السلام عليكم ورحمة الله وبركاته
أنا اليوم رح أكتب لكم وش صار معي في المدرسة
رح أحاول ما أكتب أي شي يخليهم يحذفوا الموضوع واستبدله بنقاط(.........)
أمس الساعة 12 في الليل
أنا :هلا أبرار وش تبغين داقة ألحين
أبرار :أبد بس بغيت أقول لا تنسي تجعدين شعرك وتلبسين المريول الجديد
أوكي خلاص باي
باي
اليوم الحصة الأولى (كيمياء) طبعا كما هو متعارف في كل المدرارس الحصة الأولى لحل الواجبات يعني مافيه أحد منتبة إلا المصارية
المهم ما مرت عشر دقايق تدخل علينا المشرفة تنادي:
أبرار _عذاري_بني حارث(أنا)_صالحة_يسرى
طبعا هاذي شلتنا المهم رحنا معها وصلنا للغرفة طبعا أول شي جتنا المنحوسة أبلة الفيزياء (دريت ألحين وش السالفة) وقاعدة تهزئ تقول :
ألحين بنات في ثاني علمي يجيبون 2 من 10 وش ذي الدلاخة بس فالحين في التطقيم
والله ما تشوفون أنفسكم كأنكم عصابة ومن هالكلام فبعدين جت المشرفة
وتقول:خير إن شاء الله فاتحين قاعة أعراس وش ذا .
وبعدين سألونا عن السبب في هالدرجات الحلوة اللي جبناها طبعا كثروا من هالأعذار
إلا ولد جد عمتي توفى إلا ولد خالة أم أبوي سوى حادث............إلخ
وبعدين أنا قلت للمشرفة كل واحدة عندها ظروف وبعدين هاذي قدرتنا على الإستيعاب فقالت المشرفة :إنتي بالذات كلي.........
أنا:هييييييييييييييييييييي
أبرار من وراي والله ماحد غيرك اللي ياكل ............
أنا :إستاذة وش ذا الكلام هذا كلام شوارع(مسوية فاهمة)أنا أصلا ما أنزل مستواي وأتكلم بهالألفاظ.
وتروح المشرفة تجيب دفاتر الأرقام عاد أنا خلاص بدا الخوف والله باخذ تهزيئة ما صارت ولا استوت
وأبرار تبكي (خايفة من ؟أبوها) والباقيات فالينها ضحك ووناسة
المهم تبدى تدق صالحة حاطة رقم البقالة ويسرى رقم السواق وعذاري ضامنة أبوها وجا الدور على أبوي ما بقى شي ما قالت له عنه وأبرار يا حليلها زيي
المهم جت المساعدة وقعدت تعلق على المراييل والشعر وكتّبتنا تعهد وقالت
:إما تغسلون شعركم بالموية ولا بالزيت
البنات خلاص أنواع التحطيم :لا ياأستاذة حرام وما يجوز وساعتين وأنا أسويه
أصرت على كلامها(حنّا رحنا نتشاور فقررنا بالموية)
في الحمامات المشرفة ماسكة الموية وحنّا نغسّل شعرنا(منظر الله لا يوريكم)
ورحنا للفصل والكل قاعد يتمسخر علينا بس حنّا قويات
هذا اللي صار باختصار

بس لا أحد يسألني وش سوى أبوي
بس محاضرة مدتها ساعتين وأخذ الجوال والمحفظة بالفلوس كلها وفصل النت عن غرفتي
وخلاني أوعده بنسبة 95 فما فوق