النجم المفرج يعلن موعد وتاريخ أعتزاله الكره ,,,, - نادي الهلال السعودي - شبكة الزعيم

Kk22 · #1 28/09/2007, 01:55 PM

مساء الخير أولاً

وثانياُ أحب أعلمكم أني لقيت للمدافع الدولي والعالمي فهد المفرج لقب وأتمنى من الجميع مناداته بهذا اللقب للشد من أزره , اللقب هو :

بودي قارد المهاجمين

بالعربي الحارس الشخصي للمهاجمين

حسبي الله ونعم الوكيل بس

تدرون مفروض متى يعتزل النجم فهد المفرج ؟؟؟؟

المفروض يعتزل ليلة العيد عشان يصير العيد عندنا بعيدين

قسم بالله أنه كان يؤدي عمله بأمانه وأخلاص تدرون ليه ؟؟؟

حرس اسماعيل مطر من نصف الملعب الى قلب منطقة الجزء وقاله سدد وأنا راح أعزز لك وأحميك من تفاريس وعزيز وبعد نبي نموه على الدعيع

وموه على الدعيع بالكبري اللي دخل فيه أطول كبري شفته بحياتي بعد كبري أنتقال المشعل من المريخيه الى الاتحاد

تأمنون بالله عاد أنا مستعد أحلف أن لو الدعيع مو موجود يعني مافي حارس بالمرمى ونوى أسماعيل مطر أنه يدخل هو والكوره بالمرمى راح يحرسه المفرج الين مايدخل مطر والكوره ولا وهو بيدخل معاهم وراح يسوي تغطيه شخصيه لمطر

أتمنى من المفرج أنه يروح يأخذ عمره في العشر الأواخر عل وعسى تروح عنه الدعوات اللي جته من ملايين الجماهير

والله أني أحب المفرج والله يشهد علي وكنت <<< لاحظوا كلمة كنت, كنت أزعل من أي شخص يغلط عليه وكنت أظن أنه أحسن من المرشدي الله وحده بس يعلم وش كنت أحبه , بس خلاص نفذ صبري في نكباته .

اسف على الأطاله تقبلوا تحياتي

هلالي للابد ! · #2 28/09/2007, 01:57 PM

تحلم انت

انا سمعت ان المفرج ناوي يعتزل بـ 2017 ميلادي

S K Y · #3 28/09/2007, 01:58 PM

موضوعك بايخ وماله معنى
مو لان المفرج مايعرف يلعب نقعد نسبه ونتريق عليه

انا اتمنى يترك مكانه لغيره لكن بكل احترام

راقي لأني هلالي · #4 28/09/2007, 01:58 PM

يالييييييييييييييت يعتزل ويريحنا........

عاشق ســ6ــام · #5 28/09/2007, 01:59 PM

إقتباس


	أتمنى من المفرج أنه يروح عمره في العشر الأواخر عل وعسى تروح عنه الدعوات اللي جته من ملايين الجماهير

اي دعوااات وانا اخوك

و الله من الحسناات الي جته

كل واحد يسب فيه ويطلع له عياره !!

اللهم اعوذ بك من الجهل يارب العالمين

هـلآلي ونبضـي سـآمي · #6 28/09/2007, 02:01 PM

ياحبيلك .. المفرج يعتزل .. !!

صدقني .. بيعتزل الفريدي والكلثم .. واخونا في الله مازال مراابط في (المخرج) .. !!

الظاااهر .. لو نحطه احتياااط .. المهاجمين يتجهون الى الدكه يبونه يحرسهم ... !!

أحمد18 · #7 28/09/2007, 02:01 PM

إقتباس

الرسالة الأصلية كتبت بواسطة هلالي للابد !


	تحلم انت انا سمعت ان المفرج ناوي يعتزل بـ 2017 ميلادي

هههههههههههههههههههههههههههههههههههههههههههههههههههههه

الزعيمّ · #8 28/09/2007, 02:03 PM

<< مسكين المفرج حط نفسك مكانه

ذئب ثادق · #9 28/09/2007, 02:25 PM

لا تعليق

آسر العيون · #10 28/09/2007, 02:27 PM

مخرج17مافي أمل يعتزل أنا عندي اقتراح أنناناخذ لافتات في الملعب ونكتب عليها (اعتزل يانكبة الهلال)

مساحه حره · #11 28/09/2007, 02:29 PM

لا تعليق

sport55555 · #12 28/09/2007, 02:34 PM

ياشباب اسلوب افضل

Kk22 · #13 28/09/2007, 02:36 PM

إقتباس

الرسالة الأصلية كتبت بواسطة الزعيمّ


	<< مسكين المفرج حط نفسك مكانه

الحين كسر خاطرك المتفرج ولا كسر خاطرك 75 الف حضروا للملعب وبعضهم بكاء وأنا شفته بعيني

وأنا ماكسرت خاطرك أفطرت بالدمام ومشيت للرياض وأمشي 180 طاير وفي بالي الفوز بس واخرتها يجي المتفرج ويحطم كل اللي بنيناه

ياخي تدري لو بحط نفسي مكان المتفرج وش راح أسوي ؟؟؟

بأعتزل وأتجه لتدريب الحواري والا أصير مدرس رياضه والا أي شغله حلوه تريح الناس من نكباتي

asheq_alz3eem-20 · #14 28/09/2007, 02:37 PM

رددو ياليل ماطولك

حنا مانقول يعتزل خلوه احتياطي

بس لايطقها الين مايعتزل

Kk22 · #15 28/09/2007, 02:38 PM

إقتباس

الرسالة الأصلية كتبت بواسطة هلالي للصاجه


	ياحبيلك .. المفرج يعتزل .. !! صدقني .. بيعتزل الفريدي والكلثم .. واخونا في الله مازال في مراابط في (المخرج) .. !! الظاااهر .. لو نحطه احتياااط .. المهاجمين يتجهون الى الدكه يبونه يحرسهم ... !!

ياخي والله كلامك سليم