السلام عليكم

كثر الحديث عن اسباب ومسببات الخروج و أعتقد ان الجميع كفو و وفوا

وأنا من الناس اللي كتبت موضوع عن المفرج و العنقري وحذف موضوعي

أسأل الله أن يحلنا منهم دنيا و آخره , والحقيقه هم لا يلاموا على مستواهم , هذا اللي الله عطاهم

لكن اللوم كل اللوم على الاداره والمدرب اللي حاطنيهم عموما ان صحت الاخبار بابعادهم الله يوفقهم وان جلسوا الله يعين قلوبنا

فأنا ابي اتابع مباريات الهلال بالمستشفى

((( مطر ..... ياسر ))) ...............................

ما احد يختلف ان ياسر أفضل رأس حربه عربي و آسيوي حاليا و يتفوق على اسماعيل مطر من ناحية المهارات

لكن اسماعيل يتفوق بانه لاعب حسم و يتخصص في مباريات الحسم الدليل بطولة الخليج والمباراة الأخيره من نصف فرصه قوووول

أعجبني تصريح اسماعيل وهو يمتدح جمهور الهلال وعندما سأله المذيع ما خفت وانت تشوت على الدعيع

قال : انت شوت واذا صدها فهو الدعيع محد لايمك...... ايضا قاله ليش شايل فانيلة ياسر .. قال: لي الفخر لاعب كبير ياسر

عرفت ليش هم فازوا احترموا الخصم واجتهدوا والله وفقهم ويستاهلون

ياسر وان كان افضل يجب ان يحذو حذو اسماعيل مطر في الاهتمام واستغلال انصاف الفرص وان يركز خصوصا في مبارياة الحسم وهذه مشكلة ياسر

اذا ما رجعنا بالذاكره قليلا ( نهائي كأس الملك , نهائي آسيا مع المنتخب , مباراة الوحده ) وين ياسر ؟!

وهذه بحد ذاتها تؤثر بلاعبين اصحاب خبره فما بالك بلاعب شاب

((( التـــــايــــــب ))) .............................

التايب حاليا هو روح الهلال لكن اذا استمر على موال استدعاء منتخب بلاده واذا رجع اصابه اسبوعين راحه وشد وتمزق والله يستر اذا كان معه اصابه مزمنه

اهم مباراة نحتاج التايب فيها من العام مباراة الوحده وراحت المبارتين ولا لعب التايب الا عشرين دقيقه سجل قول وبيض الله وجهه

لكن اصابته جت بعد مشاركته مع المنتخب وبتمرين بعد و الدكتور يقول اجهاد ؟؟؟

لكن اذا ما فيه جدوله مع الاتحاد الليبي على المباريات وموعدها لأنه مستحيل يلعب مع المنتخب والهلال باسبوع واحد

مثل ما صار العام بالنهائي اعتقد نجيب لاعب يكون مكانه أفضل

(( مع انه في نظري أفضل محترف مر على الهلال))

لكن أشجع الهلال وتهمني مصلحة الهلال بالدرجه الأولى

(( فلسفة مدرب )) ..............................

طول المباريات الماضيه كان يلعب بالكلثم نص يمين ما عدا مباراة الوحده دخل الموري اللي ما لعب ولا مباراة اساسي

والاياب لعب الغامدي نص يمين وأحرج الغامدي في مكان مو مكانه والدليل نرفزة الغامدي في المباراة

اتمنى انه ما يجازف في المباريات المصيريه وبالنسبه للاعبين عندك الدوري جرب على كيفك

ويا ليته يثبت على المرشدي والعبدالسلام

الله يوفق هلالنــــــــــــــا

الا نـــامــــي وش اخباره ؟؟؟

سلام

الله يعين