|
جمهور الزعيم / بدل ما تطالبون بهوساوي والعمري طالبوا ببقاء تفاريس لانه الافضل والاميز بينهم / أمركم غريب يا زعماء !!!!!!!!! بسم الله الرحمن الرحيم جمهور الزعيم ........ بعد التحية والسلام لنا ايام واحنا ماغير نطالب بهوساوي وماجد العمري وكأننا بدينا ننسى موضوع تفاريس بدل ما نحط الفلوس هذه كلها بناس لاول مره يلعبون للزعيم ليش ما نصير نطالب بتفاريس وعدم رحيله من الهلال والا ماعاد فيه الثقة بتفاريس وتبونه يرحل !!! أمركم غريب يا زعماء الحين هذه السنة الرابعة لتفاريس مع الزعيم ولو جبنا هوساوي او العمري وتفاريس ماترك الزعيم وش بيكون مكان هوساوي والعمري اكيد بيكون احتياط لان تفاريس ماخذ مكانه بالاساسيين ما شاء الله وبيكون جلستهم بالزعيم ما منها فايده ولا حتى الفلوس الي بنحطها فيهم نجيب لاعبين بخانات ثانية اصرف من اننا نجيب مدافع هذا رأيي وأتمنى يا زعماء أننا ما نعطي الموضوع أكبر من حجمه لأن تفاريس سيبقى بالزعيم بإذن الله وكلنا ثقة بسمو الأمير محمد بن فيصل ورجالاته وخلونا من هوساوي أو غير هوساوي أحنا نقاط ضعف فريقنا بالأظهرة ونقص بالهجوم من غير ياسر والا الباقين وش زينهم أتمنى منكم ياجماهيرنا أننا نطالب ببقاء تفاريس ونزيده حماس بدل كل شوي نقول هوساوي وما هوساوي ونحبط الاعب . |
يعطيك العافيه وكلامك سليم لكن وش اللي يمنع نجدد مع تفاريس ونجيب هوساوي في ان واحد!! |
والله من جد كلامك سليم بس نبي واحد معه يعني مثل هوساوي الافضل حالياً |
نحن نريد لاعب بجانب تفاريس .. لأن مع احتراماتي للمرشدي والمفرج ليس بـ مستوى الزعيم.. مع تحفظي للمرشدي الا أنه لاعب في بداياتـه .. وتفاريس طبعا راح ينتهي عقده في نهاية الموسم هذا أتمنى من الاداره الهلاليه أنها تجدد مع تيفاا .. لكن الهلال يظل بحاجة ماسه للاعب آخر قلب دفاع .. وأنا أعتقد العمري مكسب كبير لو أنتقل للهلال لأنه لاعب عمره 21 سنه فقط ولاعب يمتلك مؤهلات عديده تجعله قلب دفاع ناجح .. وأنا بالنسبة للاعب هوساوي ليس لدي رغبة من الاداره الهلاليه بالتعاقد معه لأن الاتحاد دخل في مفاوضات مع اللاعب والاتحاد عرض عليه 20 مليون ريال ويعني حرام نخسر 20 مليون ريال عشان مدافع .. فيه غيره .. واللي أتمناه من الاداره الهلاليه أنهم يتعاقدون مع العمري لكي يكون قلبي الدفاع الهلالي تفاريس و ماجد العمري .. قلبي دفاعين لا يقهران .. إقتباس:
ما أعتقد الزعيم عنده نقص في خط الهجوم لأن نمتلك لاعبين فقط يريدون فرصـــه لا غير .. عندك اللاعب بدر الخراشي لاعب سبق وقال عنه الجمهور الهلالي بأنه خليفة سامي الجابر في الهلال لكن للأسف لم يعطي فرصه .. وعندك أحمد الصويلح واللاعب محمد العنبر و عبدالعزيز الكلثم فقط لاعبين محتاجين فرصه لكي يثبتوا أنفسم .. أنا متأكد لو أعطوا فرصه هؤلاء اللاعبين سوف لن نحتاج لـ يـاسر أيـضـا .. شاكرلك أخوي .. وتقبل تواجدي .. دمت بـ ود .. |
يعطيك العافيه وكلامك سليم لكن وش اللي يمنع نجدد مع تفاريس ونجيب هوساوي في ان واحد!! |
كلام سليم اتمنى ان الجمهور ينتبه لهذه النقطه خاصه ان تفاريس صغير في السن .... تكفون لا يرحل تفاريس |
والله انه مع احترامي الشديد لك انك مافكرت بان الدفاع قلبين واحد احتياطي..... يعني تفاريس وهوساوي والاحتياط المرشدي اتمنى انه يجي هو وكامل المر وهم من بيحل مشكلت الزعيم |
الله يكتب اللي فيه الخير |
طيب جددنا مع تفاريس من اللي بيوقف جنبه المفرج مثلا اذا كان كذا اعتقد ان تفاريس ماراح يجدد لانه طفش من كثر مايغطي غلطات المفرج |
|
| الوقت المعتمد في المنتدى بتوقيت جرينتش +3.
الوقت الان » 02:54 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd