مع تقديري للمجهود اللي يقوم فيه حقوي

واحترامي لمن وكل بعمل الرابطة بالاسلوب التقليدي القديم

اللاعبين لا يركضون في الملعب حماساً على طبول وطيران وحبيبكم مين اللي صارت من طقوس ملاعب كرة القدم عندنا في الخليج بالذات

اهازيج وحركات الجمهور الجماعية وزئيرهم وتفاعلهم بقيادة رابطة هو من يشجع ويحمس اللاعبين

ولكم في الدوري الاوروبي عبرة

ولا معلق يكح في نص الهجمة وخلف صوته كورالا حبيبكم مين ولا محال وطقتها صارات من ثقافة 1400هـ وتحت

ارجو ان يقوم نادي الهلال بتطوير التشجيع في السعودية من خلال أستخدام اسلوب عالمي حضاري جديد يجعل الاندية الاخرى تتحمس وتغير من الاسلوب اللي عفى عليه الزمن

إقتباس جزء من الخساره يتحملها الحقوي

ككككككككككك

الله يعينك ياحقوي بس

اللي يشوفك يقول نازل للمعلب تلعب معهم

عذراً
كلامك مردود عليك ايراهيم من الناس المخلصين لنادية وانا اعلمك السبب وراء عدم
نجاح ابراهيم بأمتياز الرجل خاطب الادارة اكثر من مرة
بخصوص الرابطة التي لاتحمل حوالي عشرين عضو رسمي وليس كباقي الرابطات فيها فوق المائة
وابراهيم طلب من الجمهور الحضور لنادي اكثر من مره لتنسيق ولكن لا حياة لمن تنادي الكل مشغول
بالسب والشتم ؟؟
وياليت ان مباريات الهلال ماتكون مجانية ويمون الجمهور الي يحضر ياازر الفريق بكل قوة مو يجلس صامت

لايهموووووووونك يابوخليل

أنا اقول ميخالف المطاع من المستطاع

وسع صدرك ومايحتاج ان الواحد يسبب حزازيات الواحد يدخل المنتدى لطرح افكار اخوي فيصل مو للزعل شف الجمهور الحين في موضوعك هذا يعطي هذا ركبه والثاني شوي ويفقع عينه اهم شي حضوركم لو الواحد قعد يصرخ لحاله مهيب مشكلة و اليد الوحده ماتصفق الرابطه ماتنجح بدون جمهور متفاعل والجمهور ماينجح من دون رابطه متفاعله يعني مثل الميزان

تذكرون يوم الجماهير تضرب المقاعدالي امامها 4 ضربات وبعدها يقولون هلاااااااااااااااال


و 4 ضربات وبعدها هلاااااااااااااااااال هذيك الايام عذرا الجمهور كان كلهم يتحمسون بلا حقوي

بلا رابطه بلا كرفته

حقوي مجتهد لاكن الجمهور الهلالي مايبغى يتكلم والأتحاد مايقعدون 50 الف متفرج صوت الأتحاد اقوى اش هذا هذا مومنطق ياخي الجمهور ال50 الف زي قلته كلهم ساكتين مافي احد يشعلهم شوفو الأتحاد صالح القرني والعدد القليل الي معه والعو الملعب وحنا 50 الف زي قلتنا نكمل عدد لازم نرجع العدد الصعب
ومشكوراخوي على الموضوع الجيد
وعندي ملاحظه: جددو الأهازيج زهقنا من (حببكم مين ) و ( محال محال )

اشوف كلامك عين العقل صح ههههههههههه

1 اقسم بالله ما يركد جمهور الهلال الا هو ازعاج بشكل يا شيخ اقسم بالله اتابعها في بيتي ازين من اني اروح الملعب

2 جمهور من نجد واللي يقودهم من اهل الحجاز في فرق باللهجه يعني ولو في الثاني اللي مدري وش اسمه اللي ياخذ المكرفون من حقوي والله يلعلع الجمهور ياعيوني

3 تقولون تطبيل وحق رقص صح بعض من الجمهور جايك ببلاش وش تبيه يسوي اللقطلي اي شال على اني هلالي واجلس ماعندي شغله ولا مشغله , انا اشجع الفريق الفلاني(( غير الهلال)) شباب فاضين نروح للملعب نشوف الجمهور الهلالي اذا انهزم وش يسوي واذا ما انهزم لقطنا لنا اي واحد او مجموعة ونتهاوش معهم وش ورانا فله وهياط ((هذي مشكلة االمجان))

والله الحقوي أني كارهه من يوم ما جاء لرابطة الزعيم

وأعطيكم مثال ويخليكم كلكم ماتصدقو وتتفاجؤ

مين يذكر مباراة الهلال والاهلي العام الماضي مباراة اللي بجده في كأس ولي العهد

واللي حضرها يذكر اللي صار فيها المهم أقولكم ايش صار

وأنا كنت من اللي كانو عند الرابطــة وحقوي يقول هدوء أجلسو اجلسو والهلال ضاغط كمان

بالله رئيس رابطة يسكت الجمهور أو يجلسهم الي حضرها يذكر

لاحد بالله يدافع على حقوي قولي بالله كم اهزوجه طلعها ومن كم سنـــة

تقبل مروري هلالي_صميم

إقتباس الرسالة الأصلية كتبت بواسطة هــــ زعيم اسيا ـلال 3 تقولون تطبيل وحق رقص صح بعض من الجمهور جايك ببلاش وش تبيه يسوي اللقطلي اي شال على اني هلالي واجلس ماعندي شغله ولا مشغله , انا اشجع الفريق الفلاني(( غير الهلال)) شباب فاضين نروح للملعب نشوف الجمهور الهلالي اذا انهزم وش يسوي واذا ما انهزم لقطنا لنا اي واحد او مجموعة ونتهاوش معهم وش ورانا فله وهياط ((هذي مشكلة االمجان))

يمكن عندكم ياجمهور الهلال اللي بالرياض لكن والله أ،ه يحضر معي أكثر من واحد

ماهو هلالي وأنا اللي أفرز لهم حبهم للهلال في أي مباراة في جده وأخليهم يتحمسو من المباراة وأعيد وأكرر عندكم بس ياجمهور الهلال في الرياض

والله بردت خاطري يافيصل وقلت اللي ابيه بالضبط ,,,
يعطيك الف عاااافيه وكلامك كبير وانا اضم صوتي لك واقوووول فكونا من ذا الطبول مااااعاد نبيها ,,,نبي تشجيع حضاري بلا طق بلا هم

حقوي وجودة مثل عدمة انا كنت ابي اكتب الموضوع ..

فعلاً اذا ما في شيئ جديد يحمس الجمهور
ويخلية يتفاعل مع الحقوي صعب لازم يجدد
الاهازيج التشجيعيه

معروف الجمهور الخليجي بالسكووت..يااخي الدوري المغربي والتونسي غيير فيه حماس بالمدرجاات..
مانشووفه إلا باوروبا...بالتووفيق