|
إقتباس:
بصراحة احس يومك كأنه يوم عادي مو رمادي<<<<تكفى يالعندليب من كلامك احس اقامتك بالرياض<< يعني سواسوا <<يعني سم سم<<:d اقلك شي من الحين رتب نفسك لعيد الاضحى<<<بعااااا بعااااا شكرا لمرورك |
كل عام وانتم بخير طبعاً وكالعادة وعادة الكثير من الشباب مانمت طبعاً صليت الفجر ورجعت للبيت أنا والوالد واخواني ولقيت الوالدة تزين القهوه وسلمت عليها وبعدين تقهوينا ورحنا نصلي العيد. بعد صلاة العيد حدث الشيء الي انا خايف منه وهو النعاس الشديد:cry: فقلت خلني أخذ غفوة ساعة فأخذت الغفوة الي تحولت من ساعة إلى 13 ساعة :eek: مادريت إلا وانتبه ولا أدري وش السالفه مادري كم الساعة لان الغرفة ضلام وأقعد متنح لي 5 دقايق أستوعب الموضوع مدري حسيت اني نايم أكثر من ساعة وطبعاً ما ادري هو النهار أو الليل لان شبابيك البيت فيها شتر والشتر هو الي يسكر الشباك ولا تدري هو النهار أو الليل. المهم وأخذ الجوال وكانت تشير الساعة إلى 10:eek:بالليل. ومكتوب مكالمات لم يرد عليها 32 مكالمة:eek: أبوي وأمي وأخوياي. فكلمت الوالد وقال وينك قلت بالبيت قال ليش ماجيت عند عزيمة عمك الظهر قلت نايم. قالي هذا الي فالح فيه نوم وبس. ونزلت للصالة ولا فيه أي أحد بالبيت كلهم رايحين يتعيدون وأنا نايم.:cry: وأتصل على الوالدة قالت تعال عند خوالك توهم ما حطوا العشاء. وأروح واتعشا وأرجع اهلي معي وتقولي الوالدة وشلون عيد عمانك قلت والله ممتاز:d (نصاب) وقفت السيارة وإلا الوالد عند الباب توه جاي من الزيارات المكوكيه . وقال الوالد فشلتنا كل عمانك يسألون عنك وأقولهم الحين بيجي ولا جيت. وقالتلي الوالدة يا نصاب توي أقولك وشلون عزيمة عمانك وتقول ممتازه. :d وهذا اول أيام العيد وأذا كانك تبي ثاني ايام العيد فأنا حاضر:thumbup: |
اول شي كل سنة وانت طيب وتجيك سالفة العيد/ في ليلة العيد جالسة انا وبنت عمتي سوالف وضحك وعشاء وروقااان على الآخر وكل وحده باقي لها اغرض تخلصها ومع ذلك فالينها مادرينا الا وذا اللي يقول الله اكبر الله اكبر قسم بالله ياجتنا روعه شلون الوقت راح كذا بسرعه !! ثمن كل وحده طست لبيتها وكنت ناويه اصلي العيد بس نسيت ما اكوي فستاني :upset: وعشان كذا جلست طول الصبحيه اكوي فيه ويوم جيت البس ادور القطعه الثانيه من الفستان ولا القاها دورتها في كل مكان بغرفتي ولاحياة لمن تنادي :cry: ومن الخوف عورني بطني وقمت دخلت غرفتي ابي اصيح بس ماقدرت :d فالأخير سالت امي عنها وقالت انها حاطته مع باقي القماش اللي بينكب :upset: يعني بغيت اروح فيها بس ربي ستر وبعدين رحنا للإستراحه من الساعه 8 الى آذان المغرب فالبدايه جلسه رسميه و زهق غلا تعالي صّبي القهوه .. غلا تعالي شيلي .. غلا تعالي حطي ...الخ ويوم بدوا يتفرقون تعال شف الطقطقه والرقص والهبال ثمن دق اخوي وقال يلا على البيت وانا في السياره دقت علي بنت عمتي وهي تسولف طاح الجوال من يدي <<< غفت عيني وانا مدري :d >> ياحياتي يا انا مررره تعبانه :cry: عقب رجعت للبيت وعلى النت الين الساعه 9 وشحذت اخوي يوديني اشوف الالعاب الناريه << ياحلو الطفوله :d وبعدين شريت عشاء ورجعت للبيت ولقيت عمي عندنا و يلمح يبي يأكل وجبتي وانا الي آكلها بسررعه :d عقبها أخذني الحنين الى سريري ودقت صديقتي ونمت وانا اكلمها للمره الثانيه على التوالي وربي بس اشوى قضى شحن جوالها وانقطع وانا من التعب نمت بدون مكيف :cry: و عذرن على الاطالة بس شسوي فشيت خلقي هنا يعطيك العافيه |
