|
▓ تقرير مفصل عن رابطة مشجعي المجلس العام + دلاخة + طقاق + طرب + أحزان + ضياع + صور ▓ السلام عليكم ورحمه الله وبركاته صباح الخير / مساء الخير عاد على حسب القارئ بالبداية أحب أشكر كل من سأل عني بغيابي ، وهذا أكبر دليل على التلاحم والتواصل بين الأعضاء ( الله يديمها من أخوه ) s13s. اللقاء بالإستراحة يوم الثلاثاء ، ليلة الإربعاء ، هو وقت اللقاء ، لإجتماع الأعضاء ، في إستراحة سواء ( تنفع مطلع قصيدة ):d. وحضر من المجلس العام كل من : ماجد مقبل - المشاغب - جرح يشكي - سمو المجد أبوطلال - خالي من الهم - مواصل من عام 1413هـ المستشار - مهنــــد - الكلاسيكي leo messi - GoLdesT - alhawy أما من المنتدى الجمهور الهلالي فما أعرفهم :d وكان على رأس من حضر ( إبراهيم حقوي ) رئيس رابطة مشجعي نادي الهلال. وعلى عكس اللقاء الأول ، دار أغلب الحديث عن نادي الهلال وما حصل من مشاكل ، واللقاء المرتقب يوم الإربعاء. http://www.up4pal.com/files/2007-9-28-w2sr94jfz.jpg الصورة الثانيه لإبراهيم حقوي بعد ما نزل يلعب كورة بالإستراحة :d http://www.up4pal.com/files/2007-9-28-4du1gzfwk.jpg بنهاية اللقاء في إستراحة سواء :d. سألني المشاغب : تخاوينا بكره إن شاء الله للملعب. جاوبته لا شعوريا بنفس الكلمة المعتاد عليها : ( قــــدام ) :d leo messi جلس يتريق شوي على كلمة ( قدام ) ، يذكرني بموضوع الجواز ،بس جد طلعت لا شعوريا :d. وبعدها إفترقنا ، وتمرد قلبي وقال إنتهينا ، ودعنا من العشق والعاشقين ( هذي شطحة عاطفية خارجه عن الموضوع) :d. http://vb.alhilal.com/news/Fa9l-2.gif دلاخــــــــــــــــــــــــة مشاغب وبيوم الوعد ، أخذنا العهد ، ألا نضرب أحد ، ونصاحب كل بنت وولد ( برضوة شطحة مالها علاقة ) :d. كان الإتفاق بيني وبين المشاغب أنه يمرني بالبيت هو و سمو المجد بحكم إني ساكن قريب عند الملعب ، إتصلت عليه المغرب ووصفت له البيت وقلت له يدخل من عند ( مخرج 8 ). إتصل علي المشاغب الساعة 8:15 وقال : أنا قريب عند البيت ، أنا لبست ونزلت أنتظره عند الباب طول ما جاء s69s. مشيت على رجولي قلت أسوي رياضة على خفيف برمضان :d برضوة ما جاءs73s . كملت مشي لحد طريق الشرقية عند ( مخرج 8 ) ، حسيت بالعطش والجوع من كثر المشي وصرت أشوف سراب ( قوية سراب بالليل ) :d والحبيب ما وصل :cool:. إتصلت على المشاغب ورد علي سمو المجد ويقولي ما لقيت بيتكم :d. الدلخ المشاغب يدور بيتنا من ( مخرج 12 ) :d اللي أذكره إن بين رقم ( 8 ) ورقم (12 ) ثلاث أرقام ما أدري كيف إختفت :d . أتوقع المدرس اللي درس المشاغب الرياضيات كان سباك وعلمه ترتيب الأرقام غلط :d : 1 - 2 - 3 - 4 - 5 - 6 - 7 - 12 - 13 ..... الى أخر الأرقام :d . بعد عناء وصلوا لي ، وركبت مع سمو المجد و المشاغب وركب معنا مشجع نصراوي لمؤازرة الزعيم :d. وذهبنا جميعا إلى الملعب . مشــــــــكلة وطقاق وحيلة إحتيال وصلنا الملعب متأخرين الساعه 9:30 وكانت واجهة الملعب مقفلة :cool: والعساكر رافضين يدخلونا عند الرابطة :cool:. إتصل واحد من الأعضاء ( مو لازم أحد يعرف من هو ، أهم شئ إنه مو أنا :d ) على leo messi وجانا وعطا( نفس العضو اللي مو لازم تعرفونه :d ) لبس خاص برابطة المشجعين علشان ندخل ، و العضو هذا كلم العسكري علشان ندخل من جديد وبرضوه رفض العسكري العسكري طول لسانه والعضو أخذ ويعطي معه ، كلمة من العسكري وكلمة من العضو وقامت المشكلة وبدأ الضرب ، وتجمعوا العساكر على العضو وحنا نحاول نفك :evil:. ثلاثة من العساكر أخذوا العضو لغرفه خاصة ومنعونا من الدخول :d. ثلاث دقايق وخالي من الهم يجينا ويسأل عن اللي صاير ويطلع العضو مع العساكر بدون إصابات الحمد لله ، وتركوه :d. كانت خطة خالي من الهم لدخول واجه الملعب بأخذ كراتين تخص النادي وهي عبارة عن لباس خاص بالمشجعين ، أخذنا الكراتين والحمد لله سمحوا لنا بالدخول بعد عناء دام 20 دقيقة :d. وتم توزيع اللباس الخاص بالجمهور . وحسينا بحب الجمهور لنا ( أيه حب علشان اللي معي بالكرتون :d ). طرب وتشجيع ووناسة وتهييض للجمهور بعد العناء ، والدخول وصلنا لمكان الرابطة ، وصعدنا بالمكان المخصص للرابطة وكان وجيهنا مقابل الجماهير حسيب بوقتها إني مطرب واقف قدام 40 ألف متفرج :d. تصفق يصفقون وراك :d ، تلفت يمين 40 الف يلتفتقون يمين معك :d، ترفع يدينك الجمهور يرفع يدينه :d . بغيت أسوي حركة نذالة بالجمهور وأطب من فوق ، قلت يمكن يطبون وراي :d. وهذي صورة لأعضاء المجلس العام وهم يهيضون الجماهير :d وهذي صورة للأعضاء وهم يتناقشون بعد الهبال والتعب :d بداية المباراة بعد ما بدأت المباراة أنا تركت الأعضاء وطلعت فوق علشان أتابع المباراة ، ومع تسجيل نادي الوحدة للهدف الأول نشف الدم برجولي وما قدرت أوقف جلست وكنت طافي من التعب ، والجمهور ما غير يسب ويلعن باللاعبين وبالحكمs13s وأنا ما غير أعضعض بالشال اللي معي ، ما حسيت بالشال إلا وهو بوسط حلقي :d. كل النشاط راح مع الرابطة قبل المباراة :d. أحـــــــــــــــزان وإغماءات وضيـــــــاع بالملعب بعد صافرة الحكم ، خرج أكثر الجمهور زعلانه وكلها حزن( الله لا يلومهم ) وجلست أنتظر المشاغب و سمو المجد و خالي من الهم و leo messi ، وما أدري وينهم. فجأه شفت المسعفين دخلوا أخذوا مشجع من الرابطة :sick:. http://www.up4pal.com/files/2007-9-28-tehfec3e8.jpg وشفت خالي من الهم معهم وناديت عليه وجاني ، وكنت أتصل على المشاغب و leo messi ومع ضغط الشبكة ما تمسك الخطوط :sick:. وصدفة لقطت إتصال من المشاغب ، بس كان الصوت يقطع ما أدري وش يقول وقطع الإتصال من الضغط على الشبكة :d. من العطش شريت 10 علب مويه لي ولخالي من الهم و الأعضاء ، مشيت أنا و خالي من الهم ولفينا محيط الملعب كله علشان يدور خويه اللي جاي معه ما لقيناه :d. قلت لخالي من الهم ، خلنا ندور الآن المشاغب و سمو المجد بعدين ندورخويك ، رجعنا لفينا محيط الملعب كامل علشان نوصل للمشاغب وسمو المجد :d. من التعب والعطش شربنا 9 علب مويه أنا و خالي من الهم وما بقى إلا وحده بس :d. وبعد عناء لقينا المشاغب و سمو المجد و المشجع النصراوي ، وإحتضنا بعض بعد طول الفراق والضياع بالملعب ، حسيت بإحساس أخوي ، وكانت المشاعر جياشة حزن وفراق ودموع ( أشوى إني وصلت وركبت على طول ما صار شئ :d ). ختام اللقاء نزلنا خالي من الهم عند خويه ، وإستمتعنا بدلاخة المشاغب شوي ومغامراته اللي تنم عن إنسان يحمل دلاخة كبيرة ، بس ما لقى اللي يوجهه للطريق الصحيح بالدلاخة :d. وإتفقت أنا وإياه إني أكون الموجه والإستاذ بالمستقبل بحكم إني دلخ سابق :d. وقبل ما نفترق تم فتح ملفات قديمة من الإرشيف ، قلبت مزاجي طول اليوم :d. كان معكم من قلب الحدث مواصل من عام 1413هـ أو كما يحلو لكثير من الأعضاء مواصل من عام الفيل :d دمتم بخير وعلى دروب المحبة نلتقي بلقاء حصري آخر مع الأعضاء ومشاكل الأعضاء s13s فكرة وسيناريو وحوار وتصوير : مواصل من عام 1413هـ :d بطولة : المشاغب - خالي من الهم - سمو المجد - مواصل من عام 1413هـ - leo messi إخراج : مواصل من عام 1413هـ :d |
هلا والله مواصل تقرير مميز والله يعطيك العافية عليه ماقصرت وبصراحه من اجمل اللحظات اني التقيت فيكم يالدلوخ :d واغلب اللي حضروا للاستراحه من المجلس سبق ان التقيتهم ماعدى الهاوي اللي اول مره اقابله وتشرفت بمعرفتــــه ............ طبعا كلمني ابو مقبل وقال اسبقني عشان نستقبل اللي بيجون وانا بلحقك المهم اول ماجيت الا وذا الجيب اللي يخش حسبته جيب الهيئة :d قمت وطلعت الا وذا مهند والمستشار :thumbup: ودخلوا وجلسنا وشوي اشوف واحد داخل ومعه اكل ..!! توقعته احد من الجيران شافنا وجاب لنا اكل ودخل علينا وسلم علينا قلنا من انت ؟ قال انا ( قودلست ) وثم جاء مواصل وجاء بقيه الشاب ..!! احرااااااااااااااااااااااااااااااااااااااااج ..!! هذا الموقف صار لي يوم جاء الهاوي طبعا انا كنت جاي من برا البيت وماجبت معي قهوة ولاشيء وكنت منتظر ابو مقبل اللي بيجيبها المهم دخل الهاوي وقعد وانا والله مدري وين اودي وجهي وش اصب له الحين :d قمت واخذت السفن اب وصبيت له كأس :d وعطيته وطلعت وادق على ماجد مقبل :upset::upset: ثم جاني جرح قلت له امش نشوف نشتري قهوة ونصلحها حنا بعد شوي بيجون ناس مانبي نتفشل زياده رحنا خذيناها ورجعنا الا وابو مقبل جايب قهوة <--- بدري يبو مقبل :d عموما ... تشرفت بمقابله اخواني الاعضاء والله انها من اسعد الليالي جمعتنا فيكم كل من حضر للاستراحه .... وشكر خاااص للشباب اللي قاموا معنا بالاستراحه وتعبوا معنا ..!! اما الملعب بعدين اكمل لكم ..!! بعد مباراتنا . |
اشوى انك قايل لي بالمسن :wink: .. الحمد لله الرد الاول ما راح .. شكرا :d |
هلابك والله عبد الله ماقصرتوا والله بحضوركم ومساندتكم لكن ماكتب الله لنا الفوز والتأهل تقرير جميل واتمنى اعداد تقرير من عضوا من المجلس العام بعد كل مباراة مهمه للهلال التقارير بعيون مجلساويه احلى دمت بود ... وحظ اوفر ان شالله |
اخيرا فكيتوا عنا <<<<<ما كان حاجز:d على البركه اخوي مواصل من عام الفيل:d:d اولا الله يجعلها جمعة محبه واخاء ...وباذن الله اني جاي الرياض واتعرف على الوجوه التحيفه:d بالنسبه للمباراه يعطيكم الف عافيه على المجهود...وفي الاخير ما لنا الا نقول قدر الله وما شاء فعل وياقلب لاتحــــــــــزن:cry::cry: سلاااااااااااااااااااااااااااااااام |
مغامرات جميله,, و صورأجمل.. مشكور ع الموضوع الحلو.. |
هلا و الغلا مواصل من عام 1413 مشكور على التغطية المتميزة للقاءين اللقاء الاستراحي :d و اللقاء الآسيوي :upset: الله يجمعكم على الخير ان شاء الله و أشكر الأعضاء اللي وجهوا الدعوة لكن ما قدرت أجي و الله ما أحب الرياض :d >>>>>>>>> أجل القصيدة وراها سر :thumbup: أحب جدة حب نفسي لنفسي أحب جدة و المحبة قوية ههههههههههههههههههههههه الله يعطيك العافية يالغلا و دمت بود |
يعطيك العافية على التقرير يخوي صار ودي اشوف (المشاغب) |
شكرا عبدالله ما هوب حجز :D بااااااكـ يعطيكم العافية يا شباب بس للاسف طلعتوا خسرانين بسبب أشباه اللاعبين و لكن أنتم ما قصرتوا عبد الوهاب و سلطان و يسلم و عبد الله و باقي الشباب كنتم شعلة بالنشاط ما شاء الله عليكم و لكن الحظ ما ساندنا و لو كنت بالملعب و أشوف الكوبري السريع سريع بالمفرج عند قوس 18 :d ما يردني إلا رقم 17 مقبوض بيدي أو أنا مقبوض بيد العسكر :d و النمشان متى يترك عنه حركاته النذلة هو العساكر اللي معه ,, يرفعون الضغط و ضرب و سب و قلة أدب :upset: ما نقول إلا حسبي الله و نعم الوكيل يا نمشان و حسبي الله و نعم الوكيل يا نكباتنا و واسطتنا في الهلال :sick: |
إقتباس:
إقتباس:
إقتباس:
ضرب واغماءات وعطش وجوع وضياع وقطع ارسال بصراحة تستاهلون أحد يتحمد لكم بالسلامة الله يعطيك العافية على هذا التقرير :thumbup: والحمد لله على سلامتكم |
^ ^ حمدالله ع السلامة :) |
إقتباس:
توه ما نور المنتدى ، وكل عام وأنتي بخير :d أنتي يبي لك رد خاص :d كنت بترك الموضوع أسبوع علشان أرد ، بس رجعوك للمنتدى أجبرني على الرد بدري :d توه ما نور المنتدى ، هلا فيك أختي شذى s13s |
مواصل مشكور عالتغطيهـ :thumbup: وبصراحهـ شكل الجماهير رهيب s13s وخيرها في غيرها مودتي |
شكرا على التقرير |
مشكور عالتغطيهـ |
| الوقت المعتمد في المنتدى بتوقيت جرينتش +3.
الوقت الان » 01:16 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd