مباراة الهلال امس قمة الحماس وكاننا نلعب مع الخليج مو الوحده لكن الحمدلله على كل حال وشي اهون من شي
اشياء تنقص الهلال
1-استشاري نفسي كما فعل عبدالله بن سعد رحمه الله
2-فيصل ابو اثنين هذا اللي تسميه هلالي مثقف وبيفيد الهلال باذن الله
3- يوسف الثنيان قبل كل مبارة
4-تطوير مستوى اللاعبين وهذه بشرحها شوي صعب صعب انك تطور مستوى 43 لاعب مع بعض الا ماتهمل بعضهم فلازم يكون لكل مركز مدرب او خلينا نسميه مطور ويكون من ابناء النادي اللي انشهرو بهالمراكز حنا بنحتاج لخمسه بس واحد للدفاع النعيمه مثلا والثاني للظهيرين يعلمهم (متى يمسك دفاع ومتى يبقى بالوسط ومتى يهجم ومتى يرفع ومتى يناول وطرية الرفع ووو... يعني على سبيل المثل العنقري لاعب ممتاز بس ماعنده الا حل واحد الرفع يعني مايحول يلعبه بينيه او رفعه على مستوى متوسط (حقت المقصيات ) والثالث للوسط والرابع للهجوم واكيد بتسالون الخامس وين الخامس لازم يكون يوسف الثنيان او سامي الجابر نبيهم يطلعون لعيه زيهم يوسف وسط صانع العاب مهاجم (بدايات يوسف مهاجم) وهداف ومتخصص فاولات وسامي صانع العاب ومهاجم وهداف هذا غير المهاره اللي عند سامي ويوسف وغير كذا كثير

5-لجنة الطوارئ والتدخلات السريعه (قوووويه ) هذه اللجنه من اهم شروط اعضائها ماعندهم واصطات ولا مجاملات ومهامها سلمكم الله مثلا لاعب او مدرب او اداري او اي احد مرتبط رسميا بالنادي اخطا او قصر او سوى مشكله او العكس لاعب تطور مستواه او نفع النادي او اداري او عضو شرف جابو صفقه نفعت النادي تكون هاللجنه هي المسؤوله تكافئ اللي يجتهد وتعاقب اللي يقصر طبعا من اللي يحدد هالش نرجع لرقم اربعه مدربين المراكز بالاضافه لبعض الاعلاميين اللي تبرى منهم الذمه ومحايدين زي مثلا عدنان جستنيه امززززززززح لاتصدقون زي صالح الحمادي وغيره من الصحفيين اللي لاقال كلمه صدق فيها مايرجي من وراها شي
6-مستشار فني او بالاصح واحد فاهم زي الكبتن الكبير عبدالمجيد الشتالي تكون وظيفته مسائلة المدرب يعني هذا اللاعب ليش مايلعب هذا مركزه هنا احسن تعالي يالاداره ترى هالمدرب سوى هالخطا ولازم نناقشه فيه تعالو يالمدربين المساعدين انتم اشتغلتم على تطوير مستوى فلان وماشفنى تطور ها يالمدرب وش رايك العيب من مين تعالي ياللجنه انا والمدرب متفقين ان الاعب ماتطور مستواه اذا فيه طب يعاقب لين يتسنع ولا تنسيق واذا العيب من مدرب هالخانه نشوف غيره
7- ابناء النادي الاوفياء من اللعيبه القدمى تعال شاركونا ابدو رايكم خلونا نجتمع مثل كل شهرين او ثلاثه نطور النادي نكتشف مواهب من لعيبة الحواري والبطولات الرمضانيه والمناطق وغيره
8- لازم يكون فيه مدخول مادي للنادي ياخي وين العيب ان النادي يدخل التجارة او العقار او اقل شي يفحون متجر منتجات هلاليه وباسعار معقوله مو بس نحط طقم النادي لا نحط كل شي رياضيه وغير رياضيه كتب من تاليف ابناء النادي كور اكواب اقلام ادوات مدرسيه تحف بوسترات النجوم بتوقيعهم وغيره كثير
اقامت مباريات وديه ندوات ومسابقات ومحاضرات وغيرها بعضها برسوم وبعضها مجاني اقامت انديه صحيه
9- فترت التوقف لازم نستغلها يعني زي دورة راشد اللي صارت بالدمام ليش ماتصير بالنادي على ملعب الرديف

وغير كذا الكثير من الاقتراحات بس ماودي اطول عليكم
والسلام ختام

كفيت وفيت
تسلم

عز الله انك صادق

يالبى قلبك

وربي جبتها عالجرح

مشكورين على المرور ولشرطه بعد والمشرف مشكور على حذف المشاركه مع انه مافيه غلط

بدايه حلوه وحياك الله بين اخوانك وخواتك

الاخ الزعيم صديقي الحميم على فكرة ناس كثير ودها تكتب لكن مايمديك تكتب موضوع تجيه بعد ربع ساعه الاهو بالصفحه الثالثه او الرابعه والسبب المواضيع المكرره والساذجه مع احترامي للجميع بعطيك مثال موضوع فهد المفرج والمباراه الاخيره ادخل الصفحه العاشره واللي بعدها بتحصل المواضيع واصله هناك انا قريت اكثر هالمواضيع وللاسف كلهم يكتبون عن نفس الموضوع مع اختلاف ترتيب الكلمات لا اقل ولا اكثر المفروض فيه شروط للكتابه او ينقسم هالمنتدى الى قسمين لزم يكون في حل

مشكور على الدرر