معي مبلغ ودي استثمره وش اسوي
 

السلام عليكم ورحمة الله وبركاته
ياشباب ان شاء الله وبحوله وقوته بيجيني مبلغ في شهر ذي القعدة ان شاء الله وابي استثمره وش احسن شي استثمره فيه غير الاسهم يمكن يكون المبلغ 12000 او 14000 انا عارف انه مبلغ شوي بس ابيه استثمره على قد المبلغ ارجو منكم الافادة انشاء الله ------

استثمره في شركة على مدى طويل كحد أدنى 5 سنوات , وعني انصحك تقسمه لنصفين وتشتري فيه اسهم شركة صافولا واسهم شركة اعمار المدينة الاقتصادية ولكن كما ذكرت لك كحد ادنى خمس سنوات لترى نتائج ايجابية باذن الله

افتحلك بوفية ههههههههه

ادخل بالمبلغ استثمار فيه بشركة الصحراء .

لمدة سنتين وبتعين خير باذن الله .

اخوي الغالي ابعد عن الاسهم لانه الحين مو وقت استثمار

الحين وقت المضارباات ,,,,

تبغى نصيحتي متع نفسك فيها
وبلاش اوجع راس

اقول فلها بس

الله يوفقك ويزيدك من خيرة يارب

اخوي : [ المشاريع في بالي كثيرة ]

( وافضل مشروع في بالي ) :

* [ التعاقد مـع شركات إنتاج بمدينتي الجبيل وينبع الصناعيتين ]

توضيح : مثلآ بهذا المبلغ اللي طرحته ( 120 ) الف ريال
بإمكانك تتعاقد مع احدى الشركات المتعاقدة مع الشركات الكبيرة بهذه المدينتين ...
كـ التعاقد مع إحدى الشركات المتعاقدة مع شركة حديد
مثل ( الـخـثلان ) أو ( GMS ) << وهذه الشركات توفر كل من
العمال + المعدات كـ ( الكرينات أو فوركليفت أو الشيولات ) وفنيين ومهندسين

إنت ماعليك من اللي توفره او طبيعة اعمالها ...

مشروعك راح يكون كـ التالي :
إستئجار معدات ثقيله كاللتي ذكرت بالشهري أو اليومي ..
وتأجيرهـا على الشركات اللتي ذكرت ..
عن طريق الأتصال بهم ومعرفة احتياجاتهم للمعدات
( لأن بعض هذه الشركات قد تتعطل معداتهم او ماشابه ذلك )
فتضطر للإستئجار من شركات وتجّار من خارج شركاتهم

معلومات على حسب خلفيتي سابقآ بهـ العمل :
* [ يكلف إستئجار معدات ثقيله باليومي مابين 1500 ريال إلى 2500 ريال ] .
* [ يكلف إستئجار معدات ثقيله بالشهري مابين20 الف ريال إلى 30 الف ريال ] .
* [ تكلف عملية شراء المعدات الثقيله المستعمله مابين 100 الف الى 200 الف ] .
* [ تكلف عملية شراء المعدات الثقيله الجديده مابين 250 الف الى 450 الف وأكثر ] .

(( أتمنى ما اكون اطلت عليك اخوي .. او خالفت قوانين القسم لان اول ماره اشارك هنا ))

تحيتي لك ودعواتك لي بالتوفيق والله يوفقك لما يحبه ويرضاه يارب ...

أخوك [ عـبـدالله ] :)

اعطيك رقم حسابي وبعدها اعلمك وش تسوي

بصراحه مالك الا الأسهم لان المبلغ بسيط

الله يرزقك ان شاء الله

يارجال أنا والله ماني من أهل الاسهب

ولكن أشوف مبلغ 12000 الف ريال تحطها بالسهم وتنسها

يمكن تضبط الاسهب وترتفع
حتى أذا خسرت عادي مو مبلغ قوي
وحتى لو نزل سعر الاسهب لاتبيعها خلها لين .......؟

ياارجال يمدحون سوريــــــــــــــــا

هههههههههههههاااي

افول لاتدخل بس تخسر

والله يالغالي..

في مشاريع كثيرة لكنـ 12 الف شويه يمكنـ على المشاريع..

لكن يمديك ان شاء الله تفتحها مثلاً..
بقالة..

والف ريال حطها في الاسهم..ان زادت خذها وان نقصت الشكوى لله..

تبي الصراحة خل فلوسك في جيبك والله الأسهم تروع ما تدري بعد 1وش يصير

وانا عندي مبلغ ودي أستثمره ودي أشتري معدات ثقيله وأجرها لكن ماهي الشركات التي تستاجر معدات؟وهل السائق من عندي؟ ارجو التوضيح
والله يحفظك ويرعاك

وانا عندي مبلغ ودي أستثمره ودي أشتري معدات ثقيله وأجرها لكن ماهي الشركات التي تستاجر معدات؟وهل السائق من عندي؟ ارجو التوضيح
والله يحفظك ويرعاك