[السلام عليكم ورحمة الله وبركاته
حبيت اطرح هالموضوع علشان يكون لكل واحد خايف على مصلحة الهلال وقت انه يراجع نفسه
بعد الخروج من الاسيوية والهزيمة من نجران
نبدا بالاسيوية
_ الجميع بلا استثناء حمل المفرج والعنقري والامير محمد بن فيصل
انا ماني عارف ليش يتحمل رئيس ناد مسؤولية الخسارة..
*المفرج والعنقري بعدين شوي
_ اللاعبون ادو ما عليهم واكثر
* التايب لعب وهو مصاب واللي يبي يعرف صحت الكلام يرجع
ويشوف كيف التايب يتالم بنص الملعب من الاصابة بدون ما يطيح
* ياسر لاعب واثق من مهاراته ومن حقه انه يبتسم باي وقت
بس لانه اضاع ضربة الجزاء الجميع قال ياسر مغرور ولو جابها اقسم بالله
ان الابتسامة حقت ياسر لاتصير توقيع لنصف الاعضاء والمشرفين
وكل لاعب يضيع ضربة جزاء ما جت على ياسر ( سامي الجابر كان يضيع)
* الشلهوب رغم الظروف من وفاة والده رحمه الله الا ان ه لعب واعطى كل مالديه ولكن كان مشوش الفكر
*الدعيع حارس قدير لكن الكورة اللي جته هدف لا يتحملها كلها فيه اخطاء على بعض المدافعين
* التمياط ابدع ولكن دون جدوى
بعد المباراة الجميع يلقي التهم يمين ويسار ما احد يدري ايش يقول مع اننا طلعنا بالتعادل
وبكل صراحة حارسهم ابدع وما قصر
مباراة نجران
_ الجميع يطالب بابعاد المفرج والعنقري
هذا اللي صار لعب عبدالعزيز والمرشدي
_ الجميع يطالب بابعاد الخثران ...صار المطلوب
_ الجميع يطالب بلاعب بجنب ياسر ....... صار المطلوب
_ الجميع يطالب بالتايب والشلهوب.......... صار المطلوب
على العموم نبدا
* الهدف الاول سوء تغطية من المرشدي اللذي وقف دون حراك وارجعوا للقطة وشوفو
* الهدف الثاني المرشدي ايضا يحاول تطبيق التسلل بعد استلام الحسن الكرة ( قاعدة جديدة )
* الصويلح ما شكل خطر هجومي حقيقي زي ما كان ياسر لحاله
*المدرب يلعب 4-4-2
ينزل الخراشي والكلثم ولكن ..............
الهلال ما قصر لكن الحارس ايضا مبدع انشاء الله يبقى مبدع
لكن هذي الطريقة هي طريقة جماهير الهلال وليست طريقة المدرب
والجميع يطالب برحيله لنه طريقتهم ما نفعت
+ اذا اقيل المدرب فعلى الهلال السلام ... مثل النصر
+ اذا تبادل الجماهير الاتهامات مع الادارة .... فعلى الهلال السلام
+ عبد العزيز عبد السلام لاعب ممتاز وادي مستوي رائع
+المفرج لاعب كبير مع ان عليه بعض الملاحظات
خلص اربع كور من مباراة الوحدة كانت في قمة الخطورة
الهدف اللي للوحدة خطا تفاريس وخالد عزيز
ما اطيل عليكم ولكن اتركوا الهلال ولاعبيه يصححوا الاخطاء بانفسهم بدون تدخل جماهيري
النقد البناء سمتكم ايها الزعماء
اسف على الاطالة ولكن لابد ان نراجع نحن الجماهير مطالبنا قبل ان نقدمها
وارجو اني ما اخطيت بحق احد من اللاعبين
سلمت أناملك
الوضع المتطور
