|
قصة اختطافي....(قصة حقيقية حصلت لي) السلام عليكم اصدقائي..... سوف اقول لكم اليوم قصة حصلت لي............................... في احد الايام من عام 1998 وكان عمري وقتها 14 عاما.. ذهبت مع اختي وزوجها وظفلتهما التي لم تبلغ من العمر السنة...ليشترو اغراض فقررو ان يذهبوا ويشترو كرسي للاطفال لهذه الطفله(بنت اختي) وقالو لي ابقي في السيارة مع الطفله لن نتاخر.. فوافقت وسمعت كلامهما... وكان هذا الكلام في مدينة الرياض في شارع جرير وكانو قد صفوا السيارة قبل حلويات جرير بكم من السيارة اي امام مركز الملز الصحي(المعفن) ثم ذهبوا وكانت ايام الصيف فترك زوج اختي المفتاح في السيارة كي يبقى المكيف موجود... وانا جالسه الاعب الطفله الصغيرة وكان وقتها غير زحمة الشارع ولم يكن احد يمر بالرصيف والسيارات كانت قليله وانا اتفرج من النافذة مع الطفله .....اذ بي ارى شاب يمر من جانب السيارة وينظر اليها بتمعن شديد وانا خفت من نظراته ونسيته لانه راح.. بعدين واذ بعد قليل ياتي عجوز قصير وسمين يلبس ثوب ابيض لونه اسود من كثر الوسخ ويلبس الشماغ الاحمر وله لحيه(يمووووووت خوف).... ثم جاء وارتكى على السيارة من الامام..!!!! ثم اذ به ينحني ويركز بطنه (يعني نص نايم او متمدد على السيارة) وراكز يده على وجهه وفاتح عيناه @@ بشكل مميت من الخوف وينظر الينا انا والطفله... وبقي على هاذه الحال وانا اراه هكذا واذ بي اصبحت ابكي واصيح داخل السيارة واغلقت الابواب وانا ابكي بشدة والله اصابني انهيار عصبي من شدة الخوف وياحرام الطفله لاتفهم شيئا ولكن عندما راتني ابكي بهذه الطلريقة واصيح صارت تبكي معي بشدة وكان وقتها الجوالات جديدة موضتها.. وكان زوج اختي قد نسي جواله بالسيارة... فانا لااعرف كيف استخدمه اصلا لو كنت اعرف لنسيت المهم اخذت التليفون وطلبت رقم منزلنا فرد ابي علي وقلت له هناك واحد يريد اختطافنا وانا منهارة من البكاء فابي اصبح كالمجنون لايدري شيء عني وانا في خطر فسالني اين انا فقلت له اين بالتحديد وفجاءه انقطع صوت ابي ولا يوزجد احد على الهاتف والعجوز اصبح يقرب من بابا السائق وانا سوف اجن اصبجت اضغط البوري لكي احد يساعدني ولكن سبحان الله في هذه الحظة لااحد يمر من هنا ومن ثم سار ينظر الي وانا ابكي بهذه الطريقة وراني اتكلم بالتليفون ...لاادري ماذا حصل له وغير تفكيره وخاف وذهب حاولة ان اراقبه اين يذهب؟؟؟ هل تعلرفون اين ذهب؟؟؟؟؟؟؟؟؟؟؟؟؟؟؟؟؟؟؟؟ انه ذهب للخلف وركب بسيارة ومن كان ينتظره بالسيارة لكي يهربو(الشاب الذي مر واخذ ينظر على السيارة) والله ثواني بعد ماراحو اذا ابي واخي ياتون وقالو اينه قلت انه ذهب واتهموني بالكذب ولو على سبيل المزح ولكن انا انهمرت دموعي من الخوف ومن هذا الموقف الذي لن انساه طيلة حياتي............ ل الله لايذوقه لاحد........(انتبهو من شارع جرير) :( سار عندي عقدة من هذا الشارع... اختكم المرتعبه.. |
ماني فاهم |
تسترو ويحميكم الله |
ياشين وساويس البزران كل شيء عندهم خطف وقتل أنتي ببساطة يأخت بنت الاسلام كنتي وقتها صغيرة ماتفهمين شيء مثل كثير من الصغار أقولك القصة وشلون ... الرجل الشاب هذا والله اعلم انه ولد الرجل العجوز ..اوكي يوم يمر جنب سيارتكم وينظر اليها بتمعن شديد بما أنه شاب فأكيد لفت انتباهه السيارة اللي راكبين شكلها سيارة فخمة المهم شكل الرجل العجوز والرجل الشاب قاعدين بسيارتهم ينتظرون واحد بأحد المحلات المجاورة أما ولدهم والا قريب لهم . يوم يمر الشاب من عندكم شكله مكزوز ===> مكزوز يعني مرسل من الرجل العجوز يعني الرجل العجوز قال للشاب : رح ياوليدي ناد خوينا أو الشخص اللي ينتظرون . لما نزل الشاب ومر من عندكم لفت انتباهه السيارة وجلس يناظرها وتلقينه مادرى أن فيها أحد.. وحتى لو كان داري وشافكم يمكن انه أعجب فيك . طبعا هو رجع لابوه وقاله : مالقيت اللي ننتظره الرجل العجوز ليه مانزل من أول ؟ أنا أقولك ليه لانه كما ذكرتي بقصتك أن ثوبه وسخ لذلك مايبغى ينزل علشان مايتفشل عند العالم بس بالأخير أضطر انه ينزل لأن ولده الشاب الرخمة مالقى اللي ينتظرون .. وبعدين لاحظي أنه تسند على سيارتكم . ليه تسند على السيارة ؟ أنا اقولك ليه ؟ علشان يغطي وساخة ثوبه عن الناس وطبعا هو شاف انكم بالسيارة وحب يتميلحكم وتلقينه طير عيونه عليكم وأنتي ماصدقتي على الله قلتي بس يبي يخطفنا لأنه معروف كل البزران يخافون من الخطف ويوم شاف انك انهبلتي وبديتي تصيحين عرف أنه خوفكم وانحاش وبس ... يعني كل هالقصة وسوسة بزران هذا تحليلي عن القضية ... هل لديكي أقوال أخرى شكرا على القصة الوسواسية |
شكلك تشوفي أفلام كثييييير D: .. |
والله مافهمت شيء :confused: اقول جمجمة الهلال , لايكون صاحب السيارة اللي وراهم انت :rolleyes: والله محلل القصة تحليل ;) بس وش دراك يمكن باغي فعلا يخطفها ,:rolleyes: على كل حال .. الله ستر :) |
مو فاهم شي |
أقول عنود الصيد لاتكوني انتي البنت الصغيرة اللي قاعدة تلعبها بنت الاسلام في السيارة خخخخخخخخخخخخخخ تحطي نفسك في موائف بايخخخخخخخخخخخة |
هههههههههههه والله ياهو اختطااااااف بعد بس بصراحة القصة حلوة لكن الحمد لله ما حصل الا كل خير أجل يبي يخطفك يا بنت الاسلام خخخخخخخخخخخخ ههههههههه |
هههههههههههههههههه الله من الذراقه اجل بغى يخطفك :D :D :D :D :D الله اعلمك هذا كله من متابعة المسلسلات المدبلجة :p :D خسارة ليتني شايف الموقف على الطبيعة :D :p :D |
Re: تسترو إقتباس:
|
ايه الشرهه على زوج اختك اللي ماظلل السياره ولا حط معك محرم وبعدين تغطي وتستري الله يصلحك وترى الفتنه كلها باللي اعمارهم 14 يعني توك ورور;) |
هلا بنت الاسلام...:) حبيت أقول لك الحقيقه وهي : انه انا الشاب اللي شفتيه وكنت جاي انا واحد المشرفين ( منب مسميه عشان مايزعل ) على أساس نعرض عليك عضوية منتدى الزعيم , بس أنتي فهمتي غلط الله يهديك... وعشان أثبت لك أني صادق , ترى سيارتكم شاريها زوج اختك من أحد المعارض , ولونه ناسيه بس الظاهر انه ابيض ومن داخل عنابي أو أزرق , وبالماريه ترى جوال زوج اختك أركسون , وانتي لابسه عباة سودا ........شفتي انه أنا..:D الله يحفظك وبنات المسلمين من كل شر.... |
يا شباب اعلمكم من الي كان يراقب السياره الشايب هو عاشق النمر و الرجال هو اخو عاشق وانا اناظركم و افطس ضحك عليكم:D :D :D |
الحمد لله على السلامه قصة خطيرة جدا واعتقد انها حقيقية واطلب من الجميع عدم التشكيك في كلام الاخرين واتمنى من الجميع الحرص على الالفاظ الحسنة نسأل الله تعالى الا يري الجميع مكروها انه سميع مجيب0 بس لي ملاحظات عل الاخت * اين الحجاب؟ *هل زوج اختك محرم ام انه الموت تحياتي،،،،،، |
| الوقت المعتمد في المنتدى بتوقيت جرينتش +3.
الوقت الان » 01:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd