انا سبب النكسة ,, بس فكونا والي يرحم والديكم - نادي الهلال السعودي - شبكة الزعيم

زعيمنا الغالي · #1 05/10/2007, 07:18 PM

السلام عليكم ورحمة الله وبركاته

أخباركم .. !!؟

هور يو يعني وزي كذا

..

انا لي كم يوم ادخل المنتدى اقرأ واقرأ .. وكل المواضيع فلان وفلان ..

حتى به مواضيع تقول حسن العتيبي هو النكبة .. مع العلم العتيبي مالعب مباراة من مبطي

ياجماعة خلاص ترا قسم بالله مباراة وراحت .. وكلنا كتبنا لمين طفرت تسبودنا ..

ورئيس الهلال سوا اجتماع مفتوح مدري وش .. وقالوا به اللي قالوا به ..

ووعود بالتصحيح .. وبيجيبون اسامة هوساوي .. ووخروا المفرج والعنقري ..

اتوقع لو الوحدة الاماراتي يدرون اننا نبي نصيح هالكثر كان خلونا نفوز

ياحبايبي .. يازملائي ..

تكفون يعني .. امسحوها بوجهي هالمرة ..

وان شاء الله هالسنة نبي نحقق بطولة بإذن الله .. والاوضاع كلها تبي تتعدل ..

وبيرجع الزعيم مثل قبل بإذن الله ..

وسعوا صدوركم .. وهي كبوة جواد العلي وبإذن الله نقوم منه ..

طلب بسيط بس ..

اتركوا اللاعبين هالفترة .. خاصة العتيبي والصويلح وياسر والدعيع ..

اتركوهم على جنب ..

الدعيع ماراح تلقون احسن منه ..

والصويلح وياسر اللي يتكلم عنهم هذا واحد مستعجل ..

والعتيبي تصريحه المقصود منه ان المفرج مهب سبب الهزيمة لحاله .. الهلال كله مهزوز ..

والا هو ماقال ان المفرج احسن من نستا .. تصريحه واضح ..

بس بعض الاعضاء الله يهديهم استغلوا هالفرصة يطلعون حرتهم بحسن مثله مثل غيره قبل ..

ننتظر حضوركم مع اقرب مباراة للهلال ..

واتركوا عنكم الصياح على شي راح ..

يعيش الهلال

كونتراتاك · #2 05/10/2007, 07:38 PM

من جد كلامك عين العقل ..

««× هلاليــــه ×»» · #3 05/10/2007, 08:22 PM

يعطيك العافيه وان شاء الله بنحقق بطولات هالسنه

جريح شعور · #4 05/10/2007, 08:29 PM

يعطيك العافية اخووووووي

كلام جميل

تستحق الثنى عليه

تصدق لو الجمهور فكر نفس التفكير

كان الزعيم بخير

تقبل مروري

الزروقي · #5 05/10/2007, 08:31 PM

الله يعطيك العافية

وبالتوفيق للجميع ان شالله ،،،

هلالي ثنياني · #6 05/10/2007, 08:34 PM

ممنوع نقل المواضيع وانت بها الأسلوب تعرض نفسك للإيقاف
أنت ما انت عضو جديد في المتديات عشان تحاول تمرر هاللعبة وتتعامل بأسلوب صغار الانترنت