جمهور الهلال تبون كأس الخليج يرفعه سامي ورفاقه .. ادخلوا هنا
 

لاجدال ولا نقاش ولا كلام على اهمية مباراة بكره ضد عمان التي تحدد مصير منتخبنا الوطني الذي يلعب بفرصه وحده وهي الفوز ولا غير الفوز لك لايخرج من البطوله مبكرا ....

اعتقد ويتفق مع الكثرين ان اهم عنصر في مباراة منتخبنا بكره هو الجمــــــهور نبي نشوف جمهور مثل افتتاح كأس الخليج نبي جمهور يشعلل المدرجات نبي جمهور يزعق على كل كره يستلمها لاعب عماني ... تقول منيب مشجع مو مشكله انت احضر ويكفي حضووورك للملعب ووقفتك مع لاعبين الاخضر ...

صدقوني لاعبين الاخضر يقدرون الجمهور تخيل منتخب يلعب وفي الملعب 5 الف متفرج و منتخب يلعب وفي الملعب 40 الف متفرج >> والله الطموح بس الشكوى على الله !!!

لاعبين المنتخب ذا شاهدوا 40 الف حاضر المباراة حتى لو كانوا ساكتين اللاعب يقدم كل مالديه الجمهور مايحضر بالكثافه هذي ماوده يطلع المشجع وهو حزين ... ماوده يفشل نفسه ويفشل مدربه ومسوؤليه امام الاعلام والجمهور ...

جمهورنا الغالي جمهور الهلال - النصر - الاتحاد -الاهلي - الشباب - الرياض - سدوس - الخرج - وكل جماهير اندية الوطن ننتظر منكم موآزرة الاخضر والله نبي نفرح بكأس الخليج ماخذناها الا مره وحده من 15 بطوله والله فشيله للاعبين ولكم كمواطنين !!!

مالكم عـــذر ابدا بكره !!!

-- دراسه ؟؟

تونا مابعد بدينا دراسه لاتلعبون علينا !!

-- عمل ؟؟
لاتصرف وتقول عمل يعني منت شايف المباراة !!! مايضر قبل المباراة بعشر دقايق تطلع للملعب يفوتك خمس دقايق مو مشكله !!

-- ارتباطات اجتماعيه ؟؟

يعني حبكت الا بذا الوقت وقت مباراة المنتخب يعني منت شايف المباراة !! صرف اهلك ... قلهم بكرا نوديكم للي تبون

-- برد ؟!!

دف عمرك وخذلك بشت ولا فروه وتلطم وخذلك حبيبة بنادول >> لحقين العليا !!!

-- مستوى اي كلام ؟؟!!

وش تبي بالمستوى انا جاين ناخذ بطوله ولا مستوى ؟!!

كلها ساعتين وراجع لبيتكم !!

-- مالقيت احد يخاويني ؟

خذ سواقكم .. ولا رح بلحالك بتلقى استهبال وفلة حجاج واغاني المنتخب وخذ معك جريده مزمز عليها يمكن تلقى وظيفه !!!

جمهور الاخضر جمهورنا الغالي جمهورنا الحبيب ترا لو فكرتوا فيها ترا حضورك مايكلفك الا ساعتين ونص بالكثير ساعه ونص مباراة وساعه دخولك للملعب وخروجه !! يعني الوقت عندكم مهم للدرجه هذي ؟!!

تخــــيلوا معي ....

سامي يخرج بعد انتهاء المباراة حزين ويلوم الجمهور على عدم حضوره ويقول هل 4 الف متفرج يريدون فقط كأس الخليج !!

الدعيع يقول الجمهور لايريد البطوله ولم يحضر لتشجعينا لذلك لاتلومنا !!

ماطر يقول سوينا اللي علينا في المباريات اللي راحت بالرغم من عدم تواجد جمهور ... كافي اللي سويناه !!

الدوخي يصرح وهو يبكي آه لم اتوقع الجمهور يخذلنا بهذه الطريقه !!

عبدالله سليمان يقول لم اتوقع هذا الجفاء من الجمهور بهذا الوقت المهم !!!


هل تريدون سماع هذه التصاريح ؟؟
هل ترضون بهذه التصاريح ؟؟
هل ترضون بخروج لاعبين المنتخب من البطوله بتحطيم من الجمهور و الاعلام الفاسد !!!
هل تروضون تكونون سبب رئيسي في عدم فوز منتخبنابالبطوله ؟!!


اذا معــا غدا لتشجيع المنتخب الحضوووور اهم شيء الحضور الحضوووور ...

وان شاء الله نبارك لبعض غدا بفوز منتخبنا ب 2-1 للاخضر :)

وهيلي يارمانه >>!! من الحين بدأ الضغط النفسي لمباراة بكره !!

ارجو وكلي رجاء من عدم نقل الموضوع لمنتدى المنتخب ...

كون المعني هنا الجمهور وذلك لكثرة زوار هذا القسم من الاعضاء والجماهير ...

الا اذا تفضلون التنظيم على مصلحة المنتخب :(

ابشر و لا تشوف الا الي يرضيك و يرضي الصقور

كفو والله اخوي ولد النور والله هذا اقل واجب نقدمه لمنتخبنا الغااالي علينا ... واجب وطني علينا تأديته ...

والله ان معاك حق بس وين اللي يسمع,,,,, تصدقون اني ساكن بالدمام واحضر الى الرياض لما تكون مباراه مهمه للزعيم اوالمنتخب اشوف المباراة وارجع ...مباراة الكويت كنت موجود وانشاء الله مباراتنا مع قطر بحظر.

آه يابوعبدالله الف مليون شكر على جهدك و مشوارك ان شاء الله ماراح يروح هدر ..

وننتظرك في النهائي ان شاء الله ونزف منتخبنا الغالي للفوز بكأس الخليج للمره الثانيه ....

أخوي ولد أبوه الجمهور السعودي مثقف وواعي ويعرف كل صغيرة وكبيرة في كلامك الكبير اللي قلته ......
لكن التذكير مهم وأنا أخوك..
وأحيك على هالروح الوطنية .... وإنشاء الله بإذن الله أبوعبدالله بيرفع الكأس بس فزعتكم يا شباب الوطن ......

إنشاء الله أنا بكون أول الحضور ...... لا أوصيكم يالربع

أخوكم: الصوت الهلالي

الصوت الهلالي

والله ياغالي هذا واجبنا تنبيه تذكير اخواننا .. هذا وطنا هذا منتخبنا .. مو نادي او فريق منطقه ... هذا منتخب المملكه العربيه السعوديه شعاره لااله الا الله محمد رسول الله ....

والله مو عشاني هلالي هذا الوطـن ويستاهل نضحيله ....

البحار الأزرق

هذا عشمنا والله فيكم .. نبي قول وفعـل ...

نبي ناس على قد الكلمه ... وانتم اهلها ..

ماراح نخيب نجوم منتخبنا ...

اكيد الكل بيحضر ... ويتحقق الفوز ان شاء الله

سنكون أول الحاضرين ..

وبإذن الله البطولة للسعودية ..

ان شاء الله راح نحضر ونكون مساندين وبقوه للاخضر :)

ليش كذا؟
 

والله انك صادق .جمهورنا يبون بطولات وهم ببيوتهم . كيف تجي هذي والله ما ادري؟

مع احترامي للكل اذا ما يحضرون اليوم لا عاد يجون للملعب انا اعتبر الحسم مع عمان .انا من سكان جده وحاضر الأفتتاح ومباراة الكويت كله لعيون الأخضر..
المشكله إن الرياض مأهوله بالسكان. وأغلبهم شباب ليش ما يحضرون.

سؤال ودي يجيبون عليه اليوم ان شاء الله.

يالله هلموا الى الأستاد.
اليوم يوم الوطن دام عزه.

اخوي ولد ابوه الله يعطيك الف عافيه.
وياليت كتاب المستقعات الثانية يتعلمون الروح الوطنية منك.

وشكرا,,,,,,,,,,,