائما ان الفريق اللي ترعاه يكون ناجح .. حتى تربح هي من هذا النجاح ..
يعني لا تتوقع ان موبايلي ممكن تتخذ قرار معين فيه ضرر على الهلال و على نفسها ..
يا ليت ما تزعل مني لكن الله يهديك عملت شيء من لا شيء ..

brad pitt 18/10/2007 06:07 PM

عادي يأخوي أزرق أو أبيض أهم شيء الفوز،وياليت ماتسوي من الحبه قبه.

الغـــــامدي 707 18/10/2007 06:10 PM

يا اخوي لا تكبر الموضوع :upset::upset:
ما زعلوا جمهور ارسنل عند تغير الطقم ((الاساسي)) يوم الطقم العنابي
اذكرك السنه الماضيه في بطولة الخليج 3 مباريات للهلال بالابيض
وفي امثله كثيره برشلونه ريال مدريد لفربول تشلسي مان ينايتد

المرستك دائما 18/10/2007 06:11 PM

يااااااا أخوك إذا لعب الهلال
في الرياض يعني على أرضه
بالأبيض قل موبايلي متدخلة
في شؤون

لأن الأزرق الأساسي على أرضه
ويقدر يلعبه خارج أرضه

أما الأبيض فالغالب خارج أرضه
ونادراً داخل أرضه

ولا تدقق واجد

وموضوعك أحسب موبايلي ضايفين لون رمادي
ولا قلبوا الأزرق سماوي


رستووووووووووك

محمد العمر 18/10/2007 06:12 PM

أشكر جميع من شارك وتداخل في الموضوع
وهذا دليل حرصكم وغيرتكم علي الزعيم
وانا هنا لاأقصد الون الابيض في مبارة اليوم
فهذا شئ عادي
ولاكن أقصد من ذلك شرط موبايلي اذا كان صحيح
فتخيلو لو أشترطت ان نلعب مع النصر بالون الابيض او الاتحاد !!!!
وانا هنا أوجه رساله لموبايلي بعدم التدخل في الاشياء الاساسيه
وللجميع تحيـــــــــــاتي
والله يوفق الزعيم اليوم وان تكون الانطلاقه الحقيقيه في الدوري

القناع الانجليزي 18/10/2007 06:35 PM

للاسف يجب ان نرقى بفكرنا وارجوا ان لاتزعل اخوي من الرأي الاخر

يعني حنا مافيه امل نتطور بالاستثمار الرياضي اذا فكرنا بهالامور يعني اذا اشترطت الشركة الراعية هذا اللون فيها شي

وهل هذا يعني تخلي النادي عن الاساسات

للاسف لن نتطور بهذا الفكر

موبايلي المفترض انها تمتلك حقوق التسويق للنادي وهي المسؤولة عن تسويق منتجات النادي

مثل باقي اندية العالم الكبيرة

وشكرا لكاتب الموضوع
وانا اعرف انه يكتب من غيرة فجزاءه الله كل خير

موهوب القصيم 18/10/2007 06:42 PM

ترا الدعوى لون فانيله

الله اكبر صارت قضيه

nmn1 18/10/2007 06:43 PM

ياخوي مايهم أزرق وألا أبيض أهم شيء يفوز الهلال

وردهـ هلاليه 18/10/2007 06:47 PM

الهلاااااااااااااال ازرق ومانبي الفريق يلبس غير اللون المعتاد !!!!!!!!

nawafyee 18/10/2007 06:49 PM

يا خي الزعيم بيلعب باي لبس وبيفوز ان شاء الله
مشكور على المرور


الوقت المعتمد في المنتدى بتوقيت جرينتش +3.
الوقت الان » 08:14 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd