بلوك ..و.. دليت

شيماء : تحيدين ورود اللي في منتدى .....

مريم : هيييييه .. شخبارها ووين سارت ما شي علوم عنها
شيماء : والله ما ادري ما شفتها من اسبوع في المسن ..
مريم : يمكن مريضه وله فيها شي

شيماء : ما ادري بس يوم دشيت اطالع في الخصوصية .. اكتشفت انها حاذفتني

مريم : حاذفتنج !!!!!!!!! وليش ؟؟؟؟

شيماء : ما ادري الصراحة .. يمكن زعليتها وانا مب حاسة ولا ما عندي خبر

مريم : خليها تولي وش تبينها .. واللي ما يباني مره ما باه الف مره

شيماء : هيه بس انا احترمتها شرات اختي وكنت اعزها .

مريم : والله انتي فايجه من الله هي من بلاد وانتي من بلاد وما تعرفون بعض
يعني كلام فاضي في المسن .

شيماء : ما ادري والله بس انا زعلت وااايد لانها بدون مقدمات وبدون اسباب

مريم : قلت لج خليها تولي .. ودزي ليها ايميل وقولي ليها يزاج الله خير وحطيلها بلوك ودليت وحتى لو اعتذرت لا اسوين لها سالفه .. تراه نحن بعد مب هينات ..

...............................

نقاش يمكن يكون دار بيني وبين اختي او بيني وبين حد من الاعضاء

السؤال هني ::

شو موقفكـ/ ــج اذا في يوم من الايام دشيتو الخصوصية وشفتو حد من اعز واغلى الناس اللي كلمتوهم في المسن محطين لكم بلوك ودليت وانت/ي ما تعرفون شو الاسباب ؟؟؟

هل بتحاولون تعرفون السبب ؟؟ او انه بتقولون وحدة بوحدة؟؟

وهل بالسهولة هاي الواحد يضيف انسان عنده في المسن ويرد يحذفه بدون اسباب ومقدمات ؟؟

وكيف الانسان يختار الشخص اللي راح يضيفه في المسن ؟؟

تساؤلات وحبيت انقاشكم لان النقاش يحلو وياكم

تقبلو حالص احترمي وتقديري لكم

اختكم

إقتباس هل بتحاولون تعرفون السبب ؟؟ او انه بتقولون وحدة بوحدة؟؟

اكيد ابي اعرف وش السبب لأنه اعز أصدقائي

وأشكرك أختي على طرحك للموضوع

إقتباس الرسالة الأصلية كتبت بواسطة هلالي مدريدي 10 اكيد ابي اعرف وش السبب لأنه اعز أصدقائي وأشكرك أختي على طرحك للموضوع

أبا موقفك ورايك من الموضوع

إقتباس شو موقفكـ/ ــج اذا في يوم من الايام دشيتو الخصوصية وشفتو حد من اعز واغلى الناس اللي كلمتوهم في المسن محطين لكم بلوك ودليت وانت/ي ما تعرفون شو الاسباب ؟؟؟

حصلت لي من قبل أحد أعضاء المجلس .. و بعد فترة يرسل لي ع الخاص يطلب مني أن أضيفه و رفضت !!


أنا استغربت من الفعل .. و بعدها قال لي خل علاقتنا بالمجلس فقط !!


أنا أنهيتها مرة واحدة


و أكتفي بـ هذا الرد , يعني لا تجين تقولين أبا و أبا

أعاني منذ زمن في فهم اللهجة الاماراتيه (منحرج)

لكن أظن لو حصل لي هالموقف

فعادي عندي ماراح يصير شي

عااااااااااااااادي خله في المسن....يعني انا راح اشيله على راسي؟؟

الثقل على الجهاز

ياكثرهم ألي عندي زي كذا وبعدين لو ناقشته طلع سبب بايخ الله يكون في العون

موضوع مميز وحضورك مميز واصلي أختي



أخوكم

ملكلك

هلا اختي انا مأاعترف بصداقات النت يعني الاميل كله صاحباتي وزميلات

اما اذا عطتني بلوك او دليت بسألها ليش لاني بعض الاحيان اتصرف تصرف مزعج ولا اعرف اني

زعلتها وبعد انا مأاحب احد يكون زعلان علي مو ضعف في الشخصيه بس يعني يوم القيامه مايكون

مزعله احد ^ــ^

عوااافي اختي <<ماقدر اقوول ميرسي يمرسك ... لانهم صاروا يحذفون ردودي اظن من هالكلمه

بالنسبه للحذف فما اتوقع الحذف للصديق بيكون بهالسهوله وحتى لو الحذف موجود صعبه ان الطرف المحذوف ينتبه


اما البلوك فمن ناحيتي الشخصيه اتوقع انه شي طبيعي وللمعلوميه انا احيانا احط للشخص بلوك ولم اشوفه ويسالني وينك اقوله

حاط لك بلوك بس الشيء هذا مو يعني ان اكره الشخص لكن قد اكون مشغول او اكون في وضع نفسي لا يسمح ان اتكلم معه

دائما لنحث عن الجانب الايجابي ولنجعل الجانب السلبي ورائنا







تشـــــــــــــــــــــــــــــــــــــــــــــاو

اولا يا علا بك امبراطوورهـ !!

واكيد ما رااح اعااند واقوول وحدهـ × ووحدهـ !!

بشوووف ووش الاسبااب ،، ييمكن انا غلطت عليه وانا ما ادري !!

وع العمووم !!

الف شكر والله لا يجيب المشااكل !!

تحيآآتي ،،

النآآيم

حصل لي هالموقف مرتين بس من الي اعرفهم من النت مو من الي اعرفهم برا النت

اول واحد علاقتنا عاديه سلام وسوالف مو ذاك الشي
بعدها اكتشفت انه حاذفن رحت ارسلت له رساله شكرا على الحذف
بعدها رد علي يقول ان اخوي الصغير لاعب في الجهاز وحذف كذا ايميل << طاااايب صدقنا

الثاني ما كلمته الا مرتين بس اشوفه اون لاين بس ما نحاكي بعض بعد حذفني
بس صار عادي اخر همي الي يحذف يحذف والي يبلك عاااادي

ياشيخه طنشي وعيشي حياتك

أنا حصل لي مواقف كثيرة ومضاربات بالماسن.


وأذكر مرة كنت أكلم واحد من الجزائر معي بالجامعة <بصراحة أكلمة بالأشارة ما اعرف وش يقول.


مليت منه وعطيتة بلوك ودليت.


وجاء بكرا قابلتة بالجامعة وهو ماتربط معي علاقة قوية يعني بس صداقة بعيدة.


وقال لي ( وشكون عاطيني بلوك دياليوشكون)


الترجمة : ليش حاط لي بلوك لماسنجري.


وقال لي انه ماسوا لي شيئ غلط وقالي وش السبب وانا اسف اذا كان قلت شيئ ازعجك.


بصراحة مالقيت لة صرفة زينة.

والى الحين ما كلمتة وهو بدأ يحقد علي.


......................

فانا ماتوقعت ان الواحد يزعل بسبب بلوك؟؟؟؟؟؟؟؟

واظن كل واحد حر بماسنجرة يعطي بلوك ولا دليت.

يعني مفروض الواحد مايسأل وش سبب البلوك.

لأن السبب واضح أكيد الرجال مل منك

ولا طفش منك فأعطاك بلوك
................................