07/10/2007, 12:40 AM
|
| موقوف | | تاريخ التسجيل: 28/02/2006
مشاركات: 48
| |
ما نرضى الظلم لا للاعبين ولا لنا كجمهور نحب هذا الكيان وان ما تعدل الوضع فالزعيم في ضياع !!!! وهذا الي شكله بيصير
بسم الله الرحمن الرحيم حبيت افتح الموضوع هذا لاني ما احب الظلم ابد لاي لاعب يتواجد في صفوف الزعيم كلنا نشوف ونتابع مباريات الزعيم ودائمآ معروفة التشكيلة الي يلعب فيها الزعيم والاسماء معروفة لدى الجميع بس دائمآ الزعيم يتناسى أسماء لها مستقبل بالزعيم ونراهم بالاحتياط والفرصة قليلة عندهم عشان يلعبون لان الاسماء ا لكبيرة شاغلة الخانات كلها وبالنهاية اذا احتجنا للاعبي الاحتياط نلقى مستويات الاعبين في نزول تام وما غير نلوم الاعب وانتم بالاساس عارفين السبب نبدا بالحراس نجد محمد الدعيع ماخذ الوضع كله ونرى حسن العتيبي وفهد الشمري ماعاد لهم شوفه ومستواهم ينزل بكل سهولة ولا جينا للدفاع نجد تفاريس والمفرج دائما متواجدين ونرى المرشدي وغيره بالاحتياط ومستوياتهم تنزل بكل سهولة واذا جينا للمحاور نجد خالد عزيز وعمر الغامدي ونرى البرقان وغيره بالاحتياط ومستواهم ينزل بكل سهولة واذا الوسط نلقى التائب والشلهوب والتمياط متواجدين وغيرهم بالاحتياط مستواهم في نزول والهجوم نفس الشي لين بالنهايه بنلقى الزعيم بدون احتياط ليش ما يعطون الفرصه للاعبين عشان تكون قوة الزعيم بالاساسيين وكذلك الاحتياط متوازنه بالعاده نشوف لاعب اساسي يكون مستواه بالمباراة طايح مره ولما ينزل بداله لاعب من الاحتياط نلقى الاعب الثاني نفس المشكلة طيب لو المنتخب اخذ لاعبين من نادينا وش بنسوي !!! الزعيم بيلقى البديل الجاهز مره من لياقه ومستوى ؟؟ ما اضن والسبب ان الاعب البديل ما دخل جو المباريات ونشوف كل شخص بحاله وانواع التشتت بالفريق !!! في ناس من الجماهير راح تقول كلامك صحيح وفيه ناس بتقول كلامك غلط لكن نتكلم بالواقع الحين الاعب البديل لما ينزل الملعب وما يقدم مستوى وش بيكون ردة فعل الجماهير اكيد بتصب غصبها كله على المدرب وعلى الاعب لان المدرب نزله ولا فاد الفريق عندنا الحراس لا سمح الله الدعيع جته اصابه هل بيكون العتيبي او الشمري بديل ناجح اكيد بيكون لا لانهم جالسين بدكه الاحتياط وما انعطو فرصه حتى الدفاع والمحاور والوسط والهجوم كل خانه راح نلقى البديل الي مستواه بيكون منخفض ما ادري هالوضع عاجبكم يا زعماء ؟؟ ليش احنا كفريق قوي ومنافس نكون معتمدين على اسماء معينه بالفريق مع ان اكثر الاعبين الاساسيين مستواهم صار مهزوز وماصارو يقدمون الي يرضي ويقنع جمهوره فيه كل الي اتمناه ان الادارة والجهاز الفني يعدلون الوضع الي احنا فيه وصدقوني لو المنتخب طلب لاعبين من فريقنا واحنا على هالحال والله ماراح يكون الزعيم في مستوياته المعروفه وراح نعاني كثير اتمنى ثم اتمنى اننا نعطي فرصه للاعبينا الشباب انهم ياخذون فرصتهم باللعب عشان يكونون على اتم الاستعداد لاي مباراة واسف للاطاله وكل هالكلام من وجهة نظري واترك لكم الرأي |
الوضع العادي
