18/10/2007, 06:15 AM
|
| زعيــم متألــق | | تاريخ التسجيل: 07/12/2000 المكان: alzaeem.net
مشاركات: 1,496
| |
|
(.. قانون الدوله ,, اما ذكي والا بقوه غبي !!! ..)
أهلا بالجميع
وكل عام وانتم بخير وعيدكم مبارك <<<<< بدري 
بصراحه فيه موضوع من فتره وانا ابي اكتبه لكن قلت لابد اني اعيد عليكم اول وبعدين نخش بالغير مفيد 
واتمنى ان الجميع باتم الصحه والعافيه ,, ولكم وحشه ما توصف ما عدا سهل " باطن تسبدي "
المهم
بهالعيد الواحد فاضي ولا يدري وش يسوي قلت ياولد خل نتثقف شوي بقوانين دول العالم
والله وانا اللي افتح النت واقعد افتر في ذا المواقع لين ابترم راسي
وقلت بالمره خل ناخذ فكره عن لائحة القضاء الجديدة وهيئة البيعه السعودية وغيره
وبعد ما قريتهن قلت الحمد لله اني من السعوديه وان عندنا ناس تفكر صح وتنظم 
لكن الغريب وانا في صفحة محركات البحث شدتني قوانين فعلا غبيه 
وابي اذكر لكم بعض منها للفائده وللسخريه
يقولك سلمك الله
1) في إيرلنده ممنوع شرب الكحول .. أمام البقر!!؟
وحنا عندنا هنا اذا جينا نعير احد نقوله يالبقره ..
وهم حاشمينه لهالدرجه ,, لكن صدق من قال " المستريح اللي من العقل خالي " 
2 ) في الدنمارك ممنوع غسل الخنازير يوم الأحد!!؟
بالله اللي يقدر يعلل لي هالقانون لا يبخل علينا لانه من جد غريب وغبي ..
وبعدين حنا ما غسلنا مواترنا عاد نبي نغسل خنازير .. لعنة الله عليهم 
3 ) في سويسرا ممنوع سحب السيفون بعد العاشره ليلاً!!؟
هذا احس انه تلفيق ,, واللي عنده خبره بالديره رجاء يفيدنا !!!
ويجاوب على سؤالي هذا :
طيب واذا الواحد جاه مغص الساعه وحده بالليل وش يسوي .. ؟ 
4) فى سنغافوره ممنوع بيع أو مضغ اللبان !! ؟
احس اللي حاط القانون يبي يمنع اي شي وبس والله انه عله
5 ) وفى استراليا ايضا يمنع التجول ليلا بملابس سوداء واحذيه مطاطيه !!
الله يعزك يا وزارة الداخلية
والله يحفظنا وياكم بحفظة يا رب
شكل الحراميه قليل مرررره عندهم واللي مطلع القانون اقطع يدي اذا مو حشااااااااش 
6) أما الإسرائيليين فيمنع لديهم السير لأكثر من 13 خطوه يوم السبت !! ؟
هذي كبيره شوي .. لكن يجعلهم يتحرولون من السبت للسبت قولو امين
والقوانين الغريبه اللي قريتها كثيره لكن حاولت اجيب لكم اللي ما قدرت اهظمه الصراحه
والمقصد اني اشارككم بموضوع كان بودي من فتره اعلق عليه
وقلت بدل لا اعلق عليه في داخلي خليني افضفض الغباوه اللي انا قريتها للنشاما في الزعيم
وابي منكم ولا عليكم امر كل واحد يعطينا قانون غريب قراه وتعليقه عليه
خلونا نتثقف ونضحك " حجه بقضى حاجه "
وتحياتي لكم ما عدا سهل
لانه هو أولكم 
اخر تعديل كان بواسطة » البرفسور في يوم » 18/10/2007 عند الساعة » 06:52 AM
السبب: خطأ مصبعي خخخخ
|
الوضع الشجري
