#1  
قديم 01/10/2007, 10:20 AM
زعيــم فعــال
تاريخ التسجيل: 27/08/2002
مشاركات: 248
لاطاح الجمل كثرت سكاكينه

ياشباب بكل صراحة اللي صاب الجمهور ماهو عدم رضا من المفرج او المرشدي نعم ماهو رضا ومن متى حنا الجمهور نطالب بالتشكيلة


اللي حاصل بنا هو ان الجمهور ماهو متقبل الخروج من دوري ابطال اسيا الى الان مصدوم بس صدقوني يمر الوقت ونهدأ اشوي وترجع المياه الى مجاريها واكبر دليل على كذا المواضيع اللي كل مباراة نفتحها ونتبلى اي لاعب يوم غاب المفرج و العنقري اليوم صار اللوم على الزروي والمرشدي ولو يجي مالديني وكانفاروا راح نقول نفس الكلام


والله اللي جالسين نسويه اكبر غلط حنا جالسين نضيع الهلال بكلامنا مب عاجبنا كل شي المفروض نتقبل الهزيمة واذا عندنا اي تفريغ كلام قولوه عند اي واحد من اخوياكم بس لاتخلي المنتدى وسيلة فضفضة لان معظم لعيبة الهلال تدخل المنتدى وتقرأ المواضيع وراح يأثر عليهم وعلى نفسياتهم


استغرب من الجمهور اللي يقول الهلال يلعب بلا روح في مباراته مع نجران طيب حنا نعرف ان المفرج من اكبر اللاعبين الحاليين وكذا مرة اخذ الكبتنية واللاعب محبوب عند زملاه اللاعبين وغيابه اثر على نفسيات البقية صار يلعبون بلا هوية وسبب اخر انهم عايشين المشكلة


لكن هذه حال الكورة الدفاع يبدع 90 دقيقة وتجيه هفوة وحدة يصير الذنب كله عليه والمهاجم يضيع 90 دقيقة ويجيب قول واحد يكون سبب الفوز



يااخواان المفررج يكفي انه خدم الهلال سنين طوال فهو خدم الهلال اكثر من محمد بن فيصل وخدم الهلال اكثر من محمد الدعيع و ياسر و الشلهوب و و و و و.....الخ وحرام ان حنا نعبر عن رأينا بكل هذا التجريح حنا جمهوور وفي وماننسى اللي خدم الكيان الهلالي لماذا لم نطالب بوجود مهاجم محترف من احد الاندية الكبيرة ليتوفر لدينا 3 قلوب دفاع اولا منها نشوف تنافس على المركز وتلاشي بعضا من الاخطاء ومنها تنحل المشكلة


ارجوووووكم يازعماااااء نهدأ ونفكر بمنطق وبهدوء طيب سوينا كل هالزعزعة وبعدين وش بيصير اولا ماعندنا غير هالمدافعين ثانيا لو جبنا دفاع اجنبي او محلي ماراح يكون افضل من تفاريس ثالثا راح نضيع الزعيم طول هالفترة


تكفون نبي لاسيا من الان لانه و كما تعلمون اصبح الدوري دوري نقاط دوري السباق مع الزمن حنا مانحس بنقاط نجران الحين بس في نهاية الدوري بنتمنى نقطة من نجران ليلة امس


طبعا كلامي ليس موجه لجماهير الهلال جميعها جمهور الهلال كبيرو عقلاني وجمهور واعي لكنه موجه لفئة قليلة من الجمهور اخشى ان تظيع مستقبل الهلال


كل اللي قلته مااقدر اقوله مرة ثانية لانه والله نابع من من كل قلبي وانا طبعي مااحب اكتب مواضيع فقط استمتع بالمشاهدة وانظروا الى تاريخ التسجيل وعدد المشاركات لكن السبب اني تعبت نفسيا كل ماادخل المنتدى اشوف المفرج مانبيك المرشدي كاسر تسلل حسن العتيبي فرحان بالتعادل كفىىى كفىىى كفىىى ارجوووكم كفىىىى

اخر تعديل كان بواسطة » هلالx هلال في يوم » 01/10/2007 عند الساعة » 10:48 AM
اضافة رد مع اقتباس
  #2  
قديم 01/10/2007, 10:29 AM
زعيــم فعــال
تاريخ التسجيل: 27/08/2002
مشاركات: 248
بعد مصادمات مع جماهير الزعيم

المفرج يترك الهلال ويعلن الاعتزال

فيصل الشوشان - الدمام


فهد المفرج

يعتزم مدافع الفريق الكروي الاول بنادي الهلال فهد المفرج تقديم خطاب اعتزاله إلى الادارة الهلالية برئاسة الامير محمد بن فيصل واعتزال كرة القدم نهائيا وذلك على خلفية حملة الانتقادات الكبيرة التي احاطت باللاعب من قبل الجماهير الهلالية بعد المباراة الماضية بين الهلال والوحدة الاماراتي التي خرج على اثرها الفريق الهلالي من دوري ابطال آسيا للاندية.
وكان المفرج قد وقع في مصادمات كبيرة مع الجماهير الهلالية بعد المباراة الماضية وطالبت الجماهير اللاعب بالاعتزال والابتعاد عن تمثيل الفريق الهلالي وهذا الامر الذي اثر كثيرا في نفسية اللاعب وساهم بشكل كبير في تحطيم معنوياته.
من جهة اخرى تجري الادارة الهلالية محاولات حثيثة من اجل اقناع المدافع ماجد المرشدي بالعودة من جديد لتمثيل الفريق وذلك مقابل وعود باعطاء اللاعب كافة حقوقه


http://www.alyaum.com/issue/article....6&I=527329&G=2


اخخخخخخخ بسسسس لييييست بهذه الطريييييقة
اضافة رد مع اقتباس
  #3  
قديم 02/10/2007, 05:07 AM
زعيــم فعــال
تاريخ التسجيل: 27/08/2002
مشاركات: 248
الظاهر ان الاغلبية مب عاجبهم كلامي


عموما الله يوفق الزعيم وحنا معه في السراء والضراء
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:52 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube