نادي الهلال السعودي - شبكة الزعيم - الموقع الرسمي - تكفى يا راشد تكفى يا حبيب الملايين (والله انه افضل ظهير ايمن بعد الدوخي)!! همتكم يا شباب تكفوووون .. (يوجد صوره للاعب بالداخل) بسررررعه (هااااااام)!!

السلام عليكم ورحمة الله وبركاته

الموضوع الي راح اتكلم عنه والله في بالي من زمان لاكن ما حصل لي اني اكتب عنه الا الحين

الموضوع يتكلم عن لاعب الفيحاء الظهير الايمن ناصر حديب

http://pix.nofrag.com/ef/91/51dbe9b9...26578b63a7.jpg

يا جماعه الاعب هذا خطييير والله لاعب غير طبيعي

الاعب هذا كان فيه تنافس بين الهلال والنصر في الموسوم الماضي عليه لاكن للاسف ما كان فيه جديه في المفاوضات من كلا الطرفين

والموسوم هذا طلبه النصر وخاض تجربه ثانيه وفوكي كان حاط اسمه ظمن الاعبين المعسكرين في الطايف لاكن النصر كان يبي الاعب من الفيحاء مقايضه مع لاعب ثاني

والاعب هذا عنده مميزات كثيره يمكن اهمها والي قليل ما تحصلها في الاعبين ان خطوته (طويله) ما شاء الله عليه وحتى رجله قويه ومركزه على الباب ومهاراته قويه وبالذات (المروحه) افضل لاعب يسويها بعد روماريو :d ويشوت فاولات وسريع والتغطيه الدفاعيه عنده 10 على 10 واوفراته بالمليمتر مثل ما يقول رؤوف خليف :d

يعني ما شاء الله تبارك الله لاعب متكامل من الى

والاعب هذا له اكثر من سنتين وهو الاعب الوحيد الي مستواه ثابت وفي تصاعد وحتى جمهور الفيحاء مستغرب ان الاعب الى الآن ما انتقل لاندية الممتاز

واقسم بالله العظيم اني اعرف شخص يحضر التمارين والمناورات عشان حديب

انا سألت اكثر من شخص مثل ما يقولون خبير في الكوره ويعرف الاعبين ومستوياتهم

سألتهم عن حديب ولو انتقل للهلال راح يفيد او لا

وكلهم مدحوه وقالوا انه من افضل الاظهره الموجودين حالياً في المملكه

حتى واحد منهم وهو نصراوي متعصب لاكن ما شاء الله عليه له نظره في الاعبين قال لي ( من يوم ما انتقل الدوخي للاتحاد وانا قايل ان ما راح يعوض غيابه الا حديب ) وقال لي بعد ( حديب افضل ظهير ايمن في المملكه بعد الوخي اذا ما كان افضل منه )

والله ادري انكم بتقولن اني ابالغ وبصراحه ما الومكم لانه شي غريب ان لاعب مثل هذا الى الآن جالس في الدرجه الاولى لاكن حبيت اقولكم ان عمره 24 سنه فقط يعني لو انتقل للهلال راح يخدمه سنوات وسنوات

والله ثم والله لو اني رئيس او عضو شرف وطلب الاعب 5 ملايين كان دفعتها وانا (( مغمض ))

والله انا كنت متخوف اني اكتب الموضوع هذا لاني اتوقع اني فيه ناس بيقولون اني ابالغ وكذا لاكن اقسم بالله هذي الحقيقه وهذا مب كلامي انا بس هذا كلام كل الي سألتهم عن الاعب

والي مب مصدقني يشوف أي مباراة للفيحاء ويتأكد من كلامي

واتمنى من الي يعرفون الاعب انهم يعطونا رأيهم

وأخر هدف سجله حديب كان على احد وبصراحه الهدف حلو سحب الحارس وحطها في الباب
واذكر بعد مناهدافه هدف سجله على الوطني وم يصعد الفيحاء للدرجه الاولى قبل ثلاث سنوات تقريبا وكان شوته من خارج الـ 18

وهذي راوابط معلومات الاعب في موقع كوره

http://kooora.com/default.aspx?player=16658
http://kooora.com/default.aspx?player=16658&region=-11

العشم في يا راشد تكفى يا حبيب الملايين يا حبيب الشعب الهلالي لا يضيع الاعب مننا

فترة التسجيل الثانيه على الابواب والهلال يحتاج لاعب في المركز هذا تكفى يا راشد تكفى

انت الشخص الوحيد الي يسمع لمطالب الجمهور ويحقق امانهيم

واكبر دليل تفاعلك معنا يوم طرحنا موضوع اسامه هوساوي ويوم تكلمنا عن قناة الزعيم

والله يا راشد اني كاتب الموضوع هذا وانا متأكد انك راح تلبي طلبنا

تكفى يا راشد تكفى

يالله همكتم يا شباب تكفون نبي صوتنا يوصل لراشد حبيب الجماهير

والله ثم والله اني ما كتبت الموضوع هذا الا من حرصي على الزعيم وانه يظهر في احسن حله

و والله اني كتبت عن حديب بالذات لانه هو الوحيد الي يقدر (ينسينا الدوخي)

والله ما راح تندمون

والي يقول ما ودي ارد اومالي خلق

يسوي نسخ ولصق للعباره هذي

ناصر حديب يا راشد ناصر حديب

تكفى يا راشد املنا في الله ثم فيك

ساميو 722