إقتباس:
بس تبي الصراحة احس انك احسن مني على الاقل انا لا خوالي ولا عمامي :cry::cry::cry: كل سنة وانت طيب ونشوفك بعيد الاضحى ان شاء الله |
إقتباس:
وبراحة احلى شي فيكي انك << ياصبابين القهوة زيدوا حلاته<<خخخخخ:laugh::laugh: اهم شي شفتي بنات العم وعمك الي جحدتيه مايأكل معاك الظاهر انك اكيييلة:d شكرا لك على مرورك العطر وننتظر المزيد من الاخواااااااااااااااااااااان الكراااااااااااااااااااااااااام |
عيدي نفس ماذكر سابقاً يعني نفس الاخوان مكرر ماله داعي اكتب:d:d لصاحب الموضوع وللجميع عيدكم مبارك |
اول شي كل عام وانتم بخير :) هذا اول يوم بالعيد وديت الاهل لصلاة العيد ورجعت للبيت وقعدت على النت الين الساعة 8 تقريبا ونمت بعدها وقمت الساعه 4 العصر وبعدها بساعه :d رحت والاهل للأستراحة (يجتمعون فيه العائلة ) إليت الساعة 1 ونص بعدين رجعت البيت ودخلت النت وتلفزيون الين 8 الصبح بعدين نمت :d <<<عيد غريب صح :d ثاني يوم بالعيد ما قمت الا الساعه 5 المغرب وبعدين مرني ولد عمي ومشينا للاستراحة وما رجعت الا الساعة 4 الفجر للبيت ^^^^ اليومين هذي كتبتها بإختصار ^^^ اليوم الاول افضل من الثاني بالنسبة لي :pleased: |
اول يوم العيد بفراشي :d |
إقتباس:
مافي مشكلة صديق انا اكتب ايش يوم انت في ايصير سوا سوا بابا وماما نبي تفاصيل رحلتك مشكوووورة إقتباس:
احلى شي فيك انت النت صار خوي دربك<<< زيي:d:d اقوووووول والله لا يوم الاول ولا يوم الثاني احسن مافيك انك نومة x نومة اشكرك على المرور ونشوفك بعيد الاضحى ان شاء الله إقتباس:
شكلك بالرياض عاصمة النوم والطفش <<<< خخخخخخ <<<<:eek:حكووووومة كل سنة وانت طيب يااخوي سمارت مان |
تريو ... موضوعي ... يوميات الاعضاء في العيد |
كل عام وانتم بخير بداية يوم العيد من قبل صلاة الفجر لما رحت ادور شقه بالديره(( حوطة بني تميم)) جيت من الرياض الساعة 8 العشاء ولا لقيت الا الساعة 5 الفجر صليت الفجر ولبست الثياب وهبا لبيت الشايب جدي ومن بعد صلاة العيد رحنا للمسجد وكلينا العيد(( فيه بصراحه ناس يسون كبسة رز غي طبيعيه وانا ماروح الا من شانها)) ومن بعد مارجعنا حتى الساعة 11 مساءاً جب قهوه ورد قهوه قلت مايبيلها حط رجلك لرياض ومن مسرحية لمسرحية ومن مقهى لمقهى نسأل الله السلامه وسلامتكم |
إقتباس:
بلييييييييز لاتكرري الموضوع <<<:d اشكرك على الموضوع ولاتنسي تحطي عيديتك <<<:) إقتباس:
بيني وبينك انا عملي بالحوطة ليش ماقلتلي اعطيك شقتي مفروشة<<:d:d مقابل مطعم الرومانسية للمثلوثة<<<< خخخخخ:laugh::laugh: الا قلي وشلون الجو الحي هناك الظاهر انه بااااااارد <<<<:eek::eek: اشكرك على المرور |
بالنسبة لعيدي دراسة ×دراسة |
| الوقت المعتمد في المنتدى بتوقيت جرينتش +3.
الوقت الان » 03:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd