مساكم الله بالخير والعافيه

عندي موضوع ودي اقوله لكم وياليت اننا نستفيد من هاذا الموضوع ..

اول شي..

ليشض ما يصير فيه نقاش بين بعض الجماهير الهلاليه والمدرب يعني ادارة المنتدى تختار بعض الأعضاء الي هنا بالمنتدى يكون عندهم خبره بأمور بالنادي و نحدد يومين بالاسبوع ما نبي أكثر من يومين بالاسبوع وذولي الأعضاء يا انهم يروحون للنادي ويقعدون مع المدرب والمترجم ويعطونه أراء تفيد الفريق داخل الملعب . وبالنسبه شلون يقابلون المدرب هاذي موب مشكله يا انهم مثل ما قلت يقابلونه بالنادي لمدة ساعتين او أكثر او بأي طريقه ثانيه بس اهم شي نكون متواصلين مع المدرب يعني هاذا مدرب اجنبي وجاي لبلد غريب وما يدري شي عن الدوري السعودي او خلنا نقول انه يعرف بس معرفته بالفريق راح تكون ضعيفه وممكن من خلال الأعضاء انهم يوضحون له الأمور كلها وهاذا شي من حقنا ومن الطبيعي انهم راح يعطونه معلومات او أفكار تفيد الفريق.

ثاني شي..

انا شفت اكثر من موضوع وأقدر اني اسمي المواضيع الي شفتها مواضيع استثماريه وقويه وتفيد نادي الهلال
فيه اكثر من شخص كتب موضوع استثماري يعني مشروع قوي ويجيب دخل مادي للنادي بشكل غير طبيعي وهاذولي الاشخاص اولا واخرا يبون الفايده للنادي والحلو والرائع بمواضيع الاشخاص ذولي انهم يدرسون الموضوع من اوله لأخره ويجيبلك تفاصيل والمشروع هاذا كم تكلفته وكم راح تصير قيمة الربح فيه يعني بصراحه شي ما اقدر اوصفه لأني اشوف انه كبير علي من هاذي المواضيع بس انه فكرتهم ممتازه واعجبتني. والي اتمناه شي واحد بس

الي نعرفه انه فيه عندنا بنادي الهلال مسؤل عن الاستثمارات او المشاريع بنادي الهلال طيب ممكن احد يقولي انه المسؤل عن المجال هاذا قاعد يشتغل بس حنا ما ندري
ابقول موب معقوله لانه حنا جمهور هلالي كبير موب كم ألف جماهيرنا كبيره وأي شي يفيد النادي نكون مبسوطين ونفتخر بالشي هاذا ونرفع راسنا بنادينا يعني لو مسؤل الاستثمار بنادي الهلال يجتمع مع الأشخاص الي يطرحون مشاريعهم راح نستفيد وموب شرط كل المشاريع الي يشوف مشروعه والله يفيد النادي يطبق فلوس عندنا والحمد الله

والشي هاذا لازم الي تقوم بتفعيله ادارة المنتدى وادارة المنتدى ما راح تقصر بالأمور هاذي

والله يوفق الجميع يارب .. ( وأتمنى اني اشوف وجهة نظركم ولكم مني كل الاحترام )

اشوف انه مشكله كبيره ياخي ان كانك بتخلي الجماهير تهرج مع المدرب ويشوف وش تبغى الجماهير

يعني وش تبغى اكثر من مباراة نجران سوا اللي نبغاهـ وجبنا العيد .

يعني هو المدرب الجمهور مايعرف الا المظاهر وصدقني المدرب ابخص منا .

مسؤول الإستثمار بالنادي هو هو : بدر الشمري ...


والله ماادري اذا كان له دور في الصفقات الإستثمارية او لا ,,

يعطيك العافيه واضح انك مهتم بالهلال من كلامك

وانا متفق معاك في الثانيه اما الاولى احس انه المدرب ابخص

تقبل مروري شكراااا

يامحلى ياااعبيد شبت الضوء في البر


شكرا اخي على اهتمامك

بالتوفيق يااارب

!!.. يعطيك العافية يابطل ..!!