#31  
قديم 03/10/2007, 10:24 PM
زعيــم نشيــط
تاريخ التسجيل: 12/07/2007
المكان: دار بو متعب
مشاركات: 721
كلام صحيح
اضافة رد مع اقتباس
  #32  
قديم 03/10/2007, 10:27 PM
زعيــم نشيــط
تاريخ التسجيل: 24/01/2007
مشاركات: 809
هو انتو خاليتو احد ما سبيتووه الحين المفرج وقبله الرئيس ونواف
وفي المستقبل القريب حسب توقعاتي ياسر وبعده الفريق وبعدين
التحوول الى نادي اخر
اضافة رد مع اقتباس
  #33  
قديم 03/10/2007, 10:28 PM
موقوف
تاريخ التسجيل: 06/04/2007
المكان: الدمام مدينة الأحلام
مشاركات: 554
والله بربرة زايدة

حسن قال عين العقل

صح العنقري ظهر بمستوى غير المتوقع بس لازم اعطاءئه فرصة
مرة يلعب هو ومرة العبدالسلام

تتذكر لما كان الدوخي بس هو الظهير الأيمن ماكان فيه أحد غيره يلعب بها المركز

وش صار لما ترك الهلال؟

الظاهر نسيتوا ان كان اسمه موسم الظهير الأيمن وعانى الزعيم وترقع الفريق كم مباراة

الدعيع ليش طول الدوري اساسي؟

الشمري الظاهر ما جبناه زينه نبيه يلعب نسيتوا يوم أصيب الدعيع؟

ما اقلل من الدعيع لكن لازم اعطاء فرصة للشباب

معروف ان حارس المرمى يجلس لين 38 ويمكن 40

يعني الشمري ما راح نشوفه أبد؟

نسيتوا أول؟

مرة السلومي ومرة العواد؟

كان الهلال في اوج عطائه وكان ما يتورط لما يصاب او يوقف واحد
اضافة رد مع اقتباس
  #34  
قديم 03/10/2007, 10:37 PM
زعيــم مميــز
تاريخ التسجيل: 14/08/2007
مشاركات: 2,004
والله ان كلام حسن ونواف صحيح مثل مارد احد الاخوان قصده فكونا من السنتكم مشكلة الهلال نفسيه مشكلتنا مانرضى بالغلط واللاعب بشر يصيب ويخطئ ويكفي تضحيات المفرج واخرتها شف وش صار له ليت يوم ماعجبنا لعبه جلسنا ننتقده نقد هادف بالعكس الي صار حمله شرسه .
اضافة رد مع اقتباس
  #35  
قديم 03/10/2007, 11:00 PM
زعيــم جديــد
تاريخ التسجيل: 02/04/2007
مشاركات: 26
في البداية اشكر من كلف نفسه وقرا هذا الموضوع البسيط

ومن اجل الهلال راح نحاول الوصول للحلول

للذين وافقوني في موضوعي اشكر لهم مرورهم

واللذين ردو علي باسلوب لا يرقى للطرح اقول لهم شكرا

ولن اتعامل معكم بنفس الاسلوب فقط اقول اللهم اني صائم وكفى

اما اللذين ناقضوني في الرأي بأسلوب راقي وكان هدفهم الاسمى الفريق الازرق(الزعيم)

فسوف نتناقش من اجل هذا الصرح الشامخ

لانني اتمنى ان نصل للحلول سواء كنت على صواب ام على خطأ

فالمهم هو اجتياز الازمه

بسم الله نبدأ....

@الاخ BLUE SHADOW

المهم المفرررج باق باذن الله
والله الاداره لو تتغير يتغير حال الهلال باذن الله


يا أخي لماذا الاصرار على وجود المفرج

طيب ليه ما نجرب غيره وممكن واقول ممكن ينجح

فالموضوع يستاهل التجربة
فالاهم هو الهلال وليس العناصر

@الاخ دبدوب بس هلالي

يالطيب احترم وجهة نظرك لكن اذا انت ما فهمت كلام التمياط وحسن هذي مشكله كلامهم يقولون يا ناس ارحمونا من لسانكم السليط تراكم تهدموننا وتهدمون الهلال بتجريحكم فهمت الحين بدل كلامك هذا وما توقف ضد فلان وفلان تطالب بمعاقبة فلان ليه ما توقف مع الفريق وتدعمهم معنويا اذا في الواحد خير


شكرا لك

ولكن مو المشكلة انو انا ما فهمت كلام اللاعبين نواف وحسن

ولكن ليس من المفترض انهم يتكلمو في شيء مو من اختصاصهم

واذا كان هناك بعض الملاحظات على بعض اللاعبين ولم يتم اجراء اي عمل من قبل الادارة فأتوقع ان الجماهير لهم حق النقد ولكن باسلوب محترم وبدون تجريح
ولكن انت لازم تعرف ان الهلال صاحب شعبية كبيرة وفيه من جماهير نسبه ليست بكثيرة ليسو بذلك المستوى التعليمي او الثقافي اللي يجعلهم يطرحو بشكل راقي
وبسبب عدم اتخاذ اجراء اي عمل بخصوص بعض اللاعبين اللي كثر منهم الاخطاء فشيء طبيعي ان يصل مستوى النقد للتجريح من قبل بعض الجماهير الغير مهذبة للاسف


@ الاخ زئير الاسد

و الله حتى نواف ما سلم منكم

الله يستر بس

منهو الجاي

ارحموا اللاعبين

اتركوهم في حالهم و لا تزيدوا الضغوطات عليهم

بدال ما نرفع معنوياتهم

نحبطهم

الله يستر بس



يا اخي العزيز

والله العظيم ان ودي نواف يصير احسن من كاكا وودي يصير افضل لاعب في العالم

الموضوع مو كره في نواف ولكن الموضوع حب في الهلال

انا الوم نواف على كلام على تدخلة في شيء ماله لا ناقة ولا جمل فيه

هذا موضوع تخصص الادارة فقط

لا نفتح على نفسنا باب ويصير كل من وده يتكلم في النادي يتكلم وشكرا..

@ الاخ الله يوفقن

مشكلة بعض الناس يفهم على كيفه أتوقع لوصرح ياسر أو الشلهوب مثل هذا التصريح وأتوقع هذا الكلام هو لسان حال أغلب اللاعبين ما كتبة أخوي مثل هذا الموضوع
وبعدين تصريح نواف تصريح جميل وبالعكس أنت لو ما حطيت التصريح عشان ما يكون عليك ليس معك

يا اخي لو تكلم اي كان في شيء ماله شأن فيه صدقني راح ننتقده

الوحيد اللي لو يتكلم ما راح نقوله شي هو


نادي الهلال

ولكن هو جماد ولا يتكلم

ول استطاع ان يتكلم لبكى من القهر

@ الاخ تربيت هلالية

السلام عليكم
اولاً شكراً على الموضوع
ثانياً ماهو دور الجمهور بالضبط؟ التدخل في التشكيله؟ او رفع معنويات الاعبين إلى آخر المطاف؟
والي مو عاجبه لاعب غيرك مو عاجبه لاعب آخر؟ يعني اذا انت مو عاجبك المفرج انا مو عاجبني العنقري
وغيري مو عاجبه نواف وغيره مو عاجبه التايب وغيره مو عاجبه الشلهوب وغيره مو عاجبه عزيز!!! يعني
ماراح نخلص منكم!! بإختصار عمل الإداره مادي ومعنوي! وعمل الجهاز الفني لياقي وتكتيكي؟ وعمل الاعبين
تطبيقي وحماسي في الميدان؟ وعمل الجمهور رفع من معنويات الفريق لا التدخل في التشكيله!! لأن وبإختصار ماحدف
فينا دفع قرش للنادي!!
واذا عندكم انتقادات وجهوها للإدارة! لو رايتم اي تخاذل من لاعب وجهوا سؤال للإداره مو تسبون
الاعب وتحبطون معنوياته وتأثرون على اهله! عيب والله عيب الي قاعد يصير للمفرج!!
وبالنسبة لكلام نواف فاهوا كلام العقل والدليل مستوى الاعبين في مباراة نجران!!! شاهدنا كيف مستواهم سيئ وخجل
ولا فيهم اي روح من الحماس!! وهذا ان دل دل على ان هناك مشكله في الإدارة وليس في الاعبين وسبب المشكله
تدخل الجمهور في مالا يعنيه!!
الجمهور له الحظور والمؤازره لكي يدعم فريقه لمنصات التتويج! وليش له الحق بالتدخل في التشكيله او عرض اسماء
لاعبيين للإستقدامهم للنادي لأنه هذا عمل المدرب والإدارة.
فارجاءً كلن يستلزم مكانه ولا يقعد يسوي لي فيها مدرب ورئيس ومشجع ومحايد وكل شي فيه صح وهو ماهو عارف
اي مركزه في النادي!!!

والله يعين الهلال على جماهيره الي من هذي الشاكله!!!

لكم احترامي وتقديري
سلام


زي ما قلت انت كل واحد في اختصاصه يعني كلامي صح وهذا اللي انتقد نواف وحسن عشانه

ام الباقي في كلامك فأشكرك عليه حتى مع بعض اهاناتك...

@QUEEN MATIR
يعجبني اسلوبك بطرح ولكن لا يعجبني كيف تتكلم عن كبار الاعبين لاتنسى كم بطوله اتت بقدم نواف لاتنسى دفاعه المستميت عن الهلال وعن جمهوره ويكفي انه لاعب خلوق
بصراحه نحن لانحب الجمهور يكون بهذا الشكل كونو عقلاء وانضر ماذا فعلو من اجالكم قبل ان تسبوهم وان تجرحو بهم


شكرا لك ولاسلوبك

الهلال ما فيه كبير

الهلال هو الكبير فقط........

وياخي انا مين قالك انو انا ما ادفع

انا احظر وانا مشترك في جوال الهلال وانا اشجع نادي حكومي وليس نادي ذو ملكيه خاصة..

انا ضد التجريح ولست معه..


ولي عودة لباقي الردود

شكرا

اضافة رد مع اقتباس
  #36  
قديم 03/10/2007, 11:48 PM
زعيــم مميــز
تاريخ التسجيل: 08/06/2007
مشاركات: 3,299
DARE KINGDOM اقول كل شي الى ابو بندر بس خل عنك

وكلامه عين الصواب وهذا مشكلتكم

ياخي نواف كبير باخلاقه وبلعبه ولو لاعب يصابمثل اصابة نواف كان اعتزل اللعب بس انت شكل ما تعرف شي عن الاصابات والمستوى بعد الاصابة

وبيظل نواف كبير

ومشكلتنا نمدح الاعب ونكون معه بس في غلطه وحده نقلب عليه اتكلم طبعا عن الفتى الذهبي

وعن المفرج اخوي صح انه خلاص مفروض يجلس على دكات الحتياط بس يعجبني فيه روحه وحماسه اللي ما نشوفها من قبل بعض الاعبيين

ودمتم تقبل مروري بصدر رحب
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:59 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube