السلام عليكم ورحمة الله وبركاته

اسعد الله ايامكم بـكل خير،،،

دائماً ما يكون اخر الليل مثيراً لـ الافكار ... و الهموووم ايضا

كانت الفكره في بالي من مده ، حاولت اكتب الموضوع كذا مره لكن ترددت ، المجلس العام صار مجلس الضحك والهستره ، لكن كل يوم اشوف اشياء واسمع بها وتزيد من اصراري على كتابت الموضوع .

وكان اخرها الاحداث اللي صارت في اليوم الوطني وهذه الليله كانت الطامه الكبرى ،

رحت للملعب وانا ماني مقتنع بـ سلامة عقول وصحة تربيه بعض من في الملعب ، وجلست بـ جانب رجل باين عليه انه [ مثقف ] ومعاه شهادة كبييره ، هذا الاستنتاج بعد ما شفت هيئته ولبسه ، عمره من الـ 35 وفوق وكان معاه ولده ذو الـ 6 سنوات ، واخذت اتكلم معاه عن الهلال وعن مستواه وطال بنا الكلام الى ان قاطع كلامنا [ صراخ ] احد المشجعين ، كان جالس في الكرسي اللي قدامنا ، انا انحرجت من كلام المشجع مع ان كلامه موب موجه لي ، كان لـ احد الاعبين ، الفاظ قبيحه حركات مشينه ، قال لي [ المثقف ـ حاصل على درجة الماجستير في الحاسب الالي - ويحضر لـ الدكتوراه ] والله اني غلطان يوم اجيب ولدي للملعب بين هـ الهمج

@ ما حصل في احتفالات اليوم الوطني يحزننا ، واخاف اذا ذكرت بعض ما شاهدته يبطل صيامي طوال الايام الماضيه بسببه .

مقدمه فقط ..!!




الصرخه الاولى لـ علمائنا ..!!


اين هم علمائنا ..؟؟ اين هم مشائخنا ..؟؟
اتكلم بـ لسان الشباب
السنا نحن الاولى بـ الرعاية ، بـ التوجيه ، بـ النصح
علمائنا ومشاخنا الافاضل ... [ إحنا في حاجتكم .. ]
احنا مقصرين ... مماطلين ... ما بقي ذنب ما سويناه [ وينكم عننا ]
علمائنا ومشائخنا اين انتم ؟؟!!!
طريقنا طووويل ... العقبات توضع امامنا .، الشهوات امامنا .، الملذات عن يميننا وشمالنا ., إين انتم ؟؟!!
[ الارهاب ] و [ الدشره ] في نهاية طريقنا ... تقدرون تنقذوننا ؟؟!!
ما عاد شفناكم ؟؟ ما عاد سمعنا لكم صووووووت !! ابنائكم في حاجتكم ..!!
اتذكر يوم مر علي :-
احتجت لـ فتوى او ارشاد بالاصح بحثت عن اماكنكم ما وجدتكم ؟؟!! رحت للمساجد اللي تصلون فيها حصلتكم لكن للاسف
مشغووولين [ الشيخ مشغول .. الشيخ مشغوول ] .

مشائخنا وعلمائنا الافاضل .. هل شاهدتم ما وصل به حالنا ..؟؟
شبه يومي شاب يموت [ مفحط ]
شاب يموت بـ [ المخدرات ]
شاب اصبح [ منحل ] اخلاقياً .
شاب يقلد الكفار في اللبس ..،، في كل شي
وغيرها كثيييير ..
هل ساعدتونا في ان نغير من انفسنا ؟؟!!
وينكم عنا ؟؟!!!



ما زادني اصرار على كتابة الموضوع الا :
فلان : محمد انت تكلم بنات ؟؟
محمد : لا ووالله ..!! ليش ؟؟
فلان : انت كيف عايش ؟؟
محمد في نفسه : صدق انا كيف عايش ., معقولة انا الصح وباقي الناس على خطأ ..؟؟!!



فلان : انت كم مشبك بنت في النت ؟؟
محمد : والله ولا وحده
فلان : انت انسان غريب !! ليش تدخل النت طيب ؟؟
محمد في نفسه : معقوله انا حياتي غريبه ؟؟


اقف عن تكملة هذا الجزء ، لاني اعتقد ان الفكره وصلت لكم

علمائنا ..،
ما دوركم ؟؟
ما دوركم ؟؟
ما دوركم ؟؟

مشاخنا وعلمائنا .. انتم قدوتنا .. انتم سراجنا .. انتم من في ايديكم مفتاح صلاحنا بعد الله .
هان الشباب عليكم ؟؟

علمائنا ..،
مللنا من الخطب والمواعظ المكرره ، خطبة الجمعه مواضيعها معروووفه من زمان مجرد تغيير الاسلوب ، لكن المعنى والهدف نفسه ما تغيير ،

علمائنا ..،

مللنا من برامج الفتاوى ، وين البرامج اللي تصحينا ..؟؟ وين الكلمات المؤثره ..؟؟

حالنا ما يعجبنا ،، لكن يعجب اعدائنا .

قد ينفع الأدب الأولاد في صغر .........وليس ينفعهم من بعده أدب
إن الغصون إذا عدلتها اعتدلت ........ولا يلين ولو لينته الخشـب

صداها :
لا مجيب ... لا مجيب ... لا مجيب ...



الصرخه الثاني موجهه لـ مؤوسسات الدوله المسؤوله عن الشباب !!

وين دوركم ؟؟

ولا الشباب اخر اهتماماتكم !!؟؟

شاهدتم اخر الاحصائيات !!؟؟
اكثر من 60% من سكان المملكه من الشباب
وفرتم لهم [ اماكن العمل ] [ اماكن التنزه ] ..؟؟


@ اطنان [ الحشيش ] تهرب لمن ؟؟
ملايين [ المنشطات ] تهرب لمن ؟؟
ملايين اللترات من [ الخمور ] تهرب وتصنع لمن ؟؟
عشرات [ القنوات الهابطه ] تبث لمن ؟؟
كلها لنا ..!

إن الشباب والفراغ والجدة مفسدة للمرء أي مفسدة

اخيراً :

اخوان لنا .. مدمنين ، متعاطين ، منحلين اخلاقياً ، إرهابيين ... ماذا فعلتم لهم
لا ننكر عملكم ، لكننا نطمع بـ المزيد ..
فـ الحل ليس في المنع والمعاقبه لـ وحدها , هل فكرتم في ملء فراغ شبابكم ؟؟!! إبنائكم ..؟؟
مللنا من اسلوب العقاب ... اسلوب [ لا هذا ممنوع ] .



بعض الحلول ـ كنت اتمنى ان تتوفر لنا :

المدارس ..!!

خسرت الدولة المبالغ الطائله في بناء المدارس ـ ومن غير المعقول ان تكون تلك المباني فقط للدراسه [ من 6 الى 1 الظهر ]
بقية اليوم مغلقه ، لو فكرت الدولة في طرق استثمار طاقات الشباب والمحافظه لكانت المدرسه هي اول ما [ يخطر في بالهم ] .
بلغ اجمالى عدد الطلاب فى مراحل التعليم العام للبنين بوزارة التربية والتعليم للعام 1423 / 1424هـ - مليونين وثلاثمائة وثلاثة وستين الفا ومائتين وثمانية وثمانين طالبا فى ثلاثة عشر الفا وثمانمائة وتسع واربعين مدرسة .!!!


الاندية الرياضيه ..!!

في كل مدينه وفي كل محافظة نادي رياضي مملوك للدولة تصل الاندية الى 135 نادٍ ..!!
وخسرة الملايين في إقامتها ، فمن غير المعقول ان تنحصر تلك الانديه على 200 شخص فقط [ الاعبين في مختلف الفئات ] (( حسب تقديري )) .


اخيراً ...
لـ نمد يد المساعده لـ خريجي السجون ولـ من اُسُتغل في تدمير وطنه ولـ كل شاب يسعى لخدمة وطنه اولاً واخراً .

متى تدركووووون اهميتنا ؟؟!!

قال الرسول عليه الصلاة والسلام :
" كلكم راع وكلكم مسئول عن رعيته، فالإمام راع ومسئول عن رعيته، والرجل راع في أهل بيته ومسئول عن رعيته، والمرأة راعية في بيت زوجها ومسئولة عن رعيتها، والخادم راع في مال سيده ومسئول عن رعيته، وكلكم راع ومسئول عن رعيته"

صداها :
لا مجيب ... لا مجيب ... لا مجيب ...

اخووووووكم

جرح يشكي

ادري ان الموضوع بيتحول لـ سوق الجمله لـ عرض الاخطاء الاملائيه وادري ان الكلام فصيح مع عامي لكن من القلب والله

إقتباس دائماً ما يكون اخر الليل مثيراً لـ الافكار ... و الهموووم ايضا

إقتباس محمد : والله ولا وحده فلان : انت انسان غريب !! ليشت تدخل النت طيب ؟؟ محمد في نفسه : معقوله انا حياتي غريبه ؟؟

88888888888888888

هالشايب ما تاب



جرح يشكي والله طلعت الي في قلبي كنت ناوي اتكلم واكتب بس كتبت عني


الله يزوجك قل امين صدقت والله ولا الي يقهر ان فيه موضوع يقولك ان الشعب الشعودي

4 احسن دول في الاناقه لا تركز على الفعل والفاهل في الجمله السابقه



يسلمو حرج


تشــــــــــاو

جاري التحميل

<== بكااش

.

لا ابشرك طلعت الصور

...........................................


هلا والله اخوي جرح يونّ ..!!

إقتباس اسعد الله ايامكم بـكل خير،،، دائماً ما يكون اخر الليل مثيراً لـ الافكار ... و الهموووم ايضا

اشوا هالمره ماجبت طاري الجن بالليل

إقتباس رحت للملعب وانا ماني مقتنع بـ سلامة عقول وصحة تربيه بعض من في الملعب ، وجلست بـ جانب رجل باين عليه انه [ مثقف ] ومعاه شهادة كبييره ، هذا الاستنتاج بعد ما شفت هيئته ولبسه ، عمره من الـ 35 وفوق وكان معاه ولده ذو الـ 6 سنوات ، واخذت اتكلم معاه عن الهلال وعن مستواه وطال بنا الكلام الى ان قاطع كلامنا [ صراخ ] احد المشجعين ، كان جالس في الكرسي اللي قدامنا ، انا انحرجت من كلام المشجع مع ان كلامه موب موجه لي ، كان لـ احد الاعبين ، الفاظ قبيحه حركات مشينه ، قال لي [ المثقف ـ حاصل على درجة الماجستير في الحاسب الالي - ويحضر لـ الدكتوراه ] والله اني غلطان يوم اجيب ولدي للملعب بين هـ الهمج

والله اللي يصير في الملعب من الفاظ اخجل من ذكرها

امر مؤسف بصراحه ... صحيح اننا ننقهر مع ضياع الفرص

والا اذا مسك العنقري كورة والواحد مايمسك اعصابه خصوصا

في المبارايات المهمه .. لكن بعض الالفاظ التي تخرج من بعض الجماهير

ليس لها مبرر ابدا ... !!

إقتباس @ ما حصل في احتفالات اليوم الوطني يحزننا ، واخاف اذا ذكرت بعض ما شاهدته يبطل صيامي طوال الايام الماضيه بسببه .

الحمدلله اليوم الوطني اني ماتعديت البيت ... اصلا احتفالات بالشوارع

معاد اروح بعد حق كاس اسيا بطلت اروح نهائيا ... وسمعنا اشياء

صارت يندى لها الجبين من فئة .. لم تراعٍ حرمة الشهر الفضيل ..!

وانت ايضا ذكرت لي احد المواقف التي حدثت امام من بعض الشباب ..!!

إقتباس الصرخه الاولى لـ علمائنا ..!! اين هم علمائنا ..؟؟ اين هم مشائخنا ..؟؟ اتكلم بـ لسان الشباب السنا نحن الاولى بـ الرعاية ، بـ التوجيه ، بـ النصح علمائنا ومشاخنا الافاضل ... [ إحنا في حاجتكم .. ] احنا مقصرين ... مماطلين ... ما بقي ذنب ما سويناه [ وينكم عننا ] علمائنا ومشائخنا اين انتم ؟؟!!! طريقنا طووويل ... العقبات توضع امامنا .، الشهوات امامنا .، الملذات عن يميننا وشمالنا ., إين انتم ؟؟!! [ الارهاب ] و [ الدشره ] في نهاية طريقنا ... تقدرون تنقذوننا ؟؟!! ما عاد شفناكم ؟؟ ما عاد سمعنا لكم صووووووت !! ابنائكم في حاجتكم ..!! اتذكر يوم مر علي :- احتجت لـ فتوى او ارشاد بالاصح بحثت عن اماكنكم ما وجدتكم ؟؟!! رحت للمساجد اللي تصلون فيها حصلتكم لكن للاسف مشغووولين [ الشيخ مشغول .. الشيخ مشغوول ] . مشائخنا وعلمائنا الافاضل .. هل شاهدتم ما وصل به حالنا ..؟؟ شبه يومي شاب يموت [ مفحط ] شاب يموت بـ [ المخدرات ] شاب اصبح [ منحل ] اخلاقياً . شاب يقلد الكفار في اللبس ..،، في كل شي وغيرها كثيييير .. هل ساعدتونا في ان نغير من انفسنا ؟؟!! وينكم عنا ؟؟!!!

والله المشايخ بصراحه انا اشوف ماقصروا وشايلين هم الشباب

ولكن لبعد الشباب عنهم يضنون انهم لم يعد هناك اهتمام ونصح

ولكن صدقني عندما تتصل على احد المشايخ منن ذو الوهله الاولى

يحسسك بأنه يعرفك من زمن ..!! وتجده مهتم بك وبمشكلتك ..!!

وخصوصا اذا كنت مرتكبا خطأ وتود التكفير عنه ..!!

ولكن اتوقع السبب اللي خلا البعض يضن ان المشايخ لم يعودا بالشباب

هو بعد الشباب عن المشايخ ..!!

إقتباس ما زادني اصرار على كتابة الموضوع الا : فلان : محمد انت تكلم بنات ؟؟ محمد : لا ووالله ..!! ليش ؟؟ فلان : انت كيف عايش ؟؟ محمد في نفسه : صدق انا كيف عايش ., معقولة انا الصح وباقي الناس على خطأ ..؟؟!! فلان : انت كم مشبك بنت في النت ؟؟ محمد : والله ولا وحده فلان : انت انسان غريب !! ليش تدخل النت طيب ؟؟ محمد في نفسه : معقوله انا حياتي غريبه ؟؟ اقف عن تكملة هذا الجزء ، لاني اعتقد ان الفكره وصلت لكم

والان دخلنا في عالم الخرفنه

شف يابو حميد الشيء اللي يغبن وانا الى الحين ماعرفت

له اجابه ليه العالم اذا شافوا واحد مايكلم له بنت ..يقولون انت

وين عايش يخوك مثل ماحدث معك ؟؟!!

يعني انت ماتكلم بنت يعني انت من جنبها اتوقع كذا نظرتهم ؟؟؟!!!!!!!

نسأل الله السلامة ..!!

إقتباس مللنا من الخطب والمواعظ المكرره ، خطبة الجمعه مواضيعها معروووفه من زمان مجرد تغيير الاسلوب ، لكن المعنى والهدف نفسه ما تغيير ، علمائنا ..، مللنا من برامج الفتاوى ، وين البرامج اللي تصحينا ..؟؟ وين الكلمات المؤثره ..؟؟

انا اتفق معك من ناحية خطب الجمعه ..!!

إقتباس الصرخه الثاني موجهه لـ مؤوسسات الدوله المسؤوله عن الشباب !!

حتى ولو توفرت وظايف للبعض في مثل هذه المؤسسات

ولكن هل تتوقع ان راتب 1500 او 1800 سيكفي لمصاريف شخص واحد ؟؟؟ ..!!

قد لايكون لموضوع الراتب دخل في موضوعك ولكن انا اشدد على هالنقطه واعتبرها

شطحه ..
كذلك اتمنى لو كانت هناك اندية او اماكن مخصصه للشباب تحتضنهم

بدلا من التسكع في الشوارع والهجوله ومطارد المواكب حق ابو عوض من من الغروب للفروسية

إقتباس اخووووووكم جرح يشكي

الله يعطيك العاااافية اخوي محمد

ومايحتاج اثني على موضوع فهو ليس بحاجه لشهادتي

مااقول الا بيض الله وجهك ..!!


لا تــعــبـــت





عوااااااااافي














.

إقتباس شاب يقلد الكفار في اللبس ..،، في كل شي وغيرها كثيييير .. هل ساعدتونا في ان نغير من انفسنا ؟؟!! وينكم عنا ؟؟!!!

إقتباس فلان : محمد انت تكلم بنات ؟؟ محمد : لا ووالله ..!! ليش ؟؟ فلان : انت كيف عايش ؟؟ محمد في نفسه : صدق انا كيف عايش ., معقولة انا الصح وباقي الناس على خطأ ..؟؟!!

