اللي يبي يعرس بس
 

كيد لاحظتوا ان مواضيع الاعراس دايما تركز على العروس على ملابسها
على مكياجها

على صحتها

على اعصابها و.و.و...

والعريس المسكين

محد جايب خبره

ماغير ادفع انت وساكت

لذلك جرى التنويه لما يلي:

تضامنن مع اخواننا المعاريس



المقبلين على الزواج

واللي محد واقف جنبكم

اهدي اليكم هذه النصائح

واذا عندكم زود لاتقصرون قطوا في الموضوع عادي

قبل العرس بشهرين:

تاكد انك سويت الاشياء التاليه:

حسابك في البنك مغطى(مو تتوهق بكره وتقول ماقلتولي)

حجز تذاكر السفر لشهر العسل

حجز الاوتيل في بلد شهر العسل

(خللي اختيارك رومنسي شوي يعني روح لمكان بعيد انت وياها(جزيره

نائيه(فرصه

تضيعها وترجع وحدك كنك ماتدري

او مكان في الجبل والهواء حلو

هديه بسيطه(مش بسيطه اوي تهديها لعروستك في اول يوم عسل

تجهيز كل الحاجيات لبيت الزوجيه



قبل العرس باسبوع:

لاتحلق ابددد اسبوع كامل علشان يوم العرس تلق

استلام التذاكر السفر

استلام تاكيد حجز الاوتيل

علق ثيابك في بيتك مو تروح طرزان

ثوب العرس والبشت جاهزين

ادواتك الشخصيه كامله وجاهزه

فرشاه اسنان

ماكينه الحلاقه

عطوراتك

ملابسك الخاصه

بيجاما

روب نوم فوق البجاما حق الكشخه.

نظف وجهك بالبخارقبل اسبوع من العرس

( علشان مايطلع وجهك منفخ في العرس)

حجز موعد عند الحلاق علشان حلاقه ومساج و الخ الخ الخ.

(احجز عند مشغل صابونه) ياللا ياصابونه هاذي دعايه ببلاش

يوم العرس:

خذ كفايتك من النوم

بعد ماتقوم خذلك دوش دافي وتفرك زين تلاقيك من العيد للعيد تتسبح

روق بالك وعقلك

وفكر في افكار حلوه ورايقه علشان ينعكس الروقان على وجهك

(يعني لا تروح العرس وانت مكشر او مرتبك او او او.)

تغدى كويس لا تطيح علينا في العرس وتفشلنا

عشاء مافي !!

لاتحلم انك تاكل في الليل علشان تكون خفيف ياخفيف

(في واحد من قرايبنا مشفوح وتعشى قبل العرس وجاله تسمم من الاعصاب

ليلتها

وقضى الليله مابين الحمام والحمام

وكانت ليله مايعلم فيها الا ربنا ولين الحين

نضحك عليه بسبتها ).

بخر الثوب والبشت وهدومك اللي بتلبسها كلها

روح موعدك للحلاق وخليه يسويلك حلاقه معتبره ومساج

علشان يروح أي ضغط عصبي وريلاكس

(برضه نرشح لك صالون صابونه

البس هدومك وتبخر وتدهن بالعود وبخ من العطور الزينه

وهذه لسته على البيعه بانواع العطور الرجاليه الحلوه:



هافن

هريريرا

كارتييه

شانيل

بوشيرون

س ت ديبون



ماحصلت غير هاذي الصوره مو كنه قاعد يطر

فلس الرجال مسيكين وهو بعد ماعرس

روح الحين لعرسك بدري مو تحسب نفسك معزوم وتروح متاخر (يعنني اتغلى)

ارسم الابتسامه الحلوه

لحظه الدخول لصاله النساء للقاء العروس:



سمي بالله

ارسم ابتسامه حلوه

وجه عيونك لعروستك اللي قاعده في الكوشه

(هذا اذا سوت فيك حركه نذاله وسبقتك للكوشه وقعدت على الكرسي قبلك)

اما اذا كنتوا ماشيين سوا:

امسك يدها بشويش مو تضغط عليها كنك خايف وماسك ايد امك

ترا العروس في هذيك اللحظه محتاجه كثير للحنان والاطمئنان يعني حسسها

بالامان بمسكه يدك

لما توصل عند الكوشه وقبل لاتقعدون على الكراسي ارفع الطرحه عن وجهها

وبوس

عاد بكيفك اي مكان بوس كله بالحلاااال

لوووووووووووول

الحين اقعد على الكرسي

انتبه لاتقعد على كرسيها

(واحد من الربكه بعد ماقعدت عروسته وهو كان يسلم على خواته وعماته

وقام من الربشه قعد على العروس وكل الصاله قامت تضحك عليه (بغى يطلق

هذيك

الليله من الاحراج

بعد التصوير بيجيبولكم عصير علشان تشربون

(انتبه لاتفشلنا وتشرب العصير لازم تشربها من كاسك وتشربك من كاسها

وياريت تنتبه انك لاتطيح العصير على فستانها ..

واذا لاسمح الله وطيحت العصير على الفستان (اضحك ضحكه هبلاء

وقولها طيحي عصير على ثوبي علشان نصير خالصين)هههههه.

وانت قاعد في الكوشه مع العروس

انتبه تستخف دمك وتسالها مين هذيك ومين هاذي

(في واحد سال عروسته وهم في الكوشه قال لها مين هذيك اللي لابسه

عدسات زرق

وتضحك

(من يومها وزوجته فاقده الثقه فيه(اجل بالعرس وعيونك ضربت شوط وشافت

العدسات؟؟

ندري كيف عندي لك حل البس نظارات سوود في العرس علشان لاتشوف احد

بعض الاعراس يقومون العريس مع عروسته للرقص

(لاتنسى نفسك وتردح وتفشلنا)

ترى والله صارت رحت مره عرس وقوموا العريس مع عروسته علشان يرقصون

شوي

والعريس استنزل



عند تقطيع الكيكه:

امسك يدها وروحوا للكيكه(يمكن ماتدل مكان الكيكه

امسك السكينه ويدك فوق يدها على السكينه (كذا الاتيكيت) وقطعوا

الكيكه



خذ بالشوكه قطعه صغيره مره علشان تاكلها (مو تحط نص الكيكه في الشوكه

وتقولها كلي

ترزز مره ثانيه للتصوير

بس خلاص نادوا الناس للعشاء وكل واحد يروح بيته



قلنا خلاص وش منتظرين؟؟

ايييه صح غنوا معهم:

ومباركين عرس الاثنين



لا لا لا لحظه لاتروحون

ياخي خليك رومنسي شوي وشيلها قبل لاتدخلون الغرفه (خللي دمك خفيف شوي

علشان

تشيل الحواجز بينكم ويروح الاحراج والخوف ترى الضحكه رسول سلام بين

المحبين



جوهرتكم النادرة :D :p :D :p :D :p :D :D :p

ما شاء الله عليك ، تغطية مميزة

انا بقول نصايحي الجدية من تجربتي بعد 6 شهور من الزواج ، متمنيا لكل عريس ان ينتبه لها جيدا :

1- لا تسمع كلام الحريم ابدا ولا تعطيهم وجه ، خذ رأيهم واتخذ القرار بنفسك في كل امور الزواج.

2- انتبه انتبه لما تجي تحلق يوم العرس لا تحلق خيط حتى لو انك متعود عليه ، لأنه مع الاضواء والحرارة وكثر التبويس بتخيييييييييس وتعرق وتطلع خدودك حمر وانتبه برضه تسوي تنظيف الا اذا بيحط اللاصق وغيره لا .

3- لا تحط دهن عود على ثيابك ابدا .

4- تعال بدري للقاعة حتى يروح الارتباك وتحس انك ملك الا شوي .

5- لا تسوق يوم العرس ابدا الا اذا جيت رايح مع العروس (الله يهنيك )

6- اهم ملاحظة اهم ملاحظة اهم ملاحظة

التصوير ، اهم شي التصوير لا تطلع الا الافلام معك سواء افلام كاميرا عادية او افلام كاميرة فيديو ، بلا اختها بلا خالتها بلا هم ، الافلام معك واللي بتتصور لاززم تعرف ان الافلام كلها بتصير معك ، ممنوع وجود اي كاميرا الا كاميرة المصورة فقط وتعطيك الافلام بيدك انت تحمضها ، وجمع الافلام في مكان واحد واعطيها لآمك اذا بتسافر لشهر عسل وبعد ما ترجع احفظها في مكان امين جدا .انتبهوا تكفون لهذي النقطة لآني ظيعت كل افلام زواجي وانا مسافر وتنكدت والله شوي وابكي وكان شهر بصل ، ولما جيت هنا لامريكا اكتشفت اني شاحنها مع العفش وناسي مع رجة الزواج وقاعد اناقز ثلاث ايام من الفرحة يالله لك الحمد

7- بالنسبة للدخول لا تسمع كلام اخوياك ابدا ، اللي بيقولك سوي كذا واعمل كذا ، ازهلهم تراهم نصابين ، لا تخطط ابدا خلي كل شي بظروفه .


والله يهني كل المعاريس

الله يجزاكم خير...على هالنصايح الغالية....




بس ودي اسأل ما أفضل وقت للاعلان عن الزواج بالنسبة للأصدقاء والمعازيم....شهرين قبل الزواج؟




هذا شي......الشي الثاني ...كم الرصيد المناسب بالنسبة لشهر العسل....


وسلامتكم...

كل هالاشياء اسويها اذا حبيت اتزوج غير الفلوس اللي ابدفعها لبوها
اجل بطلنا نتزوج
وابوسها في الكوشه ليش مافي احترام للجالسين

الــسلام before الكلام؛


روووووووووووووووووووووووووعه والله انك مبدعه يااحلى جوهره في هالمنتدى

تسلمى ويعطيكى الف عافيه انتى والأخ ســــــــــــــيف الــسيف

انا اقول ان الجلسه في الكوشه لاتجوز

لأن فيه حريم من غير المحارم وهذا غير جائز شرعا لأنهم مكشفات

والتصوير للنساء لايجوز حسب فتوى ابن عثيمين

وبعدين انا ملاحظ انه عندكم مافيه لاعرضة ولاسامري

ترى العريس عندنا لازم يشارك في العرضه غصب عنه لو هو ما يعرف شئ (غصب)

@@@@@@@@2
ومبروك مقدما للشباب والشابات المقبلين على الزواج