<><> يوميات الأعضاء في رمضان مع البالون <><> - نادي الهلال السعودي - شبكة الزعيم

المنتدى الاستشاري · #1 03/10/2007, 02:38 AM

إعداد : المنتدى الإستشاري

مرحباً بكم احبتي .. مع ضيفنا الثامن عشر في يوميات الأعضاء في رمضان ،
وضيفنا هو المتميز البالون

بسم الله الرحمن الرحيم
السلام عليكم ورحمة الله وبركاته

قبـل ما أبدا ودي أشكر المستشـارين الأعـزاء بـ اختياري
ضمـن هـ الكـوكبـة الممـيزة من الأعـضـاء ..

للأسـف .. أنا مقهـوور جدا لأن اليوم مب يـوم الأربعـاء .. عاد محـاكيكم
يحـب الأربعـاء ذا من كـل قلبـه .. والمشكلـة أنـه مايدري ليـش يحبـه !!

بـ النسبـة لليـوميـة اللي بـ أكتبهـا لكـم رح تكـون أقصـر يـومـية تـدرون ليـه ؟
عشـان ما ودي أتـعـبـكم في القـراءه

نبدأ من بعـد صـلاة الفجـر أمـس ..

صليت الفجـر فـ المسجـد ثم رجعـت و أنا داااااايخ

بمعنـى الكلمـة !!

لكـن شغلـت النـت فرفرت على الزعيم شوي ثم نمـت ..

طبعـا ذا اليـوم بـدت الإجـازة بـ النسبـة لي يعـني يبيلـي أعـوض النـوم اللـي كنـت فـاقـده من بـدايـة رمضـان إلـى اليـوم ..

طقيتـها نومـه إلى الظهـر .. ثم قمـت صليـت ورجعـت نمـت ..
ما دريـت عن نفسـي إلا و الساعـة 5 ونص تقـريبا ..

قمت من النـوم صليـت العصـر ثم قريـت قرآن إلى وقـت الفطـور ..

أفطـرت ثم رحـت صليـت المغـرب بعدهـا رجعـت للبيـت و جلسـة مع الأهل وشـاهدت التلفـاز << يقاله فصحى

بعـدين فتـحت النـت شوي إلى العشـاء ..

أذن العشـاء .. رحـت صليـت العشـاء و التـراويـح خلصـنا تقريبـا عشـرة إلا ربـع ..

بعـد الصـلاة رجعـت البيـت أبي أشـوف مبـاراة الهـلال لقيـت الريـاضيـة نـاقلـه النصـر و الأهلـي

..
فتحت النـت و دخلت الزعيـم .. لقيـت واحـد حـاط موقـع ينقـل المبـاراة !!
فتحتـه ما عجبني الصـورة رديئة و الصوت يقطـع ..

شوي تجينـي رسالـة ع الجـوال تقـول :
الهدف الأول لنجران في الدقيقة 21 ..

انقهرت بـ صراحـة

لكنـي حسيـت أن الهـلال بيخسـر !!

بعديـن نـزلـت ألعـب كـوره في استـاد حارتنا الدولـي

مواصفـات الاستـاد :
* أرض الملعـب زفلـت عليه أحجـار صغيـره

* البـاب بـ الحجـر و مافيـه عـوارض

ولاحظوا ( دولي ) !!

يذكر أني نسيـت لا ألبـس الجزمـة
فـ رجلي إلى الآن رايحـه فيهـا

ع العمـوم كان فيـه 3 لاعبيـن أجـانـب من برا الحـارة ..

لعبنـا مبـاراتيـن قـويـة من جـد ..

الأولى احنا ( 4 ) لاعبيـن و هم ( 7 ) لاعبيـن .. مسـوييـن أقـويـاء !!

انركينـا 10 - 4

بعدهـا تذكرنـا المثـل اللي يقـول [ الكثرة تغلب الشجاعة ]

,,

المباراة الثانيـة .. احنـا ( 4 ) لاعبيـن و هم ( 4 ) لاعبيـن
3 لاعبيـن انسحبوا من الملعب ..

فزنا عليهم بـ نتيجة قاسية و سحبنابهم و خلينا المباراة استعراااض ..
في وسط المبـاراة انسحبنـا .. لأنا طفشنـا من كثر الأقـوال و التسحيـب ..

خلصت تقريبا السـاعة 2 ..رجعـت للبيـت و أخذتلي دش ..
بعدهـا قرأت قـرآن شوي ..
ثم تـابعـت بـرنامـج [ بالقرآن نحيا ] ع القناة الرياضيـة بـ صراحـة برنامـج رهيييـب !!

جا وقـت السحـور اللي تأخـر شوي اليـوم ..
عـاد يوم جـاء أكلت في الرز لدرجة أني مادريت إلا قـد أذن ..
ماردني إلا السـاعة وإلا كنـت مطـول !!

رحت صليـت و بعد الصـلاة رجعـت البيـت
فتحـت النـت .. وأرسلت اليوميـة ..

أتمنى يومي عجبكم مع ان مافيـه أكشن ولا إثـارة

حرر في :
السـاعـة 7 و 50 دقيقـة و 16 ثـانيـة

..

البالون

كل الشكر والتقدير لـ المبدع البالون

.

أرق التحايا وأطيبها من
مشرفي واستشاري
المجلس العام

<><>أرشيف يوميات الأعضاء في رمضان لعام 1428 هـ <><>

عبدالله العتيبي · #2 03/10/2007, 02:46 AM

أسجـل إعجابـي

لـي بـاك آخـر

يعطيك العافيـه

abo_nasser · #3 03/10/2007, 02:49 AM

هلا وغلا اخوي البالون

يوم جميل رووووعه ..بمدح فيه الى ينادوني اهلي عالسحور

من جد ...يومك جميل وخفيف علينا

ومميز لانه خفيف

إقتباس


	الأولى احنا ( 4 ) لاعبيـن و هم ( 7 ) لاعبيـن .. مسـوييـن أقـويـاء !! انركينـا 10 - 4 بعدهـا تذكرنـا المثـل اللي يقـول [ الكثرة تغلب الشجاعة ] ,,

هذا الهياط وانا خوك

الله يعطيك العافيه

تقبل مروري

سلاااااااااااااااااااااااااام

سامي200 · #4 03/10/2007, 02:56 AM

يومية هادئة مافي اكشن يوه كنت احسبك توم كروز ترا امزح والله يومية لطيفة وسريعة بسرعة الضوء
تقبل مروري ولا تزعل امزح اخوك سامي200

G o L d E s T · #5 03/10/2007, 02:59 AM

أول مرة واحد يكتب يومية ولا يطوله وهي قصيرة

يعطيك العافية

أبو ميار · #6 03/10/2007, 02:59 AM

شكراً أخوي البالون

بصراحة يومية جميلة جداً

وبعدين وش دعوة ما عندك الإي آر تي

على فكرة أنتم فزتوا في المباراة الثانية

ونجران فاز على الهلال

أين وجه الشبه

Hictar · #7 03/10/2007, 03:08 AM

هلا فيك اخوي البالون
يومك نصه راح نوم

بس زين ما شاء الله عليك رايق للكوره لا وعلى زفلت

لو إنك مطقطقها بلي ستيشن كان أبرك من ورمات رجولك

يعطيك العافيه

القيصر رهيب · #8 03/10/2007, 04:14 AM

التفيخه

يومه يضغط السكر

الله يوفقن · #9 03/10/2007, 04:20 AM

شكلكم قويين مرة يعني لو أخذوكم بدال لاعبين الهلال قدام نجران كان تفوزون عليهم وانتم اربعة

AL BRENS-14 · #10 03/10/2007, 04:42 AM

يوميات والله جميلة لا كن كلها نوم >>>> عاد انت تكفى

بس احسدكم على الملعب الدولي

انتم حجر حنا براميل زبالة (الله يكرم القارئين والسامعين ) .ء

تقبل مروري على اليوميات الجميلة

غــــــلا روحــــــي · #11 03/10/2007, 05:26 AM

يوميه هادئه بهدوء الحبر الذي اكتب به

يا عليك نوم بعد يجيب النوم << احلفي

نوم
أكل
تلفاز

=

يومية سعودي

تقبل مروري البايخ

برايفت للقيصر وللي بيتلقفون ويقرون

حلووووه التفيخه

badori999 · #12 03/10/2007, 05:44 AM

يعطيك العافيه البالون على هاليوميه الرائعه والخفيفه...

تقبل مروري...

الهلالي دائماً · #13 03/10/2007, 11:21 AM

هلا وغلا بدافورنا وتفيختنا البالون

ماشاء الله يومك نصه نوم وثلثه كوره والباقي عبادة واكل ونت

اجل تلعبون في الاستاد الدولي في مكه

بس ما قلتي ابو عابد التراويح في الحرم والا ؟

الا على طاري برنامج بالقران نحيا ...

مسوين معي لقاء وطلعوني عاد انواع الازعاج والاتصالات من العالم

الى درجة ان صديقة اخت بنت عم صديقة اختي شافتني

لا وجاني اخوي الصغير في المتوسط متحمس يقول اصدقاي شافوك في التلفزيون

عاد المشكلة اني الا الان ما شفت ولا حلقة من ها البرنامج

>>>> لا توقل لي وش قلت ومتى طلعت لاني مدري اهم شي تراني تفلسفت عليهم

يعطيك العافية اخوي عبد الله على هذه اليومية ...

وعشر مباركة والله يعطيك العافية ...

شكرا لمجلسنا الاستشاري وللمشرفين ...

وشكرا للغائبة الحاضرة سندريلا ...

دمت بخير ,,,

راكان _20_ · #14 03/10/2007, 01:07 PM

يومك حلو لكن عندي سؤال

ما تلعب بالوت خخخخخخخخخخخخخخخخخخخ

~SaKaB · #15 03/10/2007, 02:13 PM

أهم شيء عندك وقت تقرا قرءان .. مو مثل بعض الأعضاء يهجرون القراءان حتى برمضان ..

يعطيك العافية ..

سكبكب