{{مصلحة الهلاااال فوووق كل شئ ... تعالوا !!!؟ السلام عليكم ورحمة الله وبركاته أخواني الزعماء الكل منا شاهد ماحصل بالمنتدى بالفترة الأخيرة وبالتحديد بعد مباراة الوحدة صرررراحه شئ مخجل انقسامات بين مؤيد ومعارض..... ناس ماتبغى هاللاعب وناس تبغاه وناس ماتبغى اللاعب الثاني وناس تبغى تطرد نصف الفريق وشئ يحير وناس ماتبغى الادارة وناس تعارض وناس مادري وش يبون صراحه مطالب وانقسامات غريبة الكل شاهد الهلال بمباراته مع نجران كيف اهتز الفريق علشان تلبية طلبات ورغبات الجماهير وهذا اكبر خطأ كيف نطالب بتغيير خمسة لاعبين من الفريق يعني نصف الفريق كيف؟ خلال اسبوع صعبه أدري كلكم تقولون من حقنا اننا نبدئ أرائنا وننتقد بس بصراحه انا ماشفت نقد صريح وسليم اللي شفته نقد جارح وبعيد عن النقد الهادف كلنا نذكر ايام خالد عزيز ببداية مشواره كان الجميع يطالب بطرده من النادي والآن خالد عزيز يعتبر افضل لاعب بالمنتخب والهلال لكن مااعتبرنا من هاللي صار معانا ومع خالد عزيز ادري بتقولون صبرنا على بعض اللاعبين لكن بعضهم جديد يعني اتحدى اي واحد منكم نزل موضوع يقدم فيه سلبيات واجابيات مثلاً اللاعب خالد العنقري او الزوري كل النقد والاراء تطالب بطرده طيب نزل موضوع عن سلبياته واجابياته وصدقوني انه هو بيقرأ الموضوع ويحاول يتلافاها وبكذا نكون لمينا شمل الهلااااال اللحين اللي صاير انقسامات بين الاعضاء بين مؤيد ومعارض لبعض اللاعبين صدقوني هالانقسامات بتأثر على أعضاء الشرف وعلى الاجهزه الادارية والفنية واللاعبين نفسهم هالمطالب هذي ماتكون بالموسم تكون قبل بداية الموسم علشان المسؤولين يقدرون يسوون شئ من دون يهتز الفريق اللحين شفنا وش صار بمباراة نجران ليش علشان مطالبنا كلنا نتمنى هاللاعب يعلب او ينضم للهلال واللاعب الفلاني مايلعب مع الهلال وانا اولكم بس اللحين الوقت مو ناسب ابد أتمنى أن رسالتي وصلت واتمنى اننا نكون خلف الهلال الهلال الهلال اللي كنا خلفه مع كذا رئيس وكذا ادارة وكذا مدربين وكذا لاعبين اشكال والوان مروا علينا وكنا خلفهم على الحلوه والمره واذا استمرينا بوضعنا هذا نطالب ونطرد ونشتم خصوصاً والموسم بادي صدقوني الهلال راح يتمزق وينقسم لكن خلونا نتحد مع الهلال حتى لو كنا نرفض الادارة او حتى لو كنا نرفض اللاعبين او المدرب او اي شخص لان بها الوقت الهلال محتاج لوقفتنا معه من دون اثارت مشاكل ومطالب ماهو وقتها وآسف على الاطاله |
تســـلم يمينــــــك :thumbup: الهــــــــــــلال أهــــم |
يعطيك العافيه والقادم احلى لزعيمنا |
مشكور الفيصل الهلالي وتسلم على مرورك ان شاء الله القادم احلى ياسعود مشكور على مرورك واتمنى تفاعل كل الاعضاء |
والله عين العقل وان شاء الله رسالتك توصل لجميع الاعضاء مشكور يعطيك العافيه |
مشكوره يابنت الهلال على مرورك |
الهلال اهم لكن فيه اشياء لازم نبدي وجهة نظرنا فيها عشان مصلحة الهلال |
مشكور عالموضوع وكلامك صحيح |
كل شخص من جماهير الهلال من حقة يبدي رايه صح ولا أنا غلطان اخوي لكن أختلاف الرائي لا يفسد للود قضية فنحن الشعب الهلالي نختلف في نقاط لكن كلنا نتفق أن هدفنا فائدة النادي ولازم الإدارة تشوف الأغلبيه وتسمع للجماهير وهي تقرر و بلا مجاملات مجرد وجهة نظر والله يعطيك العافيه وكل عام و أنت بخير و جميع الشعب الهلالي أخوك |
شكرا على مروركم عاشق هل هلالي كلامك سليم بس المطالب تكون واقعية وبوقتها |
ولد الزعيم البار اكيد لازم نبدئ وجهة نظرنا لكن بالطريقة الصحيحه ومشكور على مرورك |
:thumbup: إقتباس:
|
الوقت المعتمد في المنتدى بتوقيت جرينتش +3.
الوقت الان » 01:12 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd