|
أفا يا زعماء! ترددت كثيرا قبل ان أكتب هذا الموضوع.. لكن يبدو انه حان الوقت لنتكلم بصراحة.. يا شباب بصراحة صدمت للمواضيع التي بدأت تنتشر في هالمنتدى الرائع مؤخرا!! لماذا كل هذا التشكيك في مدربنا القدير (ناصر الجوهر)؟! لأنه سعودي؟! لأنه ارتكب بعض الأخطاء اللتي ارتكبها الجميع ممن سبقوه , لكنه الوحيد الذي اعترف بشجاعته؟! لأنه حاول ارضائكم ببعض الاجتهادات التي لم تكن بذلك الفشل الذي يدعو لمهاجمته؟! --- الكل يعيب على المستوى (الذي أرى انه مطمئن) , ولكن لما لا تنتقدوا اللاعبين؟! لماذا ناصر بالذات؟! هل هناك لاعب أفضل من الموجودين حاليا كأساسين وجاهز للمشاركه ولم يستدعه الجوهر؟! -- يا ما (عكينا) و (دجينا) في كأس الخليج ولم أرى هالتهجم على الجهاز الفني... واذا كان قصدكم ان المنتخب أكثر من نصفة من الهلال , ياليت نرجع بالذاكرة شوي الى البطولة الرابعه لما كان المنتخب السعودي هو عبارة عن (فريق النصر كاملا + 2 من لاعبي الأهلي) لما كان عبدالرحمن بن سعود مدير المنتخبات , لكن ما اعتقد كان التهجم على الجهاز الفني بالضراوة اللي أشوفها اللحين... ---- صحيح الجوهر له أخطاءه..وكلنا نخطيء , لكن ليش ما يكون الطرح منطقي بعيد عن العصبية والعواطف!! رغم اني أفضل تأجيل الانتقاد الى انتهاء البطولة... يا شباب اذا كنتم تبون البطولة لازم كلنا نوقف ورى الأخضر.. سواءا لاعبين وجهاز فني واداري.. لازم ندعم الجوهر ونسانده ونشجعه.. لكن الأسلوب المتبع حاليا والتهجم هذا صدقوني يضر ما ينفع.. وانشالله يتغير الوضع , وانا متأكد ان مشجعي الزعيم أكبر من انهم يقعون في مثل هالخطأ , لكن يمكن التأثر بما يكتب في المنتديات الأخرى أو ما يكتب في هالمنتدى من بعض الأقلام المندسه هو اللي أثر عليهم... أخيرا آسف على الآطالة..وارجو ان تعذروني ان بدر مني ما يسيء.. |
اخوي هبوب الشمال هؤلاء حساد فانت عطهم الخامس و لا تلقيهم بال |
هلا وغلا ابواثير يا هلا بريحة الشمال :) يا أخوي انا ما لقيت الحساد بال...لكن اللي يهمني هم مشجعوا الأزرق بس :) شاكر ردك يابعدي :) |
احسنت اخوي في كلامك .. ولازم الكل يوقف مع الاخضر .. ولازم اليوم .. ننسى كل الوان الانديه .. ونبقى مع الصقور .. نبي نشوفهم يحلقون في سماء اليابان .. وابي اشوفهم بعد في الدور الثاني في كوريا .. ولتاهلنا لدور ال 16 وكانت المباراة في كوريا .. شباب .. حتى لو طارت بطولة الخليج ... وخير يا طير ... المنتخب طموحه اعلى بكثير من تحقيق كاس الخليج .. لو راح علينا .. قدر الله وماشاء فعل .. ونخليه للفريق الثانيه .. اللي ما بعد وصلت لكاس العالم .. نبي نشرف كل هالفرق في كاس العالم .. وهذا الاهم .. |
هلا وغلا الموهوب انشالله بكأس العالم بتحقق كل طموحاتنا باذن الله.. والاخضر عودنا لاجا وقت الجد..وند يقابل ند..ما تهمه الاسما :) شاكر ردك يابعدي :) |
مشكوووور ياهبوب الشمال ... يعطيك الف عافيه يااخوي هبوب الشمال وان شاء الله كلنا هنا نحاول نكتب الي يفيد منتخبنا حتى لو كان كلام قاسي عليهم لكن لصالحهم وصالح منتخبنا ... وانا كتبت موضوع دموووع الفووووز ياليت تقراه اناحاولت اوضح كذا نقطه ان شاء الله توصل للجميع بالصوره الي اتمناها ... وبالنسبه للجوهر هو اثبت انه مدرب من الدرجه الاولى وكفوا انه يدرب المنتخب وانا اعتبره ابن البلدالي يحرص انه يقدم الافضل لكن العيب مو منه ........؟؟؟؟ ويعطيك الف عافيه |
يا هلا وغلا الفيصــــــــــل شكرا جزيلا على تواصلك , وانا قرأت موضوعك وأعجبني جدا والله.. نقد هادف.. نقاط منطقية.. البعد عن التجريح.. الاشادة بالمدرب اللي ماقصر والله... موضوع رائع لعضو رائع انشالله :) |
ترى اللي تكلم عن ابو خالد من الوطنية اللي عنده . و انا تكلمت عن بعض السلبيات و اللي ابو خالد اقرها . و لكن لازلت اقول ان ابو خالد هو احق من اي واحد لقيادة المنتخب |
هلا وغلاالزعيم الأبن شكرا لردك :) |
الاهم كأس العالم.... يعطيك العافيه ومشكور... |
الغالي هبوب الشمال الأفضل مثل ما قلت الأفضل نخلي النقد بعد البطولة :) لكن فيه عتب عليك ... كل واحد ينقد كل اللي يريده هو مصلحة المنتخب وليس تشكيك في وطنية الجوهر ... شكراً لك ؛؛؛ |
الجوهر ما يبي منكم الا توفير الجو المناسب للعمل والدعوات للاخضر بالتوفيق |
شكرا لكم أهلا رنيم... شكرا لردك :) --- هلا والله نجم الصبح... ياأخوي انا ما تكلمت عن التشكيك في وطنية ناصر , لأن اللي يشك في وطنية ناصر ما يستاهل انك تقرى له , أنا أتكلم عن النقد الجارح من بعض الاعضاء وبعض المشجعين (الجهلة) كما قال عنهم ناصر الجوهر , ومسألة الواحد ينتقد كل اللي يريده أنا معك , وانا أقول الأحسن ان الواحد ينتقد (كل) شي يرى انها يحتاج الى نقد , لكن بشرط ان هالنقد يكون بعيد الاسفاف والتجريح :) شاكر ردك يا بعدي :) --- هلا والله m_shlhoob شكرا لردك :) |
يا أخوي هبوب الشمال مهما تكلمو عن الجوهر فلن يقدم ذلك او يؤخر والجوهر مدرب عالمي ومن يوم مسك المنتخب ما خسر الا مرة وحدة مع اليابان على النهائي وهذا اكبر دليل انه 8 8 8 8 8 8 8 8 8 8 8 مدرب عالمي وما له مثيل ..... ماهو زي فوجتس |
هلا وغلا الهلالي 11 شاكر ردك يابعدي , لكن ترى الجوهر بشر وطبيعي يتأثر بالانتقادات المشينة اللي توجه له.. |
| الوقت المعتمد في المنتدى بتوقيت جرينتش +3.
الوقت الان » 07:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd