#1  
قديم 01/10/2007, 02:05 AM
زعيــم متواصــل
تاريخ التسجيل: 05/11/2006
مشاركات: 137
أكره الرئيس و ماأحب المفرج ,, ولا تخلط الدين فالكوره

السلام عليكم ورحمة الله وبركاته

أحب الهلال ,و يضيق صدري إذا إنهزم, وانبسط إذا فاز ,, مثلي مثلكم بس مسألة إني أخلّي
إدارة النادي و فهد المفرج والواسطه همّي الاول مصيبه ,, والبلا إني أربط القدر بكل شي وبكل
موقف ,, في ناس قالت عشان الحقوي غنّى قبل مباراة الوحده تعادلنا واللي قال التشكيله واللي قال واللي قال ,كلّن
صار يمشي ويقول وكلّن صار يفهم وكلن صارت له نظره . الهلال حب أولي وما الوم اللي يحب الهلال
بس الكوره بشكل عام شي ثانوي ,, (( المال والشهره لهم ,, والهم والاعصاب لك))
أعذروني مالي فالفصحى وبكمّل بالعاميّه يمكن إنشالله توصلكم المعلومه ,,, أحب أذكّر أخواني الهلالين بعض النقاط
,, إذا ربك كاتب لك تفوز ترى ربّك بعد كاتب لك تنهزم ,,
إلين هنا و بس وهذا إسمه الايمان بالقدر ,,شفنا المفرج اليوم ما لعب وانهزمنا ,,
والمصيبه نشوف ناس اليوم تقول عشان المفرج ما لعب جتنا عقوبه وانهزمنا بسبب الظلم اللي
جاه من الجمهور ,, كلنا نشوف المفرج ماشالله عليه ملتزم ومحترم والغريب تجي المنتدى تلقى
اللي يسبّه واللي يدعي عليه ,, طيب ما فكرنا ليش يصير فيه كذا وهو رجل ملتزم وكلّن يشهدله
يقول النبي - صلى الله عليه وسلم - إن عظم الجزاء مع عظم البلاء، وإن الله تعالى إذا أحب قوماً ابتلاهم، فمن رضي فله الرضى، ومن سخط فله السخط رواه الترمذي و ابن ماجه .
ولو نشوفها من جهه ثانيه نلقى سمو الامير محمد بن فيصل يمر بنفس الموقف ,, ياجماعة كل شي
صار مربوط فالدين ,, ماقد سمعنا الدين يتكلم عن الكوره .
جمهور الهلال فيه كل طبقات المجتمع , جمهور الهلال فيه الداشر والعربجي والمطوع (الملتزم)
والمحترم ,, يعني كفايه كل شي يلصق فالدين ترا هذي كوره و مثل ما تفوز لازم تنهزم , و دوام
الحال من المحال وليس بمحال أن يعود الحال إلى ما كان الحال عليه ,, يعني بالصبر والانتقاد المنطقي
ممكن تتعدّل الأمور وترجع لما كانت عليه.
أهم شي أبي الجماهير تفهمه ,, الفتوى والفلسفه فالدين والاختراع و خلط القدر فالصغيره والكبيره
غلط ,, إيمانك بالقدر يكون فالموقف اللي صار ,, مو تقول عشان فلان لعب والحقوي غنّى والرئيس
سوّا ,, الهلال ضد الوحده ضيّع فرص الدنيا و قدّام نجران شفنا فرص الكوم و ما الله كتب .
كل شي يصير بمشيئة الله وهو أن تؤمن أن مشيئة الله شاملة فما من حركة ولا سكون في الأرض ولا في السماء إلا بمشيئته، قال تعالى: وما تشاءون إلا أن يشاء الله باختصار ما يكتب عسر والله يكتب مافيه الخير...
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:39 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube