بسم الله الرحمن الرحيم
خالف تعرف
نعم إنها الكلمة الوحيدة التي تعبر عن بعض وإن كنت أقول 40% من أعضاء المنتدى اللي ماتعرفلهم يوم خسر الهلال نهائي الكأس حملوا الإداره الخساره وقاموا ليس ينقدون بل يجرحون في الرئيس الهلالي ويوم كتب احد موضوع عن ابو سلطان كلهم قالوا ايه والله ان ظاهره وووووووو والحين نفس الحكايه تلقى الشخص يسب في ابو سلطان في موضوع او رد وفي الآخر يمدح فيه
قال وين قال معك
قال لي صديق نصراوي من قبل تقريبا سنه بأن الجمهور الهلالي أكثر جمهور في المملكه لكن السؤال هل كل من قال أنه هلالي أصبح هلالي؟ يقول لي بأن في كل ثلاثه هلاليين واحد هلالي بمعنى انه في كل ثلاثه يقولون بانهم هلاليين واحد منهم هلالي صميم أما الباقين قال وين قال معك في نهائي كأس خادم الحرمين الشريفين يوم خسرنا مع الشباب بثلاثه وأنا ارى مع الهلال مهزوم إلى ان فيه هلاليين يتراقصون على ايش ماادري لكن عز الله انك صديقت ياخويي
أول رد وآخر رد
نعم في أكثر المواضيع يمشون باقي اللي يردون على اول من يرد وكان ليس لهم رأي قال والله انك صادق الباقين كلهم والله انك صادق الا من رحم ربك
يقولون مالا يفعلون نعم هذه الحقيقه في المنتدى قبل مواجهة الهلال مع الوحده بأيام يقولون بأن لانريد ان نسكت ونريد إذا لمس الكوره لاعب وحداوي نقول اوووووووووووو وفي الاخير العمده والعشره المشجعين اللي معه هم اللي يقولونها اللي ذهب للملعلب يعرف بانه قبل المباراه قام الجمهور الهلالي بقيادة إبراهيم حقوي بحركت الموج والزلزال ونحوها حتى إن لاعبين الوحده وهم يعملون حركات الإحماء كانوا يتفرجون وينذهلون من هذه الحركات وهذا الجمهور لكن بعد مابدأت المباراه كان مافي الملعب إلا إبراهيم حقوي من الجمهور الهلالي والعمده والعشره اللي معه حتى ان عبدالله الحربي يوم مباراة الهلال والاتحاد في النهائي قال بأن الجمهور الهلالي نايمين واليوسف وأنا اشاهد إعاده للمباراه بعدها بيوم وقت المغرب يقول الجمهور الهلالي ساكت وبالفعل انا بين الجمهور وساكتين وياليتهم اكتفوا بذلك بل انه في بداية المباراه نشبت مشاجره بين مشجعين هلاليين عند الرابطه تحت لحين ماتدخل رجال الأمن نعم للتجريح والف لا للنقد هذا شعارا الكثيرين في المنتديات الهلاليه مخرج 17 ياليتك تخرج من المنتدى ياما تقول هذه الكلمه ونريح من تفاهاتك يقول عشر سنوات والمفرج ينكبنا وهو في الاساس عمره خمس سنوات من وين العشر بالمناسبه انا اتكلم عن بعض من الجمهور الهلالي اللي مالهم رأي ترا حتى الامير عبدالله بن مساعد قالها في لقاء مع الإخباريه بان كثير من الجمهور الهلالي جمهور إعلام
خسرتنا أيها الرئيس
لماذا اضعت البلنتي؟ لماذا سددت الفول في العارضه؟ لماذا يوم ارتدت من العرضه لعبتاها برأسك للبراء؟ لماذا يوم طقيتها براسك حطيتها في النص؟ لماذا كل عرضياتك خاطئه؟ لماذا لعبت الزوري ؟ولعبت بثلاث محاور؟ وجاي تقول مالي دخل
الاعبين ساقول لكل واحد باسمه
محمد الدعيع:المباراه من باب واحد ماجتك الى كورتين اتوقع
فهد المفرج : غلطة الشطر بعشره
تفاريس: وش اقول وش اخلي ماشاء الله تبارك الله
خالدالعنقري:صراحه لايصلح يلعب اساسي
عبدالله الزوري :ظلمك المدرب بان لعبك في هذي المباراه لكن ظهير لاتصلح ارجع لمركزك الاول لان الخفه غير موجوده والعرضيات غير موجوده والمهاره غير موجوده
خالد عزيز:هو نجم المباراتان الذهاب والإياب سنفقدك بكل صراحه لكي تعرفوا معنى الجندي المجهول
عمر الغامدي: كان واضح عليه التوتر لكن بالمناسبه ترا لو هو مالعب على الطرف الايمن كان جت علوم
عبدالعزيز الخثران: من زمان لم نراك مثل هالمباراه والله بعد عزيز هو الافضل وكان الروح عنده 100% ولعبه 100%
نواف التمياط:يخطئ من يقول بان التمياط سيعود نواف 2000 لكنه استرجع 65% من مستواه
سعد الذياب:ماادري وش اقول
ياسر القحطاني:ياسر اختفى بعد البلنتي بسبب تأنيب الضمير
أحمد الصويلح:والله سوا الهوايل يوم طب
طارق التايب:نجم عالمي
محمد الشلهوب:تغير الوسط عندما لعبت
نقاط هلاليه:
*يقولون اعطوا الشباب فرصه وفي موضوع آخر يقول نريد مهاجم أجنبي فهموني كيف ؟
*أحمد الصويلح أثبت أن إمكانياته كبيره لكن محتاج الفرصه
*المفرج كان دوره دفاعي بحت وكان تفاريس يتقدم لان في الاساس المباراه من باب واحد يعني ربما جت علوم لوالمفرج مهوب فيه
*يخطئ من يوقل على الإداره التعاقد مع مهاجم أجنبي الهلال بحاجة ظهير ايمن وقلب دفاع إن كان تفاريس سيرحل
*الدعيع في الذهاب يوم يسحب بإسماعيل مطر قبل شوفوا الكره من ماعرف يكنترلها ولو ماتقدم الدعيع لاتى هدف لو انه المفرج لاصبح 100 موضوع عن هذه الكره احمدوا ربكم ان الدعيع فيه وعلموني من اللي نكبنا ؟
* يقولون التمياط ماسوا شي لا انت اللي سويت وانت في الملعب ههههههههه
*الخثران لااعرف كيف ينتقدونه رغم انه كان من افضل الاعبين في المباراه
*نعم المندسين جتهم الفرصه اللي يعرف بان موقع الحالمي مواضيعه قبل مباراة الهلال كانت يطالبون باستقاله الاداراه ومستغربين من مستوى سعد الحارثي وعرفوا من اين تؤكل الكتف وصار الحين ماحدش احسن من حد ياسر والاداره في الموقع الهلاليه
*كنت يوم أعلن سامي الإعتزال أخشى ان الجماهير الصفراءالإعلام الاصفر ان يحدثوا مقارنة بين سامي ويوسف لكنهم حدث بس بين سامي وياسر يعني سامي يوم كان مع الهلال ماقد طلع الهلال من البطوله الاسيويه ولاقد ضيع بلنتي باجيوا ضيع ولا سولوه مثل ماسويتوا لياسر يوم غلط غلطه قلبوا عليه مع انه كان يسعدنا باهدافه وبتأثيره المباشر على الاهداف التي يسجل غيره من لاعبي الهلال وللاسف صدق الجماهير المقارنات التي لاتسمن ولتغني من جوع
*يقولون ياسر المنتخب غير ياسر الهلال يمكن ياسر عشانه يلعب لوحده ويكون عليه مدافعين واكثر مع المنتخب بمهاجمين مع العلم ان ياسر المنتخب هو نفسه ياسر الهلال
* كوزمين كان سبب من اسباب الخساره
* يوم اعتذرلهم الرئيس يوم مباراة الهلال والكويت قال البعض وش فايدة الاعتذار ويوم قال لن اعتذر لاننا قدمنا اللي علينا عصبوا عليه
وفي الآخير اتمنى ان اكون اوصلت المعلومه للبعض الذي لاافهم كيف مايكون لهم راي
والثانيه السبب الرئيسي في الخساره عدم التوفيق المباراه من باب واحد كيف مالعبوا الهلال زين والثانيه التشكيله الغريبه والثانيه العامل النفسي ماقدرتوا تخلون الوحداويين ينفعلون لكن ساكتين وهذا السبب اللي استغربت منه
والثالثه ترا كل هالكلام عن البعض ليس عن الجمهور الهلالي كله
والسلام عليكم