السلام عليكم ورحمه الله وبركاته
اخباركم ياقدعان عاملين ايه ؟
شباب وبنات تكفون ابيكم تنصحوني
انا الحمدلله تخرجت السنه الماضيه ونسبتي 87 %
والقدرات 76 والتحصيلي 72 <<<< مابقى الى يكتب رقم الجلوس 
المهم انا قدمت على جامعه الملك سعود وقبلوني لكن مو بالقسم اللي ابغاه انا طموحي هندسه كهربائيه وبور بالتخصيص مع اني مااعرف عنها اي شي 
المهم انا طلعت من جامعه الملك سعود لان طموحي اكبر من القسم اللي كنت فيه المهم اللحين انا عاطل باطل لا شغل ولا مشغله 
وانتوا مساكين كل يوم تقومون الصبح والدنيا صيام وحالتكم حاله المهم ندخل الموضوع انا اللحين يمكن اسافرادرس لغه في كندا في فانكوفر بالتحديد لمده ست شهور والفيزا يقولون بتطلع بعد شهرين
وبصراحه جتني فكره قلت ليش اسافر اسجل بجامعه الامير محمد بن فهد الترم الثاني واللغه اخذها من عندهم
مع اني من جنبها بالانجليزي 
مشان هيك <<< قلب سوري
يااخوان تكفون انصحوني والله اني محتار هل اسافر واخذ لغه واسجل من بدايه السنه الدراسيه القادمه ولا اسجل الترم الثاني
وبعدين ماعرف عن الجامعه اي شي بس اللي عجبني فيها تخصصاتها مره حلوه
عشان كذا قررت ادخلها ياليت تعطوني نبذه عن الجامعه وكيف الدراسه فيها
واهم شي لاتنسون نصيحتكم يااصدقائي
دمتم للوطن
الحقوا علي تكفون 
الوضع الشجري
