عااااجل بعد مباراة الرياض..بخصوص الهجوم الهلالي ومدرسة التايب والله مو حاله..... شفت احصائيات مباراة الهلال والرياض 21 هجمه للهلال وهدفين بس والله لو لاعبين بالفريق كله حراس ماصارت الى متى ضياع الفرص طلعنا من الآسيويه والسبب ضياع الفرص وانهزمنا من نجران والسبب بارضه ضياع الفرص وشكل المشكله للحين ما انحلت لازم المدرب يشوف له حل والله مو حاله هذي لحد يجي يقول عوارض من 20 هجمه عارضتين أو ثلاث!!!!!!! و17 وين راحت؟ الكلاك هذا مو بمباراة الرياض لأني ماشفتها بس أتكلم عن الاسيويه وعن مباراة نجران قسم بالله القحطاني والصويلح يبيلهم تدريب واذا استمروا كذا الاحتياط أحسن لهم كل مهاجمين العالم اذا انفردوا يعرفون طريق الهدف وهذا اللي خلاهم هدافين أما مهاجمين الهلال كلهم شوتها على الباب اذا جت هدف ولا يصدها الحارس يعني مافيه شي اسمه حطها بالزاوية واضمن القول شفنا الصويلح كم كوره على الحارس بكل المباراتين(مثل الكوره العرضيه اللي استلمها بشكل حلو وشاتها على الحارس مع أنه كان يقدر يسحب الحارس أو يحطها أرضيه) وشفنا القحطاني بعد بجميع انفرادياته اذا ماسحب بالحارس يشوتها عليه!(مثل انفراديتها اللي صارت تسلل بمباراة الوحده) وشفنا الخراشي وثلاث ضربات راس قدام نجران كلها على الحارس مع أنها كانت سهله وعكس هذا شفنا هدف التايب ضد الوحده الاماراتي استلم وعدى ومشى بهداوه(ماتسرع وشاتها على عماه) وهوز بالثاني وحطها بكل هداوه بالزاويه وضمن الهدف ليه مهاجميننا مايتعلمون منه وحنا بكل مباراة نشوف الهجمات تضيع ونقول معهم حارس ومدري ايش واحنا كل الهجمات يشوتونها المهاجمين على الحارس.... ياليت المدرب يشوف لنا حل مع هالمشكله حتى لو وصلت أن ياسر والصويلح يجلسون احتياط اذا فيه مهاجم يستغل الهجمات صح مع أن تحركاتهم حلوه وضربات راسهم أحلى لكن وش فايدة التحركات والمهارات اذا انتهت بضربة مرمى أو صدها الحارس ........ باختصار نبغى مشكلة ضياع الهجمات تنتهي ومهاجميننا يتغير مفهوم الهدف عندهم ويعرفون أن الهدف يجي مو بقوة الشوته بل بالفن والوضع للكوره تعلموا من التايب,.., أتمنى اللي يقدر يوصل للمدرب أو الإدارة يوصله ضرووووري من أجل الزعيم وأتمنى الرد لرفع الموضوع عشان يشوفونه الشباب اللي يقدرون يوصلون الكلام للمدرب |
الشكوة لله |
صدقت وللأسف ياسر والصويلح معروفين بأضاعة الفرص السهلة واذا أحد سألهم قالوا بيليه سحب الحارس والمدافعين وشاتها برىى ندري أن بيليه صار له كذا لكن وش عليك انت منه أنت تركز قدام الباب وشووت زين مو لازم بقـووة |
الله يوفق الزعيم ونشالله تتحسن الامور تقبل مروري |
الشكوه لله ان شاء الله يتحسن المستوى |
مشكور يالغالي وكلامك صحيح وإن شاء الله يكون وضعهم في الأيام القادمة أفضل |
والله صراحه مهاجمينا يبيلهم تدريب على اقتناص الفرص |
آهههههههههه يا سامي كنت كل عشر كور تضيع وحدة أم مهاجمين الحين كل عشر كور يجيبوا وحدة ( هذا إن جابوا ) |
ان شاء الله يتحسن المستوى |
.::.ان شـــاء الله يتحسن مستواهم.::. |
والله كلامك سليم .. خصوصا مقارنتك للتايب .. قعدت أفكر فيها لقيت ان كلامك عين العقل .. الهدف فن ومهارهـ مو قوهـ .., يعطيك العافيه .. |
إقتباس:
|
إقتباس:
انا مدري اضحك ام ابكي اههههههههههههههه ياسامي تعال شف وش يقولون:cry: |
والله ياسر والصويلح انهم ابطال بس وش نسوي قدرة الله فوق كل شيء |
انشاءالله تتحسن المشكلة |
الوقت المعتمد في المنتدى بتوقيت جرينتش +3.
الوقت الان » 02:58 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd