نادي الهلال السعودي - شبكة الزعيم - الموقع الرسمي - مــــذكـــرات موظف مفصــول + ومعرفتي بمواصل من عام 1413هـ

الحلقة الثالثة

للتعريف بمجال عملي السابق فقط أحب أبين إن العمل كان تنقل بين الرياض وجده.

في فتره عملي بقسم الإستفسار حبيت أتكلم اليوم عن المواقف الطريفه اللي حصلت لي بالقسم هذا ، وبذكر منها موقفين حصلوا معي بعد تعرفي على الزملاء بالمكتب :

الموقف الأول:
خلال فترة عملي في قسم الأستفسار حصلت على عدة مكافأت تقريباً عددها ثلاث مكـــافأت ومقدار المكــــــافأه الواحده 5000 ريال وكـــــنت اول موظف يحصل على مكافأه خلال ثمانية اشهر:d.
ومن كثره المكافآت اللي أخذتها حسيت أني محسود :sick:
كل هذا لأني قايم بعملي على أكمل وجه :sick:
بوقتها سألوني بعض الموظفين
وقالو لي كيف حصلت على هذه المكافأه ؟؟؟؟
لأنا أول مره نشوف موظف جديد يحصل عليها خلال فتره قصيره من تعينه ولا في الأصل كان الموظف لازم يمر عليه سنه ونص او اكثر عشان يحصل على هذه المكافأه.
فما بالك بشخص يآخذها ثلاث مرات :d
انا خفت على نفسي من العين وقلت في نفسي خلني اسوي عزيمة عشاء وخل الناس تشاركني في المكافأة عشان مايحسدوني :d
وسويت العشاء في مطعم( بن مهري ) :d
اللي في طريق جده المدينه وهو عباره عن مطعم متخصص ببيع السمك المقلي والمشوي الطازج وعزمت جميع الموظفين وكان عدد موظفين المكتب في الفتره هذي نهايه عام 1421هـ أو بدايه عام 1422هـ 50 موظف بس اللي حظر العشاء 16 موظف :sick:
لأن الباقين كان في بعض منهم منحرج وخجول وفي بعض منهم الله يهديهم فيهم شوفه نفس شوي :d
انتهت العزيمه والحمد لله إفتكيت من الحسد :d
ولما جاء ثاني يوم للعمل أشوف اكثر الموظفين مريضين وتعبانين :sick:
واللي غايب ، وأنا ما أدري وش السالفه :sick:
وأنا كنت تعباااااااااااان مره بس العمل يفرض علي إني أجي :d
مر علي اليوم الله لا يعيده بتعب ( مو لازم تعرفون وش التعب اللي فيني مشفر :d )
بعدها بيوم قرأت بجريدة عكاظ ثاني يوم اللي اصبنا فيه بالمرض في أحد المواضيع ( أنه يوجد حالة تسمم في مطعم بن مهري للسمك :d )
وبعدها استلموني الموظفين وقالو لي شكلك عازمنا بدون نفس :d
لأن أكثرهم دخل المستشفى :d
بس والله احسن شي حصل لي في هذي العزيمه إني تعرفت على أحد الموظفين اللي صار من أعز أصدقائي لحد الآن.
لأني في بداية الامر كنت اكره ما اشوف هذا الشخص :d
لأنه كان يمر من عندي ولا يسلم علي قلت في نفسي شكله رجال مغرور:sick:
بس بعد ماجلست معاه في العزيمه وسولفت معه لقيته رجال ينحط على الجرح ويبرا لذا نصيحه لا تحكمون على الواحد الا بعد ماتجلس معه وتسولف وتشوف وش هو من لحيه :d

:d <---- لايكثر بس

الموقف الثاني :
في يوم من الأيام بلغونا المسؤولين بأن الأمير عبدالعزيز بن فهد بيسوي جوله تفقديه في المكتب :d
لذا على جميع الموظفين الحضور والإنتظار حتى تنتهي الجوله التفقديه:sick:
بيوم الزيارة المترقب للأمير كنت مجهز نفسي بالبخور والعطور ما خليت شئ ما جبته :d
( بقى البشت :d )
قالو الأمير بيجي بعد صلاة المغرب وصرنا ننتظر سموه الكريم الله يحفظه لنا حتى اذن العشاء ولا جا:sick:
وانتظرناه لحد ما انتهى الدوام ولا جا :sick:
وأمر المسؤولين بأن ننتظر حتى يجينا أمر بالأنصراف وراح يعاقبون اللي بيتحرك من مكتبه :sick:
من كثرة الإنتظار خرج الموظفين من مكتبهم بالأحتجاج على انتظارهم كل الفتره هذي :d
:d <--- يسمعون بالمظاهرات داخل القصر
وكل ما شفنا نور سيارة زينون قلنا هذا الأمير جا تشوف الموظفين وهم يدخلون المكتب يركضون مراكض ولا يطلع الأمير :d
المهم الأمير الله يخليه لنا ما جانا الا قبل صلاة الفجر بشوي :d
وأول مكتب دخله هو مكتبي :d
بعد ماخلص الأمير من الزيارة قال لنا معليش يا شباب بصراحه كان عندي ضيف ولا طلع الا قبل شوي عشان كذا تأخرت عليكم :d
( يالبى قلبك يا أبو فهد تعتذر ) :d
بس بصراحه ماقصر معنا عوضنا بثلاث رواتب لكل موظف بسبب التأخير :d
تبون الصراحه كنت اتمنى يتأخر علينا كل مره يجي يزورنا فيها :d

وللحديث بقيه s13s