اهلين يالشعب اللهلالي الكبيرـرـرـر..

صباح الخير .. بخش بالموضوع دوغري .. وبقول اللي عندي واللي بيزعل بيطق راسه بالطوفــه..

انا هلالي متعصب لدرجة الجنون .. فرجاء مو يجي احد عندي ويقول مندس وكلام بزران ..

عنوان الموضوع تقريبا شبه متناقض ..

مدري وش ابدأ لكم ..اقولكم مبروك او اقولكـ هاردلك ع الخسارهـ الثالثه؟؟؟؟؟؟؟؟؟؟؟

مدري كلمة هاردلكـ شكلي بسمعها كثير مثل مايسمها جارنا اخوانا النصراويين ..

وشكل حالتنـا بتكون اردى من النصر ..بتقولون ليش كل هذ1 منكم ياجماهير ماغير تنكتون ع النصر وتشتمونهم ع الهزايم وع البطولات والحين انقلبت علينـا ..تكفووون خلونا منهم وخلونا لحالنا ونهتم لفريقنـا..

امس الهلالـ خسر من فريق مبتدأ او بالاصح فريق حواري لولا اليامي ...

اووك انا معكم الهلال اداا مستوى حلووووو بالمباراه وضعينا حوالي 11 فرصه ومنها اربعه بالعوارض وغير الفرص الضائعه...

يافريقنا تكفى ارحمونا واللي يخليكم بسكم حرقة اعصاب فينــا... الين متى احنا من بداية المباراه نخسر ولانقدر نجيب هدف الا اخر 5 دقايق ليش ماتحسمونهـا من البدايه والله خلاااااص تعبت من جد كافي صدمات بحياتي مو ناقص صدمات منكـ..

ومثل ماقلت وبرجع اقولــ نطلب لاعبيين ظهيررين خفيفين ويمتازون بالاداء الهجومي ...لان مشالله الزوري ابده بالاوفرر ومفووت بالمباراه وخايف ومرتبك ومو واثق من نفسه ويحب يسحب كثير وهو بوادي والمهارات بوادي .. اتعلم من اخطائك ترى الجمهوووور مايرحم ولا رح اعتذر للاداره انك ماتبي تكمل..

عن الجمهور..

يلجمهور والله تستاهلون بوسه ع راسكم ع حضوركم للمباراهـ مع اننا طلعنا من اسيا بس هذا الحب والوفاا منكم ..

انا اتمنى ان كلنـــــــــا احنا يالجماهير نحضر تمارين فريقنـــا يوم الثلوث او الربووع نبي نكلم لاعبينا عن مستواهم هل هم راح يتطورن او لا هل هم بيوعدونا ببطوله اولا عشان مانتعب انفسنــا نبي كلنا سوا مع يوم الثلاثاء لاتنسوون تكفوون..

ومثل ما انتم عارفين نفسيات اللاعبين سيئه مررره من عقب الخساره بنروح نرفع معنوياتهم وبرضوا نبي نعطيهم ارائنا ع مستواهم ..

وترى تونـا احنا ببداية الموسم و2 مباراه، قدامنا مباريات كثيرهـ والتعويض جاي بحضوركم

والهلالـ حاليا ماهو الهلال اللي نعرفه ولاهو روح الهلال اول ايام الثنيان وسامي والتيماووي اه يالقهررر ..بس مالنا الا الصبررر ونشوف الاداره وش بتسووووي ..

وياليت الاداره تعطي مكافأت للاعبين بالمباراه الجايه بعد العيد يمكن اللاعبين مايبدعون ولاترتفع المعنويات الا بالقراقيش ..

عمر الغامدي.. ماني متأكد ان عقدك 5 ملاييين ؟؟؟؟؟؟؟؟؟ ياليت تراجع حساباتك مستواك بانحدار ..

خالد عزيز.. والله اشتقنالك انت كنز من كنوز الهلال

محمد بن فيصل..واللي يخليك لابوك جبلنا لاعبين ..

ونسيت اقول شسالفتنا مع العوارض في احد ساحر العوارض حالف ان كل الكور الهلاليه بالعوارض والله مو معقووول ؟؟؟؟؟؟؟؟؟؟؟؟؟؟؟؟

الهلال محتاج لدكتور نفساني للاعبين ياليت يلبوون هالاداره بهالطلب ..

وانشالله اجازة العيد للاعبيين يخلونهم يرتاحون ويراجعون انفسهم من مستواهم ويرجعونه بعد العيد بأحلى المستويات

ونسيت اقول ان المرشدي اوووكي ولاتنسون ان اليوم اخطأ خطأ واحد ولاتنسون ان طول المسوم احتياط وماتعود ع اجواء المباريات للامام يامرشدي

تفاريس انت فنان بس لاتفلها واجد وتتقدم اشوفك تبي تصير مهاجم هاليومين ..

الصويلح انت لاعب اووووكي بس ركز باللمسه الاخيره

الشلهوووووب انت كبير بس ماحسك جاهزززززز انت كنت تلعب باسمك وكذ1 لمسه قدمتها بالمباراه.. وانا زعلت اليوم في جماهير بدت تغلط ع ام وابو الشلهوب رحمة الله عليهم والله حرام ياجماهير مايستاهل اللاعب كذ1111 احبك ياشلهوووب

اعضاء الشررررف..ياليت تدعمون اللاعبين وتحضرون الاتمارين وترفعون معنوياتهم مو بس ترزز بالصحافه وعند الفوز ؟؟؟؟؟؟؟؟

واخر الكلام.. احبك واعشقك لأخره قطره بعمري ياهلااااااااااااااااااااااااااااااال

آآهـ يا خـالد عـزيز

إقتباس الشلهوووووب انت كبير بس ماحسك جاهزززززز انت كنت تلعب باسمك

ما كان داخل جو المباراه اليوم ابـداً ..