بسم الله الرحمن الرحيم
يا جماعة الخير وانا قاعد بعد صلاة الفجر اهوجس بحال فريقنا الي اكيد ما يسر اي مشجع هلالي لا من انقسامهم حول
مستوى الاعبين ولا حول الادارة وهذا من حقهم زعيم اسيا يغيب عن البطولة المحببة له اكثر من 5 سنوات ويغيب عن البطولات موسم كامل
ولا زود على كذ1 يغيب عن الاداء الممتع الي كان يطربنا وترفع راسك لا قلت هلالي من قوة اداءك وترفع راسك زود
لا قلت عندي يوسف الثنيان وعندي سامي الجابر وعندي خالد التيماوي وعندي فيصل ابو ثنين وعندي نواف التمياط وعندي عبدالله الجمعان وعندي احمد الدوخي
واجانبنا كانو (ليتانا ...بصير صلاح الدين .....بهجا ......مانجوت ....بشار .......جاسم .......سيرجو......)
كنت ترفع راسك لمستواك ونتيجتك اما الحين النتيجة تجي بس المستوى يمرضك من بعض الاعبين الي دخبت الواسطة فيهم وبالفم المليان واصرخ واقووول واسطة مو معقولة مو معقولة مستويات زي كذ1 في الزعيم يعني لو واحد زي سطيف الاعمى يمكن يصدق لكن جمهور ويمتاز جمهورنا اكثرية من ارقى طبقة في مجتمعنا وناس مثقفة وفاهمة يعني ما ينضحك علينا كانو نجوم لفترة معينة الان لا مجال الي يعطيني في الملعب ومو مقصر اكيد الجمهور بيصفقله وبيكون اجماع على ادائه من الامثلة ياسر وعزيز وتفاريس والتايب والشلهوب
الله يعين على فريقنا وان شاء الله تصلح رغم ان الاخبار الي تسرب من تحت بوابة النادي ما تبشر بخير وتقول سوف يكون موسم صعب للهلال وزين ان حقق بطولة خصوصا ان الموسم هذا مجرد احساس راح يكون اقل نسبة حظور لجمهور لزعيم في اخر خمس سنوات
دائم وصلنا طيب الذكر خالد عزيز الاعب الموقوف الي يمكن يجيه عفو زي ما جاء غيره اتمنى ان نختصر الوقت ونضرب ضربتنا مع القطريين
وانا قاعد اتابع الدوري القطري وجدت مدرعه تضرب بالقدم وبرجل وسريعه تدعى (كارلوس تنيريو ) وتخيلت المشهد فقد وجوده بجانب ياسر مع ارجاع ياسر للخلف واللعب على الاطراف راح يكون هجوم ناري مع وجود طارق خلفهم والشلهوب اتوقع ان كل 10 دقايق قول لنا بعد فرص كثيفة
لكن توقع ان يجي في مرماك ايضا لان دفاعك سيء جدا كامل ما عدا تفاريس ثلاث خانات في الدفاع ما تقوم بالدور المطلوب وخصوصا القلب الايسر والظهير الايمن حتى ابجديات الكورة يفتقدونها وحتى الخفة في الحركة غير موجودة واتوقع تكون موجوده عندهم بالعقل مع احتراماتي لهم لكن طريقة اللعب تبين
اتمنى من ابو سلطان حتى لو نزيد مليونين ما راح نخسر شي وخصوصا السد هجومه قوية لكن يعاني من المحور وعنده مشاركة بابطال اسيا عزيز بيكون اضافة لهم وهم يملكون زراتي في المقدمة واعتقد اميرسون وعندهم ماجد محمد وكم لاعب كويس بالهجوم
لو سوها ابو سلطان بتكون ضربة تقسم الظهر لا انديو الاخرى وياسر وتنيريو شكل ثاني في الهجوم وبنكون وفرنا مبلغ وونستفيد في لاعبين محليين بخط الدفاع
سلام واتمنى ما اكون طولت ياليت الجميع يبدي راية والفكرة بحاول اوصلها لا ابو سلطان بأي شكل من الاشكال
الوضع العادي
