يا شعب الهلال
مساكم الله بالخير والعافيه
البطوله وطلعنا منها والحمد الله على كل شي لاكن اذا حنا اذكياء ومفتحين ونفهمها وهي طايره نعالج اخطائنا وامورنا ونتوكل على الله
اول نقطه وهي النقطه الاساسيه
ياسر القحطاني
لاعب ما يختلف عليه ثنين ولا قلنا فيه شي لاكن من يوم جا للهلال وانتم طايرين فيه والى الحين ما وقفتو طيب لين متى كل يوم نشوف اكثر من عضو مسويله تصميم ومدري وشو والي جايبله صور يعني كأنه هو الهلال بس ياخي من متى حنا نعترف بلاعب واحد بالفريق الهلالي من متى ؟ من عرفنا الهلال وكل لاعبينه بالنسبه لنا واحد من الحارس ليييييييين المهاجم ولا نفلرق بين هاذا وهاذا ياخي يكفي
القحطاني الحين كسب حبكم ما قلنا شي بس وش الفايده ؟!! حققنا بطوله ؟ استفدنا بشي منه غير الاهداف الي بيقولي وصلنا لأكثر من نهائي ابقوله ياخي الهلال لعب بصالويلح وصلنا للنهائي وحققنا النهائي
حنا ما تعودنا على الكلام والمدح الي يزيد عن حده لاكن سبحان الله مدري وش اسميها من بعض الجمهور هي طفاقه هي فرحه مدري وش اسميها
اقسم بالله بعض الاحيان اكون جالس مع اخوياي يضحكون علي يقولون يله ياسر وش فادكم فيه غير المقابلات التلفزيونيه والصور وكلام فاضي وش استفدنا وفعلان كلامهم صحيح وهاذا الواقع وهاذا الي قاعد يصير
يعني حتى اخر مباريات اشوف ياسر كنه ماله خلق يلعب ما فيه عنده حماس ولا شي شوفو الصويلح من يوم نزل ياخي تحس انه ناوي يسوي شي
عموما اتمنى من بعض الجمهور لا يزيد الدلع لياسر لاننا دلعناه وشفنا اخر دلعنا سبحان الله يضيع بلنتي وحنا نروح للاعب ثاني ونهزئه ونسبه ولا نخلي فيه شي ما نقوله
والله يوفق
اما بالنسبه لفهد المفرج تكلمنا عليه كثير لاعب بوجهة نظري انا انه يأدي الي عليه ولا يقصر بشي ابد ابد لاكن الحظ ينعاده كثير والتوفيق اولا واخرا من الله وحده
يعني لو اننا ندعي للمفرج وكل لاعبين الهلال ابرك من اننا نقوم ونسبهم ونتهمهم اتهامات مالها اي سنع .
وألف شكر لكم ومثل ما ابديت رأي احب اشوف ارائكم وجهة نظركم وصدقوني راح يكون لها احترا..
والهلال زعيم اسيا غصب على كل واحد يشكك بالشي هاذا
خلونا نسمي بالله ونتوكل على الله ونبداء بحصد البطولات الجايه ......
وتحيه لكل لاعبين الهلال من اولهم لأخرهم..
الوضع العادي