ذكرتني بوحده من اقاربي جالسين هي وامي وحنا البنات
كانت السالفه سالفه بنطلون

استغربت قالت حتى بالملاهي مايلبسوون

كاننا مسوين شي حرام الحين علشاننا مانلبس

الله يصلح الحال بس

والا موقف ثاني

قلت لبنت بروح اصلي بالمسنجر

قالت يووه مطوعه توه مذن

إقتباس المدارس ..!! خسرت الدولة المبالغ الطائله في بناء المدارس ـ ومن غير المعقول ان تكون تلك المباني فقط للدراسه [ من 6 الى 1 الظهر ]

ياليت يستفيدون من الدراسه بعد مجرد تسجيل حضور وانصراف

شبابنا وبناتنا واطفالنا للاسف في ضياع

الحين بدخول رمضان الناس كانت تحط لها جداول لقراءه القران والحين جدول للمسلسل

شي يضيق الصدر وحده تقول لي نقلا عن شاب انه اخذ اجازة برمضان علشان المسلسلات

وبناتنا مو احسن حال من الشباب

مناظر والله استحي لمن اشوفهااا طالعه من الجامعه ورافعه اكمام العبايه للنصف ولابسه درزن اساور والله لولا الحياء رحت ضربتها وانحشت

عموما الانسان الحين يربي نفسه

يعني الي يبي الخير بيلاقيه الخير مايدور ورى الشخص

واتوقع حنا بهالسن الشباب نعرف الصح والخطا صحيح نحتاج لتوعيه بس برضووا مانحمل المجتمع والهيئه والمشايخ وووو الخ

واتوقع التربيه لها دور قبل كل شي

جرح يشكي
اتمنى ان تجد لصرخاتكـ مجيب

واصلح الله احوال الشباب والبنات

نفتخر بتواجد امثالكـ هنا

ماشاء الله حلو التنسيق

صارت المواضيع تفتح النفس

*

***

******

الهنووووف

كانت

هنا

ورحلت

إقتباس الرسالة الأصلية كتبت بواسطة القاضي الأخ الكريم جرح يشكي ، لا تقس على منتداك فماله عيبٌ سوانا ، و إذا تردد أمثالك عن تناول مواضيع مهمة و هادفة بسبب أنه"المجلس صار للضحك و الهسترة" فستزداد الهوّة اتساعاً و لن يلام إلا نحن.

جرح يشكي رائعه صرخاتك

فعلاً اللي يصير اللحين شي يشيب منه الراس ..

الواحد يطلع يقابل نااس أصناف واشكال ..

بعض من مشايخنا ماقصروا شايلين هم الشباب بس وين الاذآن اللي تسمع وين العقول اللي تفهم...

الحين لو بنمسك أحد ننصحه قالوا سم وأبشر ومجرد مايروح عنه اللي دخل مع أذنه اليمين

يطلعه مع أذنه اليسار....

وفيه جانب أخر أحب اركز عليه وانت تطرقت له أحياناً بعض الشيوخ يكون على قولتك مشغول

في اوقات انت بأمس الحاجه لطلب التوجيهه منهم

وفعلاً صار لي ذا الموقف في وقت كنت مظطره للسؤال...

والبنات ماخفي كان أعظم .... الله يصلح حال الأمه من جميع النواحي ...

شكر قليل بحقك جرح على طرحك الاكثر من رائع..

جرح

موضوع جدا رائع..

ومؤثر جدا..

بلا شك أخوي إن الشباب يحتاجون لمن يحتويهم..

فبدلا من تأثيمهم ونبذهم من المجتمع..

هم بحاجة للأخذ بيدهم للطريق الصحيح..

وللإرشاد..

لا أنسى الشيخ طلال الدوسري وهو من الشيخ الذن أثروا جدا فيني في هذا الموضوع..

كان يتحدث مرة في التلفزيون وكان من معنى كلامه:
إن الشباب بحجة لوقفة صادقة و(حنونة) من الشيوخ..
فلا ننبذهم من أجل أخطاء ذنوب..

وذكر قصة صارت له..
إنه شاف شاب سكران يمشي في الشارع..
فحزن الشيخ كثيرا.. ولم يذهب لإبلاغ الهيئة عنه..
أو ضربه.. أو سبه..
بل..
يقول إنه فتح يدينه له.. وحضنه!
وقام يبكي الشيخ..

الولد اللي كان يبي يهرب.. بكى في أحضان الشيخ وكانت هذه القصة سبب في توبته..

شبابنا بحاجة لمن يحتويهم..
لم يعودوا يحتملوا الرفض..

فرفضهم وأخطائهم.. معناه اتجاههم طريق الهاوية.. واللي صار - للأسف - أمرا عاديا متوقعا!


أخوي جرح..

شكرا لك على موضوعك الرائع..
موضوع يناقش القضية الأهم..
ويطرح حلولا في ثناياه..


عذرا على ردي المتواضع..
ويعطيك العافية.. والشكر موصول لك.. مع التحايا..

الملعب تلقاة مليان دشييير والله دشير يا ........ يا.......... يا ولد........... يا....... يا........يا.........يا........الخ يعني خربانة عندهم وبعضهم جاي ناوي على شر