اخلاص المفرج.... وتصريح العتيبي....والهلال ما زال بخير
شدني هالتوقيع لاحد اعضاء المنتدى وبنفس الوقت استفزني....
متى راح نشوف جمهور النادي ونفتك من جماهير اللاعبين والاداريين والرؤسا
المفرج لاعب مخلص وحماسي وقدم كل ما عنده ولكن للاسف الشيء المقدم منه غير متقبل من معظم الجماهير يا اخي محد قال في اخلاقه ولا تصرفاته وتكلم عن مسألة عدم اخلاصه للنادي الرجل نحسبه والله حسيبه انه ملتزم وخلوق بس المشكله ان هالصفات ما تكفى انه يكون لاعب جيد....!!!
وبعدين يا اخي الجمهور من حقه ينتقد لاعب قدم مستويات متدنيه او حصل منه اخطاء سامي الجابرالذي يعد اللاعب الاسطوري لم يسلم من الانتقاد حتى في طريقة اعتزاله وفهد وصلت اخطاءه لحد استفز الكثير من الجماهير ولا اتوقع ان كل هالاعداد التي تطالب بإ بعاد المفرج بينهم وبينه مسائل شخصيه ...؟؟؟؟؟
واذا كان هناك انقسام حوله معناه ان هناك مشكله في مستوى اللاعب ويأكد ان هناك تذبذب في المستوى والذي يعني ان النقد اللي وجه للاعب في محله
بعكس الاجماع اللي واضح وكلنا نشوفه على تفاريس...؟؟
وعلى قولة المثل مافيه دخان بدون نار....
لكن وللاسف يخرج الاخ حسن العتيبي بصفة اللاعب المظلوم والمخلص والغيور لكي يشخص حال الفريق واسباب الخساره ويصرح وبفرحه غامره عن هزيمة الفريق ويربطها بثلاثة لاعبين وكأنهم الفريق كامل... ونسى هذا الحارس الفذ موسم 1419 عندما خرج الفريق من بطولة اسيا و خسر نهائي كاس ولي العهد امام الشباب والخروج المرير اما الاهلي في المربع الذهبي وبسبب اخطاءه الفادحه وهو الموسم الوحيد الذي اعتمد عليه الفريق كاساسي وبنهاية الموسم يوقع للنصر....
المصيبه الكبرى ان يفلت بدون عقاب والمصيبه الاكبر اذا كان رئيس الهلال اشاد بتصريح هذا اللاعب...!!!
يا ناس الهلال عمره ما راح يتوقف عند لاعب واحد....
الثنيان - التيماوي - الدوخي - ابو اثنين - عبدالله الدعيع - الشريده - الرشيد - العويران - الغشيان - سامي الجابر - صفوق التمياط
منتخب كانوا يمثلون الهلال يوم من الايام ومثلهم واكثر حققوا بطولات الهلال في الثمانيات والتسعينات هجريه ذهبوا ولكن الهلال ما زال بطلا...!!!
اللهم اني صائم ...