|
موضوع صريح جداً جداً جداً ( رأيك مهم ) ...منتخبنا أي كلام منتخبنا يتجه إلى أين ؟ دفاع بالبركة هجوم صاب ولا خابت وسط مستواه وسط منتخبنا يسير بدون أي تخطيط أيدينا على قلبونا ل85 دقيقة لا ننسا أن المبارة مع المنتخب الاماراتي يعني ( منتخب سهل ) مع احترامي وتقديري لجميع لاعبي المنتخب الاماراتي في هذه المبارة ...لكن نحن السبب في هذا المستوى لديهم السؤال ماذا أضاف ناصر الجوهر للمنتخب ؟ رأيك |
الحقيقة يا اخ نجم الموضوع مو زي ما تفضلت..لاعبي المنتخب كعادتهم يرتفع مستواهم بعد كل مبارة...غير كذا لاتنسى وجود اقوى دوري عربي الدوري السعودي اذ انه يرهق الاعبين و يقلل من لياقتهم البدنية عوضا عن الاصابات...ما اريد اطول عليك لكن باذن الله راح تشوف منتخب عالمي...فريق الاحلام السعودي..dream team وراح تتذكرني كويس...وانتظر عودت النجوم علشان تعرف انو كلامي صح |
أنا أقول لك وش أضاف وصل لمنتخب لنهائي كأس آسيا 2000 بعد مستوى هااااااابط مع المدرب السابق -- وصل المنتخب لنهائي كأس العالم 2002 بعد ما كنا بدينا نفقد الأمل بالتأهل في ظل الجهاز الفني اللي كان قبله.. -- صاحب أعلى نسبة فوز من جميع المدربين ال 16 اللي مروا على المنتخب!! -- بيجيب كأس الخليج بأذن الله وبتشوف! -------- وقبل هذا كله يكفي انه ســــــــــــعــــــودي |
والله المستوى ما يطمئن اطلاقا لن ولن نحقق شيئاً بكأس العالم مدام هذا المستوى يجب اعادة النظر فبل الفوات لا الدفاع ولا الوسط ولا الهجوم الكل يعاني الدعيع وحده |
المستوىىىىىىىىىىىىىىى زي الزفت واللاعبين ابد مو حاسين بالمسوليه لاعبين دلع الا الدعيــــــــــــــــــــــــــــــع وتحياتي لمنتخب الفشل |
يؤسفني انه ما زال بعض الاخوان الاعزاء يشكك بمدربنا الخلوق ناصر الجوهر ! يا اخوان ما يصير كذا !! مافيه منتخب في العالم ما يعاني من مشاكل النقص والاصابات وانخفاض مستوى بعض اللاعبين ،، يا اخوان خلونا نصير واقعيين ،، حنا مقبلين على بطوله اهم من كاس الخليج وكاس العرب ،، حنا قدامنا كاس العالم ! ما يصير صار ثلاث ارباعنا ناقدين فنيين للمنتخب والله مو معقوله !! حنا دورنا اننا نحضر في الملعب ونشد من ازر اللاعبين والمدرب قل عددالحظور بشكل مخيف وكثر النقد اللي ماله معنى في كل مكان كل ما اروح مكان او ازور منتدى الا واشوف الشباب صارو محللين رياضيين على العموم اتمنى من الله العلي القدير ان يوفق منتخبنا في كل البطولات وانا على ثقه تامه بان جميع اعضاء المنتخب والقائمين عليه هم اهل للثقه وما يقصرون ابدا . وارجو انكم تتقبلون وجهة نضري بصدر رحب لاننا كلنا اخوان ويهمنا امر منتخبنا الغالي ،، تحياتي للجميع ،، |
المنتخب السعودي يعاني كثيرا في الدورة لم نرى شيأيذكر الاخ مدير المنتخب فيصل العبدالهادي مومهم المستوى النتيجة اهم في مثل هاذي البطولات انا من شفت كلامت واحد في مركزة ويقول كيذا انا ماالوم اللاعيبة اذا اخذو راحتهم في الملاعب بدل مايحفزهم على المستوى المقرون بالنتيجة والا فلا فليحتفظ بالتصريحات لنفسة نحن نطالاب بالمستوى والنتيجة مايسير التخبط الي حاصل شوط يلاعبوجيد معااضاعة فرص والثاني ينامو والاخ عبداللة الجمعان يشوت برا من كل ناحية لاعيبة شويتة وعالمية ويدربو 24 ساعة كدح في التمارين واخوانا الاعيبة يبغو المجد وشهرة بدون عناء وحتى التمارين العادية اتحدى اذ اتموة بشكل سليم شي واضح من خلال تخبطهم بعد الشوط الاول كل واحد الي ضامن انة راح يلاعب مافي بديل لة ولي .......... لياقة معدوم ووووووو ال متى ورانا كاس عالم والا سنصاب باسوء من كاس العالم 98 اللة يستر انا اتمنا من الجوهر انة يضغط على اللاعيبة شوي كفاية دلع. |
برأيي .. مو اي كلام |
والله رد عليك اخوي هبوب الشمال .. وصراحة .. ما ادري وش تبون بعد .. ترى الجوهر من مسك المنتخب ما خسر معه مباراة رسمية الا نهائي كاس اسيا ببركة وتوقيع حمزة ادريس .. والجوهر قاعد يأدي الافضل .. وافضل مما كنا نشوف .. وما نبي غير الجوهر .. |
