وين أروح ؟؟
 

السلام عليكم ورحمة الله وبركاته ..
اول شي كل عام وانتم بخير جميعا ... >> جينا بعد الزحمه
والله يتقبل من الجميع ان شاء الله صالح الاعمال .. :)

انا مواطن سعودي :) خريج ثانوي بنسبـة 81% قسم علمـي

ومثلي مثل اي طالب .. يحلم بالدراسه الجامعيه ..

قدمت على جامعه الملك سعود عن طريق موقعهم بالانترنت ..

وعطوني موعد للتقديم وكان يوافق يوم الأحد .. قبل يوم الاحد بأسبوع تقريباً كنت مسوي عمليه وبعد العمليه لازم اجلس بحدود الشهرين تقريبا ما اتحرك كثير ولا اطلع من البيت ..

لكن قلنا كل شي لعيون القبول يهون كل شي عشان المستقبل يهوون

رحنا يوم الاحد .. ناظرت ان القاعه اللي فيها التسجيل كانت فاضيه شوي .. يعني مافيها ذيك الزحمه المعتاده... جيت طبعا الساعه 8.30 تقريبـا

رحنا للموظف .. وتفاجأت يوم قالي ان التسجيل موقف لكل الاقسام !! بس فيه تسجيل دبلوم بكلية المجتمع وقسم لغه عربيه بس !!!!!!


انصدمت من كلام الموظف !!! لانه بموقعهم عطوني امل كبير ويوم جيت ادخل البيانات عطوني الكليات اللي انقبل فيها بناء على نسبتي !! والحين قالوا لي لغه عربيه دبلوم بس !!!!

طلعت من الجامعه وانا احيانا اصبر نفسي واقول عساها خيره وان شاء الله نلقى قبول بجامعه ثانيه . واحيانا اقول راحت عليك مالك إلا هرفي او دكتور كيف وعساهم بعد يوظفونك !!

سألت واخذت رأي اكثر من شخص .. قالوا لي مالك إلا الجامعات الأهليه

رحت دخلت موقع جامعة الامير سلطان ... ولقيت ان الدراسه للسنه بـ40 الف ريال .. والدراسه عندهم خمس سنين .. 40000*5=200000

ياساتر !!! 200 الف ريال !!! هذي اتزوج فيها وأئثث لي فيها بيت كامل وفوقهم بعد سياره جديده !!
رحت لموقع كلية اليمامه قلنا عساهم أرخص .. لقيت ان الفرق بينهم للسنه الواحد 10 الف ريال ..
يعني مجموع اللي تدفعه عشان تدرس لـخمس سنين 150 الف ريال !!!!!

رجعنا وقلنا مالك إلا الحكومي !! رحت ادور بجامعات برا الرياض
جامعه الملك عبدالعزيز بجده ووقفوا القبول !! :(
رحنا للكلية التقنيه !! لقيت انها دبلوم بس يعني بكالريوس مافيه !!
رحت لجامعه القصيم وحسب نسبتي اني غير مقبول عندهم !!
جامعة الملك فيصل نسبتي برضوا ماتسمح لي اسجل عندهم من البدايه !!!

طيب وين أروح ؟!
خريج ثانوي علمي نسبتي 81% . ومالقيت قبـول .. !!!! :(

ليت ان الموضوع وقف هنا !!

اللي غبني زودو قهرني ان واحد من اللي الزملاء نسبته 79% وداخل اداره اعمال جامعه الملك سعود !!!!!!!! (بركة فيتامين واو )

آآآخ يااعالم والله قهر

انا ماطلبت قسم طب ولا حاسب ولا هندسه !! كل اللي تمنيته قسم إدارة أعمال بس ..

معقوله مالي حق اني ادرس بكالريوس ادارة اعمال !!

انا ليتهم قبلوني دبلوم اداره اعمال موافق !!! وهذا نسبته اقل مني وقبلوه بكالريوس !!!

فعلا عندنا ببلدي الحبيب اذا عندك واسطه تقدر تصير وزير بس اهم شي واسطه ..



يبقى السؤال الأهم.....

وين أروح ؟

.............

كلام أخوي مواصل سليم

وأنا أعرف واحد شخصيا درس بالفيصل اظن سنتين او اكثر وعقبها ترك الجامعه وقدم على معهد الاداره


وعندك أخوي شركة سابك التسجيل فيها مفتوح ماله وقت محدد


والله يوفقك يارب :)

سااااابك

^
^
باحاول واشوف بمعهد الاداره
لكن هل عندهم تسجيل بالفصل الثاني ؟
ووش سالفة سابك ؟

قدم على شركة زين الوظايف عندهم بالهبل
وان طولو عليك ما وظفوك كمل دراستك
يارجال الثانوي مثل الجامعي
هذا مو تحطي لكن الواقع
وعموما الشركات تطلب خبره بغض النظر عن الشهاده

أصبر وانا اخوك

عندهم تسجيل بالنص الثاني
لكن أهم شئ تختار القسم الأنسب
وأقوى التخصصات المطلوبه ( إداره مستشفيات - سكرتير تنفيذي - نسخ بلغتين )
وإذا قررت تدخل المعهد
من الآن خذ لك دوره بالإنجليزي من معهد قوي بالتعليم
لأن الدراسه أول سنه بالمعهد لغه إنجليزيه فقط
والمدرسين بريطانيين وأمريكيين

ههههههههههههههههههههههههههههههههههههههههههههههههههههههههههههههههههههه


والله ضحكتيني :( وانا ماودي :(

انا مقدم على الحربية بنسبة 92 ووزن وطول كلهم تمام :rolleyes:

لكن كرشوني :wink:

واحد من اخوياي 81% ودخل سلام سلام :d

لو نفتك من الواسطات كان حنا بألف خير