نادي الهلال السعودي - شبكة الزعيم - الموقع الرسمي - شر البلية مايضحك>>>>> ويازين الهزيمة في بداية الموسم

- منتدى الجمهور الهلالي (http://vb.alhilal.com/f28/)

شر البلية مايضحك>>>>> ويازين الهزيمة في بداية الموسم

اولا بسم الله الرحمن الرحيم
.
اخواني واخواتي الاعضاء انا اليوم وانا أناظر مباراة الهلال ونجران وآخر الدقايق والله جالس اضحك وبعد مو أي ضحك
انا جالس اضحك بعمق
.
اضحك من القهر
اضحك من الغبن
اضحك على المدرجات اللي اصبحت مليانه عن بكرة أبيها غبااااار وعج
اضحك على شكل الهلال بدون خالد عزيز اللي يلعب بإخلاص
اضحك على المدرب اللي صدق الخبر ودخل العبدالسلام والمرشدي
واضحك على المدرب الغبي اللي اخرج الشلهوب وهو كان من افضل اللاعبين
اضحك على وجوه لاعبي الهلال اللي تحولوا إلى اشباح
اضحك على رئيسنا المحترم اللي هرب من الملعب بين الشوطين
اضحك على ياسر القحطاني وكذبة الاحتراف الاوروبي اللي تسبب في انخفاض مستواه وتركيزه في المباراة السابقة وهذه المباراة أيضا
اضحك على القائم والعارضة الحقيرة التي منعت اهداف زرقاء كانت ستحل مشاكل نصف الشعب السعودي
وايضا اضحك على كل من راهن على فوز الهلال اليوم وبنتيجة كبيرة جدا
واضحك على صفقة برونو الوسيم اللي اتوقع انهم جابوه من برنامج ستار اكاديمي في البرازيل
واضحك على صفقة محمد نامي اللاعب الاسطوري اللي ماحصلناه حتى بالاحتياط
واضحك على الحارس الاحتياطي حسن العتيبي وتصريحه الغريب واللي من المفروض يوجه هذا التصريح للمدرب وليس للجمهور
واضحك على الصويلح اللي مايعرف يثبت كورة صح
واضحك كثيرا على الاعضاء في هذا المنتدى اللي جالسين إلى هذه اللحظة يبحثون بين المواضيع والاقسام عن هدف التعادل للمباراة مع الوحدة ونجران !!!!!!!!
.
.
.
.
همسة اخيره للفاهمين فقط :::
يازين الهزيمة بداية الموسم

أضحك على الي يدر على موضوع زيك كذا

إقتباس:

الرسالة الأصلية كتبت بواسطة الذيـــــ9ـــــب (مشاركة 6430901)

أضحك على الي يدر على موضوع زيك كذا

اذا مو عاجبك الموضوع ليش ترد

يأخي اذا كان هذا موضوعك ليش تشجع الهلال يأخي اللي يشجع لازم يلتزم بناديه ويحبه مويضحك عليه

بالعربي لاتتعبون انفسكم الإدارة نووووووووووووووووووووووووووووووووووووووووووم

إقتباس:

الرسالة الأصلية كتبت بواسطة هلالي 421 (مشاركة 6431192)

يأخي اذا كان هذا موضوعك ليش تشجع الهلال يأخي اللي يشجع لازم يلتزم بناديه ويحبه مويضحك عليه

اخوي هلالي انت شكلك ماقريت الموضوع زين انا جالس اقولك شر البليه مايضحك واني جالس اضحك من القهر والغبن واتحدى أي واحد يحب الهلال زيي وانا سكن بالدمام واحضر مباريات الهلال اللي في الرياض اكثر من سكان الرياض وانا بعد عندي بطاقة الهلال وعندي اشتراك في مرفقات النادي من مسبح وصالة الحديد وهذا وانا في الدمام يعني اشتركت بس علشاني احب الهلال ولو الله معطيني خير كان اصبحت عضو شرف هلالي وانا بعد مشترك في خدمة جوال الهلاال وموبايلي الهلال وهذا اكبر دليل اني احب الهلال اكثر من اي عضو في المنتدى هذا :cry: :cry:

واضحك على صفقة برونو الوسيم اللي اتوقع انهم جابوه من برنامج ستار اكاديمي في البرازيل

اللاعب لاعب مميز بس انت واشكلك مسوين منه لاعب توه يعرف الكورة

اما بالنسبة للامير محمد بن فيصل
جاله اتصال طارئ وطلع

إقتباس:

همسة اخيره للفاهمين فقط :::
يازين الهزيمة بداية الموسم

اكيد الهزيمة ببداية الدوري افضل

ويارب تكون هزيمة اليوم خير

بو سجاد الهلالي اصلا من يوم قريت اسمك وانا غاسل ايدي منك

الله يسامح كل من كان سبب هزيمتنا اليوم

يعطيك العافيه على الفضفضه

تحياتي

إقتباس:

الرسالة الأصلية كتبت بواسطة BOY NJD (مشاركة 6430814)

[SIZE=5][COLOR=blue]همسة اخيره للفاهمين فقط :::
يازين الهزيمة بداية الموسم

صدقت

و ان شاء الله تتحسن الاوضاع