" كل مواضيع العيد والمعايده " - نادي الهلال السعودي - شبكة الزعيم

روح الـهـلال · #1 10/10/2007, 09:24 PM

في البداية كل عام وانتم بخير وجعلني واياكم من عتقاء الشهر .

الصراحة الأعضاء المحب لي قسم المجلس العام ولكن قد اكون قليل او عديم المشاركة!

فيه فا اليوم استحملوني شوي ضيف عليكم المهم انا قلت لي نفسي ؟

مايصير يمر العيد ورمضان وانا ماشاركت معكم ...

مشاركتي بسيطه وهي ذكرياتنا مع العيد السعيد يعني المواقف المضحكه !!

والحزينه لاسمح الله بس حزينه علي مستوي الاطفال مثل ( ضياع العيديه ) !

وكم اكبر عيديه حصلت عليها ومن هالشغلات الي تذكرنا بالماضي الجميل .

وفي النهايه لكم مني كل الشكر وفيه كم واحد ياويلهم اذا ماشفتهم رازين

وجيهم بالموضوع

دمتم بود ..

اخوكم

محمد

S K Y · #2 10/10/2007, 10:58 PM

حياك الله منور والله

كل أيام العيد في الطفوله فرحــه ووناســه

الموقف المحزن أذكر انفجر في يدي شرخ خرب علي العيد جلست اسبوع لاف على يدي وقافله اخلاقي

وبصراحه العيد عند الاطفال مو مثله عند الكبار الحين الواحد مايحس فيه وأغلب الوقت نايــم

عوافــي اخوي على فكرتك الرائعه

تقبل مروري

امبراطورة الامارات · #3 10/10/2007, 11:05 PM

لو أبكت ...
ايش أبكتب ؟؟
أي طفوله ؟؟
أي ذكريات ؟؟

أنا بعدني عايشه طفولتيه

ما أوصيكم بالعيديه

LBa your heart · #4 10/10/2007, 11:18 PM

هلا والله منور المجلس العام

ايييييييييييييييييييييه يا أيام الطفوله في العيد ياكم شرخ انفجر في جيبي وياكم شرخ حطيته بقاروره قزاز وانفجر وضرب القزاز فيني

وياكم شرخ انفجر في يدي

من كثر المواقف بالعيد ما اذكر شي بالتفصيل وفيه مواقف لي تمنع النشر

بس يبقى العيد بأيام الطفوله أجمل الاعياد.

اما الحين صب قهوه جيب التمر هات العشاء ..

ويوم كنت طفل ( بريء

) كنت اطلع من البيت وماارجع الا الساعه 12 بالليل <- مو بالرياض برماح

الحين تغير كل شي . لازم الثقل والتميلح في الاعياد

تصدق عيد الفطر اللي راح عيدت بالبيت مع الوالد وعيد الاضحى عيدت بالبر وشكلي بستمر على هالموال.

شكل ردي اكثر من الكلام اللي بموضوعك

يالله سلااااام

بنت فهد · #5 10/10/2007, 11:38 PM

آآه يا أيام الطفوووله

يا حلو ذيك الايام

كالعاده نتطاق مع عيال الاستراحه اللي جمبنا

ونفقع شروخه مع العيال وما انسى الشرخ اللي انفقع بوجهي

بس اشوى وجهي ما تشوه

أما اللحين تغير الحال كبرنا ولازم نترزز عند هالحريم لعل وعسى ......

ونتسنع وكل ام تقول بنتي سنعه يعني يلمحون

مشكور تقبل مروري بنت فهد

هلاليه راسها عالي · #6 10/10/2007, 11:47 PM

توى منور المنتدى خيو محمد

احلى يوم العيد توزيع العيديه

وتفقيع طرطيع

يا الله محلى ايام العيد وايام الطفوله

^ العنود ^ · #7 10/10/2007, 11:49 PM

رحعوني بزره بليز

ايام كانت حلوه وبرئيه

الحين كل شي تغير على قولة بنت فهد نترزز عند الحريم

لعل وعسى ...

عوافي خيو

غلاهم وماخذه حلاهم · #8 11/10/2007, 12:33 AM

حلــــوه يابنت فهد <<استانست ..

المهم لاحقه يابنت فهد ع ال.....

استانسي وفليها .... واتركي الغثى لين مانصيرين مره قد هالمسئوليه <<<يؤ سحبت على صاحب

الموضوع والله موضوعحك روعه يوم كنا اطفال كنا نحس بطعم العيد مو الحين بس البسي واقعدي

ياختي والله وناسه اذكر كنت اطلع انا والبنات لشارع والله فله اما انا ماقد ولعت شروخ من يوم

وانا صغيره اخاف منها والى الحين اما موقفي المحزن اذكر واحد ولد اصغر مني قالي كم جمعتي

عيديه جيت وريته واخذها مني <<<بس لحقته واخذت فلوسي وزياده

ThE SpEcIaL OnE · #9 11/10/2007, 12:44 AM

السلام عليكم ..

اف ياأيام الطفوله ..

أيام البرائه ..

ايام حلوه وتسوي اللي تبي محد يقولك عيب انت كبير:d

عوافي ع الموضوع الراائع ..

تسلم يمناك ولا هنت ..

تحيـــاتي ..؛؛

بنت عبد الله & · #10 11/10/2007, 01:40 AM

يااااالله ذكريااااات>>>وربي نسيت

اذا ذكرت ارد لك

تقبل مرووري بنت عبد الله&

G o L d E s T · #11 11/10/2007, 02:09 AM

أزين ما بالعيد اذا قالوا لك

يالله يا عيال صفوا بجنب بعض بنوزع عليكم العيدية

وكل عجوز توزع ما تجود به نفسها

ناس خمسات وناس ريالات وناس يخلوننا مليارديريه ويوزعون عشرات

أزين ما بهالفلوس انها تصير جديدة ومن كثر ما هي جديدة تجرح يدك

أما الطراطيع فما كان لي سوابق به

لأني كنت خوااااااف واذا جو بيلعبون به ابتعد 10 أقدام

مرة قلت أبصير جريء ووقفت بجنب اخوي وجتن آثار بسيطة ولله الحمد

أما الحين الأعياد نووووووم و عزايم

وفي النهاية

أنا من الكم واحد اللي يا ويلي اذا ما رزيت خشتي ؟

ALMALAKY · #12 11/10/2007, 02:20 AM

بـهــ ج ــجة الــ ع ــيد

يـظـل الـعـيـد مـصـدر بـهـجـة بـمـجـرد ذكـره ,

فـفـي الأسـتـعـداد بـهـجـة

وفـي الأنـتـظـار بـهـجـة وفـي الـلـقـاء بـهـجـة !

الجميع يشتركون في اللقاء .. في الصلاة .. لبس الجديد .. تبادل التهنئة .. تناول الحلوى !

إن فرحة الـعـيـد
تكمن في إجتماع الأهل .. والأقارب .. وذوي الأرحام , والجيران

القريب منهم والبعيد الصغير منهم والكبير , الغني منهم والفقير ..

هنا نشعر بلذة العيد وحقيقتة , وتميزه !

O~°'¨¤¦¤¨'°~O** **O~°'¨¤¦¤¨'°~O

هذه المناسبات تروي مشاعرنا فتحيي فينا الخير وتمنحنا لحظات من السعاده والراحه والرضى

بعيداً عن صخب الحياة فتصقل قلوبنا وتضيء عتمة بدأت تغطي بعض جوانب حياتنا ..

فأيام العيد فرصة للروح والقلب معاً وللمشاعر أيضاً لتجديد العلاقة ووصل ماأنقطع منها

وشحن المحبة والتواصل في القلوب , وبث روح الألفة والترابط في أنفسنا واجيالنا الجديدة

ونبذ الفرقة والدعوة إلى التسامح فلنتهز هذه الفرصة ولنجعل العيد صفحة بيظاء ناصعه

ولـنـعـد فـي الـعـيـد الـبـريـق إلـى حـيـاتـنـا مـع كـل مـن يـحـيـط بـنـا .

O~°'¨¤¦¤¨'°~O** **O~°'¨¤¦¤¨'°~O

وعساكم من عواده ..

عمرية هلالية · #13 11/10/2007, 02:27 AM

ينعاد علينا وعليكــ يارب

صفـوق الشمري · #14 11/10/2007, 02:34 AM

إقتباس


	ونبذ الفرقة والدعوة إلى التسامح

تسلم يمناك يامالكي

وكل عام والجميع بأجمل المسرات

القيصر رهيب · #15 11/10/2007, 02:36 AM

أوووووووووه يا عبدالملك

ذكرتني ببهجت الأباصيري حق مدرسة المشاغبين

عالعموم عيدك مبارك وكل خير وأنت عام

وبصراحة صدقت هاذي أفرص فرصة للواحد إنه يعطيني هدية

عفوا للواحد انه يعتذر للواحد الثاني اللي تهاوشوا مع بعض ذاك اليوم

وكل طيب وأنت سنه

إقتباس

الرسالة الأصلية كتبت بواسطة صفـوق الشمري


	تسلم يمناك يامالكي وكل عام والجميع بأجمل المسرات

الملكي يالغالي موب المالكي