بعد المباراة أزبد وأرعد وأزعجنا بقرار تجميد أنشطة النادي وهذي عبارة جديدة دخلت قاموسنا الرياضي ، وهو اللي مألف نص قواميس لغة رياضتنابعبارات وجمل وكلمات عجيبة بتفكيره الأرعن

المهم

الحين غير رأيه

يقول ،،، قرار تجميد الأنشطة هو اقتراح سوف يعرضه على أعضاء شرف النادي ويأخذ رأيهم فيه ، طبعا غير كلامه بعد ما شاف القرار اللي صدر .

http://www.alwatan.com.sa/

والله شي يضحك


تعالوا معي نعدد استفادات رمز التعصب من قراره التاريخي المضحك :

أولا : أشغل جماهير ناديه عن التلقيم اللي قاعدين ياكلونه ، وبالتالي ما ترتفع اصواتهم بمطالبته بالتنحي .

ثانيا : اشغلنا حنا يا جماهير الهلال عن الحديث عن آخر هزيمة وليس آخر الهزايم انشالله اللي بياكلونها من الزعيم ، وأعتقد انه نجح في كذا ، فأكثر المواضيع الآن تتكلم عن هذا الموضوع .


ثالثا : صدور قرار من الرئيس العام وكلنا عرفناه ، وهذي نقطة حسبت له .

رابعا : ترهيب وتخويف ورعب وكابوس لحكم مباراة يوم 29 شوال ولو كنت انا حكم اعتذرت لو يعطوني مليون ، سمعتي ابدا ما علي .

خامسا : كسب تعاطف الجمهور النصراوي معه ( دموع تماسيح) ، وكسب تعاطف الاتحاد السعودي اللي هو متعاطف معاه أصلا .


سادسا : ليثبت انه مظلوم من زمان ، من ايام البطولة العربية والدليل ان قرار بحجم هالقرار لا يمكن ان يصدر بسبب مباراة واحدة وانما عدة مباريات ، وهو ما يدري ان القرار صدر من كثر الضجة اللي مسويها من ايام مرطبات البطولة العربية ، فقالوا يالله قرار واحد مقابل خمسين ضجة يسويها .

أخيرا : تخفيف العقوبات اللي بتصدر في حق الثلاثي بن شداد ، وهذي النقطة بالذات كانت أهم مكسب صار له في الموضوع .


اذن هو نجح بامتياز في المراوغة ، وهذا شي مهوب مستغرب منه لأن هذا طبعه دائما .

ومع ذلك توقعاتي الشخصية لو عينوا ابراهيم العمر للمباراة فهو في صالحنا وبيلقمون .

لأن العمر مهوب مستعد يجني على نفسه مرة ثانية ويحط نفسه مصخرة للي يسوا واللي ما يسوا ، مباراة العمر الشهيرة لا تزال تصحيه بانصاف الليالي من الفزع ، فالظلم ظلمات يوم القيامة والايام دوارة .

لكن السؤال لو فاز الهلال بالعمر ولا بعبدالله الناصر انشالله ، وش بيقولون ،، خلصت الاحتجاجات من كثر تكرارها ، وأي نصراوي ما عادت بتمر عليه مثل هالامور .

الايام القادمة بتكشف الكثير .

------------------
كــل عـــام وانـــت الهـــلال ،، عسى الــلــه لا يــفــرقــنا