ياشباب الجوهر ماله ذنب لاكن المشكله في اللاعبين لأن شكلهم بصراحه يلعبون بدون نفس بأستثناء الدعيع |
ابو خالد على الأقل ابن الوطن و بعدين اللي حققه مثل ماذكر هبوب الشمال كثير .لكن الصبر ياناس و لاتنسى هذا العالمي فوغتس وش سوى للكويت جابهم تحت الأرض . مع احترامي الكبير للأزرق . والله لو لعبوا بصالح العصفور كان جابو البطولة او على الأقل نافسوا عليها |
الأحبه ... الغالي عاشق_الازرق2002 أنا أحترم رأيك لكن أنت تقول أرتفع مستواهم و الجميع معترف بأن المستوى هابط جداً حتىالأمير سلطان وناصر الجوهر وجميع النقاد يقولون المستوى طايح ...أخوي ابعد المجاملة وخليك صريح شوي ...لاننكر أن المنتخب يفتقد لنصف فريق ( التمياط ...الشلهوب...المشعل ...الشيحان ...عبدالغني ) لكن يجب أن نعد منتخب جاهز مكون من أي مجموعة ولا نعتذر بهذا الغياب ... شكراً لك ...وهذا رأيك :) الغالي هبوب الشمال وسع صدرك أخوي الدنيا مو مستاهلة :) هذا حوار يعني لكل واحد وجهة نظر ...وأحب أقولك أني من أشد المعجبين بالجوهر كمدرب ولا أحد ينكر جميع هذه الانجازات ...واللي ينكرها جااااااحد .. لكن...أنا قصدت المستوى الفني معقولة 10 دقائق يلعب المنتخب و80 دقيقة ننتظر الهدف ومن أي منتخب ؟ من منتخب الامارات الذي لا يوجد عنده رأس حربة على مستوى رفيع لدرجة أنهم يلعبوا بأربعة لاعبين في الهجوم !! لازم يناقش الجوهر ... الله يوفق الجوهر في قيادة المنتخب ...في جميع البطولات ... |
حقيقة منتخبنا اولاً السلام عليكم000 واهني نفسي بأني صرت احد اعضاء هذا المنتدى العظيم اللي يحمل اسم كبيييييييييير وارجو انكم تتقبلوني كأخ جديد بالنسبة للمنتخب انا اشوف انه كل يوم يقدم مستويات هابطه وان كان في اغلب مبارياته يكسب نتيجتةً لا اداءً نقاط المباريات بس ممكن اوجه سوأأأأل مهم0000 مع ان المنتخب بهذا الاداء الغير جيد الا انه يكسب نقاط مبارياته التي يلعبها فما السر رغم تواضع اداءه؟؟؟؟؟ انا من وجهة نظري المتواضعه ان المنتخب مو سيئ بس لمعرفتنا بأمكانياته نطمح في المزيد ويمكن نغفل عن الظروف المحيطة به مثل نقص عدد كبير من الاعبين المهمين مثل نواف والشلهوب والدوسري والشيحان وعبدالغني وايضاً التشبع لدى الاعبين من كثرة المعسكرات وعدد المباريات اللي لعبها الاعبين سواءً في الدوري او في ماسبق البطولة من مباريات تصفيات كاس العالم والمباريات التحظيرية لها وهذا بصراحه عيب المعسكرات والاهم من ذلك عدم وجود مدرب كفؤ طبعا مع احترامي للمدرب القدير ناصر الجوهر بس مهما كان خبرة الجوهر محدوده ونظرته ضيقة في قراءة المباريات واقولها بصريح العبارة المنتخب يلعب بأسمه لكن ارجو عدم الاستعجال بالحكم على المنتخب حتى تتهيْ له جميع الظروف واذا فيه احد الى الان محافظ عل سمعة المنتخب فهم كابتنه الرائع المتألق سامي وبجواره اليامي وماطر والكبييييييييير طبعا طبعا الاسد محمد الدعيع000وجهة نظر شخصية;) |
الجوهر ماله ذنب هو ينفذ ما يطلب منه فقط من المسؤولين . و بصراحة لا يفقه في أمور التدريب أي شيء ........ وكل ما تحقق من قبل ينسب للاعبين فقط والمستوى الهزيل الذي ظهر به المنتخب سببه المسؤولين عن المنتخب أنفسهم .... بماذا نفسر تغيير طريقة اللعب في المنتخبات الأخرى مع تغير المدربين ... أما المنتخب السعودي يلعب بنفس الطريقة مع أي مدرب .. السبب هو عدم إعطاء المدربين كافة الصلاحيات بدءاَ من إختيار الأسماء المنضمة للمنتخب وإنتهاءاَ بالتشكيلة التي تلعب المبارة والخطة أيضاَ .... |
بصراحه ما حد يقدر يطلع عيب بالجوهر الله يعطيه العافيه وما نبغى غيره |
| الوقت المعتمد في المنتدى بتوقيت جرينتش +3.
الوقت الان » 11:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd