بسم الله الرحمن الرحيم
السلام عليكم ورحمة الله وبركاته
إلى جمهور نادي الزعيم الا وهو الهلال
إلى متى ونحن هكذا مو كفايه إنو خرجنا من كأس أسيا لا وفوق هذا
ننهزم من نجران والله حرام إللي بيسير في الهلال يا ناس يعني ضربتين في
الرأس توجع أنا البارح ماشفت المباراهـ بس قالولي إنو الهلال كان بيلعب
نص باب يعني بيلعب على باب نجران بس وش هالحظ إللي معاند الهلال
أنا هالحين عرفت إنو مقولت غلطان يا معاند الزعيم طلعت مقوله غلط
والحظ هو إللي معاندنا حتى الهدف ما كان يبي يدخل بس الله وأعلم كيف
جابها الصويلح يا شباب إلى متى الهلال بيعتمد على لاعبين معينين وإلى متى
والجمهور الهلالي في أنتقاد اللاعبين الجدد والوجيه الشابه التي توها طالعه
يعني المفرج وقلنا مو مشكله قديم العنقري وقلنا جايبينه من نادي ثاني في اي
وقت نرجعه طيب يعني مين تبون يجي الهلال ؟؟؟؟
حابين نجيب أبيدال لاعب فرنسا ولا نجيب مالديني حق ايطاليا ولا نجيب مين
بالضبط .
أما عى خصوص الوسط فأنا أقولها وبكل فم مليان لو ما كان في طارق التائب
في الهلال صدقوني كان الهلال راح فيها وقسم بالله مع إني ما أهضم حق المبدع
محمد الشلهوب اللاعب الخلوق لكن لا يقارن محمد الشلهوب باللاعبين الأوروبيين
لأن مواصفات اللاعب الأوروربي يجب أن تكون فيه لكي يتمكن من اللحاق بهم
أي نعم الشلهوب والله ما يختلف عليه إثنين بس إنتم ( جمهور الهلال ) تبون اللاعب
ما يغلط في كورهـ ولو غلط راح فيها من إنتقادات وتجريح في الكلام وغير كذا
لا تنسوا إنو اللاعبين بشر فاهمين وش يعني بشر وأنا أبغا أقلكم شي الناس
إللي بيتكلموا على لاعبي الهلال أكيد هم مو مقدرين المسئوليه إللي عليهم
والضغوطات إللي على اللاعبين من جميع الإتجاهات يعني خليك محل أي لاعب
وشوف الضغوطات إللي عليك يعني بالعربي الفصيح إنتم تبون لاعب من كوكب
المريخ بس للأسف هذا صعب لأنو حتى لو جاكم لاعب من كوكب المريخ راح تنتقدونه
وبصراحه هذا هو حال الجمهور السعودي وفي مثل يقول :
( أرضا بقردك لا يجيك إللي أقرد منه ) يعني أتحمدو الله ع العافيه وع اللاعبين
إللي عندكم ..
وأسف ع الإطاله
وشكرآ.
أخوكم \ مودي القمر
( لأ ) + ( مانبي ) + (موهذا ) + ( ما ينفع بريال ) << هذا الجمهور الهلالي والسعودي 
الوضع العادي
