|
مقال: لازم نحب لازم تحبو ... مقال كتبته لحاجة(ن) في نفس يعقوب .... انا عارفة اغلبكم راح يقول : لحظه اتأكد من اللي كاتب دلووشي ولا مين؟؟ ولكن لا تتسرعو اقرو وراح تعرفو .. يجب علينا ن ان نحب ما نعمل حتى نعمل ما نحب اذا حب الشخص عمله فأنه راح يبدع فيه وراح يوصل لمكان أعلى من اللي كان يطمح له , هذا مختصر شديد لكلامي اللي راح اقوله. فلنكن واقعيين اغلبنا لا يحب ما يعمل او حتى لا يحب ما يدرس لهذا السبب تعتبر شعوبنا من اقل شعوب العالم انتاجا ...:eek: اذا احب مراسل شركه شغله فأنه من الممكن جداً انه يصير شي كبير في الشركه اللي يشتغل فيها وهذا بسبب العلاقات اللي اكتسبها من خلال عمله كمراسل يحب عمله ف راح يكون يبي يروح يوصل الشي اللي معه وهو مبســــوط و بيستغرب منه اللي بيستقبل منه الشي المرسول ومن الطبيعي انه ينتقل لشركه ثانيه في اي منصب اكبر من هذا .. اذا احب الموظف الحكومي شغله فأنه ماراح يكتفي بوظيفته فأنه راح يصير يساعد الناس في شغلهم و صدقوني انه راح يصير موظف مثالي ف يترقى بكل سهوله, وبيصير اسمه من اشهر الأسماء في مكان عملة... و امرهُ مُجاب .. اذا احب الدكتور عمله ..ماراح يكتفي بدراسته اللي درسها في الجامعه , بيصير يدرس شي ثاني لأنه ما يعرفه!! وهذا وارد في دكاترتنا الكرام امثال الدكتور الربيعه.. اذا حب الحاكم بلده فأنه يبدع فيها مثل الأمير خالد الفيصل ..انا اشوف انه ابدع في ابها فتخيلو ان في ابها اي شخص يبني عماره ما يوافقو له امر بناء من البلديه الا اذا كانت ملونه يعني اذا شفت ابهى من الأعلى يكون شكلها مرا حلو ..لدرجة اني شفت في ابها عماره مخططه بخطوط ماركة بيربري!!! ان شاء الله يحب خالد الفيصل جدة خلنا نشوف وش بيسوي فيها خلاصة الكلام اذا احب الشخص عملة فأنه يبدأفي الابتكار ليعطي المكان اللي احبه اجمل الافكار اللي تساعد المكان وتساعده بشكل كبير في تحقيق هدف جديد (بما انى افكر اذن انا اعيش وطول ما فى تفكير اذن هناك مجال للابتكار) انا اقصد بحب العمل , هو انك تحبه بعزة نفسك مو ان يجي شخص يقول انا احب عملي فأنا عبد مأمور ..لازم يكون لكل شخص لمستة وافكاره التي تميزه عن الآخرين . اذا كنت تحب عملك ف عارض و بقوه على كل ما تراه خطأ ... اذا كنت تحب وطنك فدافع بكل ما اعطيت من قوه... فالمحب لا يرى اخطاء اللذي يحب وبالأصح فأنه يغفر له بكل سهوله ويتعذر له فتعذرو لكل شيء حولكم :) احب كل ما حولك حتى تحبك دنياك ... اخلص لكل شخص مبدع حتى يعطيك اكثر.... في النهاية دمتــم وهذي بعض الاشياء اللي كانت تقرقع في فكري وابت يدي الا انها تنــقشها لكم ... اختكم :thumbup: دلوووشي |
هلا والله بدلوشي موضوع رائع والقادم باذن الله احلى.......والي عجبني اكثر شي من كلامك عماره مخططه بخطوط ماركة بيربري!!! بصراحه قعدت اتخيل شكلها عجزت احس انها روعه ماشاء الله فياليت اذا كانت الصوره عندك لاتبخلين علينا وتنزلينها بصراحه ابها كل شي حلو فيها من اسمها ماشاء الله .... واذا كنت متعيجزه تنزلين الصوره ترا عادي مولازم تنزلين صوره اهم شي راحتك<<متعقده جهازها رافع ضغطها اختي دلووووش مرحبا فيك في منتدى الزعيم بما انك جديده او يمكن تكوني من زمان مسجله بس ما بدأ تكتبين مشتاركات الى قبل فتره وان شاء الله تفيدي وتستفيدي تقبلي مروري اختك غلاهم ميرسي يمرسك <<<<<هذي كلمتى المعهوده للاعضاء <<<عشانك جديده يمكن تفهميني غلط |
خلاصة الكلام اذا احب الشخص عملة فأنه يبدأفي الابتكار ليعطي المكان اللي احبه اجمل الافكار اللي تساعد المكان وتساعده بشكل كبير في تحقيق هدف جديد موضوع رائع يعطيك ألف عافيه |
اهلاً وسهلا فيك اختي دلال .. موضوع رائع جداً .. وبالفعل متى ما احببنا العمل اخلصنا فيه واتقناه .. وقبل ان نحبه فحبيبنا محمد صلى الله عليه وسلم امرنا بان نتقن العمل اذا عملناه قبل كل شي .. لذلك من الواجب علينا انتقن .. وان احببنا العمل فهذا دافع لنا لتقديم المزيد من الابداع . . المحبه لا تأتي مباشره .. بل تأتي مع الوقت .. وقد تأتي مع التأقلم بمن حولك .. لذلك هذه المحبه عاده ما تتأخر .. ولكن مشكلتنا الاخرى هي الملل .. قد نحب الشي ونبدع فيه .. ولكن دام ان هذا العمل روتين معين من الطبيعي ان يمل الانسان من العمل به .. وهذا يقلل انتاجيتنا .. ولكن في الاخير .. لازم نعمل باتقان .. حتى قبل ان نحب .. تقبلي فائق احترامي .. والف شكر على المقال الرائع .. دمتي بخير .. |
والي يحبني انا <<<< امش يابو رمش <<اكيد بيتجنن علي اهلا اختي دلال اكيد انا كنت مااحب التدريس ولما ربي جابها لي انجبرت وحاولت اتحبب فيها صار كل الطلاب يحبوووني ويتمنون اجلس بالمدرسة ولا انقل شكرا لك دلوووشي ع الموضوع الرائع ولاتحرمينا من كتاباتك |
| الوقت المعتمد في المنتدى بتوقيت جرينتش +3.
الوقت الان » 10:38 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd