والله عيب عليكم نصف مليون هلالي بالرياض وما راح يحضر الى اقل من خمسة الاف - نادي الهلال السعودي - شبكة الزعيم

الزعيم_هلالي · #1 29/09/2007, 10:13 PM

بسم الله الرحمن الرحيم

السلام عليكم ورحمة الله وبركاته

والله ياناس اللي اسمع واشوفه في المنتديات والجرايد يحز بالنفس

الهلال جمهوره الضخم اللي كل يتمناه بكره ماراح يحضر احد منهم

والله عيب والله عيب عليكم تقول هلالي وبالرياض وماتحضر يوم احتاجكم الفريق

توقفون معاه الحين تتخلون عنه ولا جماهير بس ادور الفوز والتطبيل

اولا خروج من اسيا ماهي نهاية العالم ولا هي نهاية كيان الهلال قادر بأذن الله انه يسركم في المستقبل

تبون الصراحه زعيمنا يحتاج عمل كبير حتى يذهب الى اندية العالم منافس على اللقب

وليس ضيف شرف والله يا ناس مافي فريق في العالم كامل كل الفرق فيها نقص وعيوب

والكامل وجهه سبحانه وتعالى شوفوا ريال مدريد اكثر الفرق تحقيق للانديه الاوربيه

وله تقريبا خمسة اعوام يبحث عنها ويريد تحقيقها وشوفوا ا فرق كثيره غيره

الحمدلله الزعيم عنده اعضاء شرف يحبونه وتهمهم مصلحته وجماهير كبيره تصل الى الملايين

بالمملكه العربيه السعوديه ودول الخليج والعالم العربي

يا اهل الرياض يا اهل المناطق المجاوره للرياض يا زعماء

هل تتخلون عن الزعيم ؟؟ والله عيب ولا اتوقعها منكم

إن شاء الله بكره المدرج مترووس ويدعمون الزعيم وينسون الماضي

ترى النسيان نعمه من رب العالمين والماضي درس للزعيم يستفيد منه بالمستقبل

وجماهير الزعيم الوفيه بالرياض وبالمناطق الاخرى لن تبخل بالوقوف مع الزعيم

ودعمه وحثهم على تحقيق الدوري فالهلال في امس الحاجه اليه

اثبتوا للعالم اجمع ان الزعيم وجماهيره يضرب بهم الامثال

وشكرا

إبراهيم الهزاع · #2 29/09/2007, 10:17 PM

إن شاء الله بكره المدرج مترووس ويدعمون الزعيم وينسون الماضي

جميع ماكتب رائع وهذا احلى ماكتبت

أمير الكرة العربية 9 · #3 29/09/2007, 10:18 PM

اما انا فلن ادعم من يدمر فريقي و عشقي , جمهور الزعيم ليسوا كأغبياء الجار فريقهم يدمر و هم يحضرون حتى حلت بهم الطامة الكبرى و في الأخير اقتنعوا ان الحل هو المقاطعة ,,

(( وداعاً يا هلال الى زمن يحترمك فيه الـــرجـــال ))

♥ N E V E S ♥ · #4 29/09/2007, 10:19 PM

بإذن الله اننا حاضرين.......

الزعيم ماجد · #5 29/09/2007, 10:19 PM

جماهير الهلال وفيه ...دائما والدليل حضور الجماهير من كل انحاء المملكه وتحمل عناء السفر
ولكن مباراة الغد ستكون ...جرس انذار للاعبين ...فأما تشجعنا لملاحقة الزعيم اينما ذهب...
واما نتابعه عن بعد....ويا اسفاه على حالك ياهلال...مباراة الغد مباراة الوعد مع لاعبي الهلال
فأ ما نعود للمدرجات واما ....نراقب عن بعد...

هلالي فريالي · #6 29/09/2007, 10:22 PM

سنأتي بكل الاحووال ولكن..هل سيتغير شي في الهلال هل سنرى
1-متفرج
2-عنجري
3-التمياط
احتياااط................؟

س هـ م 0 2 0 · #7 29/09/2007, 10:24 PM

والبه ثم والله ما أحضر دام المفرج موجود

يرحم والديك يا محمد بن فيصل مانبي واسطااااااااااات

themoon girl · #8 29/09/2007, 10:24 PM

باذن الله الجمهوور ماراح يقصررررر

خيال البل · #9 29/09/2007, 10:24 PM

لا ان شاء الله حنا مع الزعيم سواء اخفق او حقق مانتمناه صحيح انا عتبنا عليه لكن يبقى عتب المحب

abo_tareq · #10 29/09/2007, 10:25 PM

بأذن الله بكره الملعب فوووووووول

themoon girl · #11 29/09/2007, 10:26 PM

اللي يقول انه مايحضر اذا فهد المفررج يلعب
ابشرركم فهد المفرج ماراح يـــــــــــعــــــــــــــــلب

دلوعهـ الهلال · #12 29/09/2007, 10:28 PM

إقتباس

الرسالة الأصلية كتبت بواسطة abo_tareq


	بأذن الله بكره الملعب فوووووووول

الله يسمع منك يارب

ابوعباس الهلالي · #13 29/09/2007, 10:39 PM

حاظرين بأذن واحد احد ..

سلآمـ

الزعيم_هلالي · #14 30/09/2007, 01:21 AM

إقتباس

الرسالة الأصلية كتبت بواسطة أبوشملان الهلالي


	إن شاء الله بكره المدرج مترووس ويدعمون الزعيم وينسون الماضي جميع ماكتب رائع وهذا احلى ماكتبت

إن شاء الله وشاكرلك مروورك وبالتوفيق لزعيم نصف الارض

الزعيم_هلالي · #15 30/09/2007, 01:24 AM

إقتباس

الرسالة الأصلية كتبت بواسطة أمير الكرة العربية 9


	اما انا فلن ادعم من يدمر فريقي و عشقي , جمهور الزعيم ليسوا كأغبياء الجار فريقهم يدمر و هم يحضرون حتى حلت بهم الطامة الكبرى و في الأخير اقتنعوا ان الحل هو المقاطعة ,, (( وداعاً يا هلال الى زمن يحترمك فيه الـــرجـــال ))

الظاهر ما تعرف تاريخ الزعيم

الحمدلله الزعيم فيه رجال يستفيدون من اخطائهم ويحترمون جماهيرهم

ولو عرفت الزعيم عدل كل سنه بطوله ولا بطولتين ولا ثلاث ولا اربع ولا خمس

بطولات الزعيم زعيم الموسم الماضي لم نحقق بطوله ولكن إن شاء الله الزعيم

بيسعد جماهيره هالموسم