السلام عليكم ورحمه الله وبركاته
كيفكم .....
عارف ان الحال مايسر بس ايش نسوي....الشكوى لله.......
المهم يازعماااء ......
الكل يعرف الحاله اللي مرينا فيها أمس واللي حرقتها في القلب للحين....



والكل يعرف المواااضيع اللي انكتبت امس وانا منكم......
كانت مواضيع فيها تجريح وااضح وسب (مع اننا في شهر الخير شهر رمضان)

امس الله يلووم اللي يلومنا........ واللي مرينا فيه صعب ... صعب ...صعب....

لكن اليوم خلاص المفرووض ننسى(والله عارف اني اضحك على نفسي صعب انسى وصعب تنسون)لكن نحااول نتكلم بعقلانيه......

شباب ترى خسارتنا امس مالنا احنا الجمهووور اي دخل فيها بمعنى امس اللي يشوف ردودنا على بعض يقول حشى هذا واحد نصرااوي وواحد اتحادي وووووو
مايقول هاذولي كلهم ينتمون للشعب الهلالي


شباب احنا ماجينا هنا نعاند بعض اونسب احد او نجرح في احد
انا معااكم المباراه امس مهزله و بعدها جات ساعه شيطان وكلنا غلطنا فيها وانا اولكم اللي مسوي ناااصح

لو تلاحظون مواضيعي من امس ترى والله غبيه ومالها داعي وردودي اغبى وكلها شتم وسب لكن الشهاااده لله امس مانلام اليوم قعدت وراجعت نفسي قعدت اضحك على كلامي اللي قلته كله امس....... موعيب الواحد يعترف بالخطأ العيب هو الاستمررار في الخطأ والتمادي فيه........

لذلك ابغى منكم طلب تكفون اللي امس اخطيت عليه واتلفظت عليه يسامحني ....اعرف انكم مريتوا بنفس الحاله امس لذلك راح تعذروني وانا اقولكم وبالفم الملياان اللي تلفظ علي امس وتكلم علي مسمووووووح لان عشت الحاله اللي هو عاشها
بس بعد اليوم ترى مااسامح ولااعدي لاحد(امزززززح خذوا راحتكم)


على فكررره هذا الموضوع ماله دخل في المباراه ولاتحليلها الفني....
هذا الموضوع عشان علاقتنا احنا بالمنتدى لازم تكون مبنيه على الاحترام لانه ياشباب صعب الجميع يتفق على راي وااحد لابد لكل وااحد وجهه نظر ولازم تُحترم....

وهذا لايعني ان المباراه ماكانت فيها اخطاء بالعكس كانت هناك اخطاء وكثيره ولكن لنا معها ومع الاداراه وقفه قريبه جدا انشاءالله.........
هذا الموضوع لتصفية القلوووب فقط .......
الله الله في العقلانيه( وصدقوني انتم اهلها) الله الله في الاحترام( وصدقوني هذا من اصلكم) والله الله في بعضكم الله لايفرقنااااااااااااااااا


صدقوني الزعيم الان في امس الحاااااجه لنا نبي وقفتكم يارجال المواقف........

ودمتم

مسامحينك اخوي خنقتني العبره والله اني احبكم كلكم وان شاء الله اخر السب والشتم

مشكورين حبايبي جدار والزعيم يعطيكم العافيه

إقتباس الرسالة الأصلية كتبت بواسطة هلالي مووووووووووت اخوي اول شيء شيء حلو ان الواحد يعترف بغلطه ويعتذر والاحـــلى لو ان الواحد مسك اعصابه لان الرسول عليه السلام يقول (( ان الشديد من يملك نفسه عند الغضب )) طيب انت عصبي وزعلان من النتيجة لاتجلس ع النت ولا تناظر في كلام احد اذا عارف انك راح تخطي كلنا هنا اخوان ماراح احد يزعل ع الثاني كلنا هنا لمصلحة الزعيــم وللرقي بمســتواهـ الجميع يشاهدكم وينظر ردود افعالكم انتم الان محط انظار لانكم تنتمووون لزعيم اسياء فيجب علينا ان نعكس الصورة الراااائعة اللي كل واحد يتمناها للزعيم فريقنا ولله الحمد الكل يطمح للانتماء اليه لذلك يجب على الجميع ان يكون تواجدهم فعــّــال لمصلحة النادي الذي جمعنا على قلب واحــد اتمنى من الجميع ان نعكس صورة رائعة عن جمهور الزعيـــم اتمنى ان نكون عقلانيين في ردودنا وان يكون حالنا عند الخسارة كحالنا عند الانتصار الاهم هو الروح الرياضية العالية الاهم هو الا نفقد بعض الأهم هو ان يبقى زعيمنا زعيما للأندية وان نبقى مثالا لكل الجماهير في الروح والاخلاق تحياتي للجميع ودمتم بود // هلالي موووووووووووت .

ردك ماشاء الله احسن من موضوعي تسلم هلالي وهذا اللي نبيه

الله الله الله على جمهووور الزعيم ياسلام عليكم

حلو ان الواحد يخطيء ويعترف بخطاهـ

مسموح ياخوووي

وياهلاااااال عزك عزنااااااااا ياهلال

يعطيك العافية

مسامح حبيب سامي والله يلوم اللي يلومك
وعوضنا الله خيراً منها

مسامحينك والمسامح كريم

ايوووووووووه هذا اللي نبيه وصدقوني زعيمنا يمرض لكن مايموووووووووووت
اشلون يمووووووووووووت وانتم جمهوره
مشكوووورين

تكفوووون كثروااااااا ردودكم عشان الموضوع يرجع الصفحه الاولى الموضوع مفيد لكل الزعماء انا متأكد راح تعجبهم الفكررره تكفون

السلام اناجديد في المنتدى احب اهني ياسر القحطاني

الموضوووووع قديييييييييم