تبي تلعب في نادي ......؟ عندك الشباب ولا الرياض :) - نادي الهلال السعودي - شبكة الزعيم

عبدالعزيز00 · #1 12/10/2007, 11:34 AM

السلام عليكم ورحمة الله وبركاته ..

وعيدكم مبارك .. وكل عام وانتم بخير

تبي تلعب في نادي ......؟ عندك الشباب ولا الرياض

^
^
^

هذا العنوان

( بالعامية ) ... مع دخلات ..( لغوية )

سبب كتابتي للموضوع هو اللي اشوفه في نادي الهلال والنصر في الفترة الحالية والقادمة .... 5 سنوات قدام

ذكرت نادي الهلال والنصر على التوالي لأنهم قمة الكرة السعودية سابقاً .. ولازالت ( بدون تعصب

)

باتكلم عن نادي الهلال بحكم هلاليتي واللي نشوفه في السنوات الأخيرة لم نرى لاعب هلالي مثل الفريق الاول واثبت تواجده تخرج من المدرسة الهلاليه او حتى مثل الهلال في المراحل السنية الاخرى فأغلبهم لاعبي أندية أخرى تعاقدت معهم الادارة لسد حاجة الفريق في أغلب المراكز ... آخر جيل المدرسة ( محمد الشلهوب )

في مدينة الرياض .. عاصمة المملكة العربية السعودية .. واكبر المدن على مستوى الخليج .. لايوجد لاعب مميز ؟؟

في السابق وحالياً في كل حي من أحياء الرياض .. تجد الملاعب الترابية وليل نهار يمارسون رياضة كرة القدم بالتحديد ..فهل من المعقول لايوجد فيهم لاعب مميز ؟؟؟!!!!

في مدارس الرياض جميعها ... لايوجد لاعب مميز

؟؟؟!!!

هل يجب أن أذهب للخرج .. ولا للأحساء ...عشان أبحث عن لاعب ...!!!؟

الخلل موجود

عشان اعلمكم وش سبب العنوان .. أذكر في السابق إذا وجد لاعب مميز في دوري حواري .. يقولون له ( أنحش من الهلال ولا النصر ) <---- السبب ؟؟

ماراح تاخذ فرصتك .. واسطه .. لازم تعرف أحد .. !!!!! طيب مستواي حلو ..ليش ؟

إذا تبي تلعب في نادي وتاخذ فرصتك ... عندك الشباب ولا الرياض

<--- يستقبلونك

لازال الشباب ..كنادي .. يخرج لنا في كل موسم جيل جديد ومميز من اللاعبين ..؟؟

الشباب في الصحافة ؟؟

الهلال في العريجا ؟؟

هل موقع النادي له دور ...؟؟

عبداللطيف الغنام لاعب شبابي سابق .. يسكن في حي العزيزيه .... وش الأقرب الصحافة ولا العريجا ؟؟

^
^

كمثال للموقع فقط

الميول <------- أغلب اللاعبين ميولهم هلاليه أو نصراويه

.. وتلقاه رايح يتمرن في الشباب ولا الرياض

اللي حبيت أوضحه ... السياسه الداخليه في الانديه الكبيرة والشلليه هي سبب دمار رياضتنا ومواهبنا للأسف

الموضوع للمناقشه .. وانا فتحت الباب بس

مزاجي الزعيم · #2 12/10/2007, 12:24 PM

شف وناا اخوك حنا الحين في عصر الاحتراف واي نادي كبير طبيعي انه ياخذ ناس جاهزين موب مغامر بلاعبين صغار في مباريات لان الفريق فريق بطولات ومااوده يفرط في مباريات

ريال مدريد وبرشلونه ومانشستر وتشلسي وميلان وغيرهم اتحدااك تلقا عندهم لاعبين متخرجين من اكاديميااتهم الكبيرررررررررررررره

فطبيعي الامرر

لكن انا اراهن على الكلثم بالدرجة الاولى والذياب والدوسري والفريدي انهم نجوم واعدين لكن زي ماقلت لك صعب جدا تتاح لهم الفرص اذا كان فيه اسماء جاهزيز وهذا شي طبيعي

عبدالعزيز00 · #3 12/10/2007, 12:32 PM

^
^
^
مزاجي الزعيم .. اتفق معك إن أغلب الأندية الكبيرة في أوروبا <--- لاحظ

المشكلة إن اللاعبين اللي تجيبهم شباب ومستوياتهم للأسف ماترضي

انا تكلمت بحكم وضعنا في السعودية او الخليج بصفة عامة .. ترى الاحتراف للحين عندنا حبر على ورق بس

الواقع مافيه احتراف حقيقي ..عشان يكون هذا عذر

لازلنا الى الآن نبحث عن لاعبي حواري ... وهذا مانراه في نادي الشباب فقط

المشكلة قديمة قديمة .. وقبل الاحتراف <--- انا كتبت في السابق

مزاجي .. لاهنت

هـنـريـ... · #4 12/10/2007, 12:58 PM

والله انك صااادق

انا وصديق لي مثلآ مو مدح في نفسي نعرف نلعب زين والحمد لله اكثر فرق حواري الرياض

يطلبوني حاولت ادخل نادي الهلال بك الطرق مافيه احد استقبلنا

قلت خلني اجرب نادي الشباب قدمت عليه وعلى طول اقبلوني تدربت فيه ثلاث شهور

بس انا ابغا الهلال حاولات ماقدرت كل مادخلت حطو قدامي الف عله وعله ليش طيب

جربوني على الاقل سوو لي اختبار اي شي لا يمكن بالعربي واسطه جبت اخوي الصغير عمره 11

قلت يمكن بحكم صغر السن يقبلونه نفس الحكايه عندك (( و)) تدخل ماعندك الله يستر عليك

الحين اخوي بنادي الشباب وانا رجعت للحواري احسن لي

حرام حتى التجربه مافيه لازم تجي بواسطه قهر شوي

هذا هو الاحتراااف ؟ ؟ ؟

عبدالعزيز00 · #5 12/10/2007, 01:31 PM

هنريـ .. ترى مصدقك

مثلك كثير... وبصراحه أنا أستغرب من لاعبين بمستويات أفضل من اللاعبين المتواجدين في الأندية ....للأسف

وتدفن مواهبهم في الملاعب الترابية

أمثلة :

فيصل علي يلقب بـ ( الفتيت ) ... أحد أمهر لاعبي الحواري في السابق بمدينة الرياض ( الجنسية يمني ) .. مثل منتخب الامارات

حواري الرياض مليئة بالمواهب كموهبة فيصل علي ... لكن .........!!!

هنريـ ... لاهنت

yaser+alshlhob · #6 12/10/2007, 02:30 PM

افضل 3 لاعبين

في المستقبل

الكلثم من الجبيل

الفريدي من المدينة

الصويلح من الاحساء

بس عندي سؤال واحد

الخراشي من مدرسة الهلال ولا من برا

عبدالعزيز00 · #7 12/10/2007, 02:44 PM

الخراشي من ( و ) المدرسة الهلالية

^
^
^

أتوقع إنه بعد فترة بيصير رئيس النادي من قوة الواسطة

ياسر + شلهوب ... لاهنت

.برشلوني. · #8 12/10/2007, 02:48 PM

افضل 3 لاعبين

في المستقبل

الكلثم من الجبيل

الفريدي من المدينة

الصويلح من الاحساء

@عبود@ · #9 12/10/2007, 10:06 PM

ياليت يسون نفس الشباب

<alzaeem> · #10 12/10/2007, 10:15 PM

[quote=yaser+alshlhob;6535388]افضل 3 لاعبين

في المستقبل

الكلثم من الجبيل

الفريدي من المدينة

الصويلح من الاحساء

توضيح الكلثم من الاحساء ومن نادي الجيل وليسى من الجبيل ..

هلالي جنيف · #11 12/10/2007, 10:35 PM

كلام رائع وما خفي كان أعظم

hiLali Heart · #12 12/10/2007, 10:40 PM

صدقت والله اخوي بكل كلامه قلتها

لكن وين اللي يسمعنا وياخذ براينا

مشكوور من كل قلبي على طرحك للموضوع

M R:CLASSIC · #13 12/10/2007, 10:41 PM

انتظرو واحد اسمه عبد الله يلعب في الوسط زي جسم ياسر والكدش حق ياسر قسم بالله مجنون

واحنا نلعب بالحارة جانا عضو شرف هلالي عتيبي مدري وش اسمه الاول يقوله انت لازم تلعب للهلال

قاله تدري الحين عندي اصابة قاله ايه اصابه قاله اصابة رباط صليبي قال مجنون انت تلعب وفيك اقوى اصابة قاله تخلص اصابة دق على جوالي ومالك الا تلعب بالهلال

عبدالعزيز00 · #14 12/10/2007, 11:19 PM

مروركم الأروع

وشرفني تواجدكم

على فكرة الموضوع : معاناة مواهب مدفونة

وحبيت أجدد هالمشكلة .... لأن اللي نشوفه شي يحز بالخاطر

لكم جميعاً ... لاهنتو

9هلالي9سامي9 · #15 12/10/2007, 11:31 PM

افضل 2لاعبين الصويلح والكلثم